బీసీ టైటిల్ తో ఎమోషనల్ మూవీ !

“రాజు యాదవ్” అనే బీసీ టైటిల్ తో ఓ సినిమా రాబోతుంది. సమాజంలో వ్యక్తి స్థాయిని చెప్పుకోవడానికి కులాన్ని ఎక్కువగా వాడుకునే పరిస్థితి నేటి కాలనిది. నేను ఫలానా అని చెప్పాలంటే కులం పేరును అర్హతగా వాడుకుంటున్న నేటి తరుణంలో అందులో పక్క వ్యాపారాత్మకంగా మారిన సినిమా పరిశ్రమలో ఓ బీసీ టైటిల్ తో సినిమా తీయడం అంటే నిజంగా సాహసమే. కులం పుట్టుక ఎలా జరిగిందనే విషయం పక్కన పెడితే, అసమానతలను ఎత్తిచూపుతూ ప్రశ్నించేందుకు చేసిన ఏ ప్రయత్నమైనా మెచ్చుకోదగినదే కాబట్టి.. ఈ బీసీ టైటిల్ ను బీసీలు అయినా ఆదరిస్తారేమో చూడలి.

Also Read:  బాలీవుడ్లోకి ‘రేసుగుర్రం’.. పరుగు పెట్టనుందా?

తెలుగులో గొప్ప సినిమాలుగా వచ్చిన పేర్లు వాటి బ్యాక్ గ్రౌండ్ ఏవిధంగా ఉంటుందో ఇప్పటికే మనం చూసాం, అప్పుడెప్పుడో మాల పిల్ల లాంటి పదాలతో ఒకటి రెండు సినిమాలు వచ్చాయి తప్ప, చాలా కాలంగా మళ్ళీ ఇలాంటి పేర్లుతో ఏ సినిమా రాలేదు. తమిళం, మలయాళం లాంటి మిగత భాషలలో కుల వివక్షతో చాలా సినిమాలు వస్తున్నా పేరు మాత్రం వినూత్నంగా ఉంటుంది తప్ప.. మధ్యతరగతి వాళ్ళ కులం పేరుతో సినిమా టైటిల్ పెట్టి సినిమా రాలేదు. కానీ ఇప్పుడు తెలుగులో రాబోతుంది. సామాన్యుడి గోసను చూపించే గొప్ప ప్రయత్నంలో భాగంగా ‘రాజుయాదవ్’ సినిమాని ఏకంగా టైటిల్ గానే ప్రకటించి మన ముందుకొస్తున్నాడు నూతన దర్శకుడు కృష్ణమాచారి.

Also Read: బిగ్ బాస్-4: సరికొత్త రికార్డులను క్రియేట్ చేసిన మొనాల్..!

వ్యాపారాత్మకంగా మారిన సినిమా పరిశ్రమలో అప్పుడప్పుడూ కళాత్మక చిత్రాలు కనువిందు చేస్తూ మనల్ని ఆలోచింపజేస్తాయి. బలమైన కథ, కథాంశంతో బహుళజాతి మనిషి బాధలను, అతడి బలాలను కూడా పూర్తి స్థాయి పరిణతితో జనానికి చూపించే ఈ ప్రయత్నాన్ని ప్రేక్షకులు ఎంతవరకు ఆదరిస్తారో చూడాలి. వీరత్వం కన్నా ఉద్యమం ఉన్నతమైనది. అందుకే రాజు యాదవ్ కేవలం ఆక్రోశాన్ని మాత్రమే ప్రదర్శించకుండా సాధారణ భావోద్వేగాలను కూడా గుండెకు హత్తుకునేలా చూపెట్టబోతున్నాడని దర్శకుడు చెబుతున్నాడు. సూడో రియాలిజం జానర్ లో బుల్లి తెర కమలహాసన్ గా పేరున్న గెటప్ శ్రీను హీరో గా రాజు యాదవ్ తో వస్తున్నాడు.

మరిన్ని సినిమా వార్తల కోసం టాలీవుడ్ న్యూస్