సౌత్ వెస్ట్రన్ రైల్వే నిరుద్యోగులకు శుభవార్త చెప్పింది. 21 ఉద్యోగాలను భర్తీ చేయడం కోసం నోటిఫికేషన్ ను విడుదల చేసింది. హుబ్లీ ముఖ్య కేంద్రంగా ఉన్న సౌత్ వెస్ట్రన్ రైల్వే స్పోర్ట్స్ కోటా ఉద్యోగాలను ఈ నోటిఫికేషన్ ద్వారా భర్తీ చేయనుంది. ఇప్పటికే ఈ ఉద్యోగాలకు దరఖాస్తు ప్రక్రియ ప్రారంభం కాగా డిసెంబర్ 28 దరఖాస్తు చేయడానికి చివరి తేదీగా ఉంది. అంతర్జాతీయ, జాతీయ స్థాయిలో క్రీడల్లో ఆడి ఉన్నవారు ఈ ఉద్యోగాల కోసం దరఖాస్తు చేసుకోవచ్చు.
Also Read: పేద విద్యార్థులకు ఎల్ఐసీ శుభవార్త.. 20వేల రూపాయల స్కాలర్ షిప్..?
మొత్తం 21 ఖాళీలలో అథ్లెటిక్స్ మెన్ – 3 ఖాళీలు, అథ్లెటిక్స్ ఉమెన్ – 3 ఖాళీలు, బ్యాడ్మింటన్ మెన్ – 2 ఖాళీలు, క్రికెట్ మెన్ – 3 ఖాళీలు, వెయిట్ లిఫ్టింగ్ మెన్ – 2 ఖాళీలు, టిబుల్ టెన్నిస్ మెన్ – 1 ఖాళీ, హాకీ మెన్ – 4 ఖాళీలు, గోల్ఫ్ మెన్ – రెండు ఖాళీలు ఉన్నాయి. https://www.rrchubli.in/ వెబ్ సైట్ ద్వారా ఈ ఉద్యోగ ఖాళీలకు సంబంధించిన పూర్తి వివరాలను తెలుసుకోవచ్చు. ఈ ఉద్యోగాలకు ఆఫ్ లైన్ లో మాత్రమే దరఖాస్తు చేసుకోవాల్సి ఉంటుంది.
Also Read: నిరుద్యోగులకు బంపర్ ఆఫర్.. లక్ష రూపాయల వేతనంతో ఉద్యోగాలు..?
పదో తరగతి, ఇంటర్ పాసైన వాళ్లు పోస్టును బట్టి ఈ ఉద్యోగాలకు దరఖాస్తు చేసుకోవాల్సి ఉంటుంది. 18 నుంచి 25 సంవత్సరాల మధ్య వయస్సు ఉన్నవాళ్లు ఈ ఉద్యోగాలకు దరఖాస్తు చేయవచ్చు. రైల్వే రిక్రూట్‌మెంట్‌ సెల్, 2 వ అంతస్తు, పాత జీఎం ఆఫీస్ బిల్డింగ్ క్లబ్ రోడ్, హుబ్లీ – 582323 చిరునామాకు దరఖాస్తు లను పంపాల్సి ఉంటుంది. ఈ ఉద్యోగాలకు ఫీల్డ్ ట్రయల్స్, క్రీడా విజయాల మదింపు, మెడికల్ పరీక్షల ఆధారంగా ఎంపిక ప్రక్రియ జరుగుతుంది.
మరిన్ని: విద్య / ఉద్యోగాలు కోసం
స్పోర్ట్స్ కోటా ఉద్యోగాలు కావడంతో ఈ ఉద్యోగాలకు పోటీ తక్కువగా ఉంటుంది. ఆసక్తి ఉన్న అభ్యర్థులు ఈ ఉద్యోగాల కోసం దరఖాస్తు చేసుకోవఛు. రైల్వే శాఖ వరుసగా నోటిఫికేషన్లను విడుదల చేస్తూ ఉండటంతో నిరుద్యోగులకు ప్రయోజనం చేకూరుతుంది.
