Chinmayi: డబ్బింగ్ ఆర్టిస్ట్, సింగర్ గా ఎన్నో సంవత్సరాలు ఇండస్ట్రీలో ఓ వెలుగు వెలిగి ఎంతో మంది అభిమానులను సొంతం చేసుకుంది చిన్మయి శ్రీపాద. ఈమె సోషల్ మీడియాలో చాలా యాక్టివ్ గా ఉంటుంది. వివిధ విషయాల మీద తన అభిప్రాయాన్ని వ్యక్త పరుస్తూ ఉంటుంది. సమాజంలో ఏదైనా తప్పు అనిపిస్తే కచ్చితంగా స్పందిస్తుంటుంది చిన్మయి. కట్నం చాలా తప్పంటూ ఎన్నో సార్లు సోషల్ మీడియా ద్వారా తెలిపింది. అయితే కొందరు ఈమె మాటలను ఏకీభవిస్తారు కూడా.
రీసెంట్ గా సీనియర్ నటి అన్నపూర్ణమ్మ మాట్లాడిన ఒక వీడియో మీద చిన్మయి తన అభిప్రాయాన్ని వ్యక్తం చేశారు. కానీ ఇందులో ఆమె వాడిన ఒక పదం నచ్చకపోవడంతో ఈమె మీద కేసు ఫైల్ అయిందట. అయితే అన్నపూర్ణమ్మ వీడియోకు స్పందిస్తూ చిన్మయి కొన్ని వ్యాఖ్యలు చేసింది. అందులో ఒక పదం మాత్రం అభ్యంతరకరంగా అనిపించడంతో గచ్చిబౌలి పోలీస్ స్టేషన్ లో కేసు ఫైల్ అయిందట.
ఆ వీడియోలో చిన్మయి మాట్లాడుతూ.. భారతదేశాన్ని ఉద్దేశించి స్టుపిడ్ కంట్రీ అన్నారు. ఈ పదం వాడడంతో ఇలాంటి పదం వాడటాన్ని ఖండిస్తూ హైదరాబాద్ సెంట్రల్ యూనివర్సిటీ విద్యార్థి అయిన కుమార స్వామి గచ్చిబౌలి పోలీస్ స్టేషన్ లో చిన్మయి మీద ఫిర్యాదు చేశారు. ఒక వేళ పూర్ణమ్మ మాట్లాడినవి కరెక్ట్ కాదు అనుకుంటే.. ఏదైనా చెప్పాలి అన్నపూర్ణమ్మకు మాత్రమే చెప్పాలి కానీ భారతదేశం మీద ఎందుకు ఇలాంటి కామెంట్లు చేయాలి అంటూ మండిపడుతున్నారు నెటిజన్లు.
ఇక ఇదే విషయమై కుమార స్వామి ఫిర్యాదు చేశారు. మన దేశంలోనే నివసిస్తూ.. ఇక్కడి వసతులు అన్నీ కూడా ఉపయోగిస్తూ, ఇక్కడి గాలి పీలుస్తూ, ఇలాంటి ఒక దేశంలో పుట్టడం ఖర్మ అనడం, చెత్త దేశం అనడం బాధాకరం అన్నారు కుమారస్వామి. ఒక బాధ్యత గల భారతదేశ పౌరుడిగా ఇలాంటి అగౌరవమైన అనుచితమైన వ్యాఖ్యలను తాను ఖండిస్తూ ఫిర్యాదు ఇచ్చినట్లు చెప్పారు. అంతేకాదు చిన్మయి మీద తగిన చర్యలు తీసుకోవాలి అని కోరారు కుమారస్వామి. మరి ఈ కేసు ఎక్కడి వరకు వెళ్తుందో చూడాలి.
