ఎల్ఐసీ హౌజింగ్ ఫైనాన్స్ లిమిటెడ్ నిరుద్యోగులకు శుభవార్త చెప్పింది. 20 ఐటీ ప్రొఫెషనల్ ఉద్యోగాల భర్తీ కోసం నిరుద్యోగుల నుంచి దరఖాస్తులను కోరుతోంది. 20 ఉద్యోగాలలో మేనేజ్ మెంట్ ట్రెయినీ ఉద్యోగాలు 9 ఉండగా అసిస్టెంట్ మేనేజర్ ఉద్యోగాలు 11 ఉన్నాయి. అసిస్టెంట్ మేనేజర్ ఉద్యోగాలలో గ్రాఫిక్స్ డిజైనర్, మొబైల్ అప్లికేషన్ డెవలపర్, డేటా బేస్ అడ్మినిస్ట్రేటర్, వెబ్ & డేటా బేస్ డెవలపర్, ఇన్ఫర్మేషన్ సెక్యూరిటీ ఇంజనీర్ ఖాళీలు ఉన్నాయి.
https://www.lichousing.com/ వెబ్ సైట్ లో ఈ ఉద్యోగాలకు సంబంధించిన పూర్తి వివరాలను తెలుసుకోవచ్చు. ఈ ఉద్యోగాలలో అసిస్టెంట్ మేనేజర్ల ఉద్యోగాలకు ఎంపికైన వారికి సంవత్సరానికి 10 లక్షల రూపాయల నుంచి 14 లక్షల రూపాయల వేతనం లభిస్తుంది. మేనేజ్ మెంట్ ట్రెయినీల ఉద్యోగాలకు ఎంపికైన వాళ్లు 25 వేల రూపాయలు వేతనంగా పొందవచ్చు. ఇప్పటికే ఈ ఉద్యోగాలకు దరఖాస్తు ప్రక్రియ ప్రారంభం కాగా డిసెంబర్ 31 ఉద్యోగాలకు దరఖాస్తు చేసుకోవడానికి చివరి తేదీగా ఉంది.
ఆన్ లైన్ ద్వారా మాత్రమే ఈ ఉద్యోగాలకు దరఖాస్తు చేసుకునే అవకాశం ఉంటుంది. 2020 సంవత్సరం డిసెంబర్ 1వ తేదీ నాటికి 25 సంవత్సరాల నుంచి 30 సంవత్సరాల మధ్య ఉన్న అభ్యర్థులు ఈ ఉద్యోగాల కోసం దరఖాస్తు చేసుకోవచ్చు. కంప్యూటర్ సైన్స్, ఐటీ సబ్జెక్టులతో డిగ్రీతో పాటు ఏడాది అనుభవం ఉన్నవాళ్లు ఈ ఉద్యోగాల కోసం దరఖాస్తు చేసుకోవచ్చు. అసిస్టెంట్ మేనేజర్ ఉద్యోగాలకు కంప్యూటర్ సైన్స్, ఐటీ సబ్జెక్టులలో డిగ్రీతో పాటు మూడేళ్ల అనుభవం ఉండాలి.
ఈ ఉద్యోగాలకు దరఖాస్తు చేసుకున్న అభ్యర్థులను షార్ట్ లిస్ట్ చేసి 50 మార్కులకు ఆన్ లైన్ టెక్నికల్ టెస్ట్ నిర్వహిస్తారు. 50 మార్కులకు ఈ పరీక్ష ఉండగా మంచి మార్కులు సాధించిన అభ్యర్థులు ఇంటర్య్వూలకు ఎంపికవుతారు. ఇంటర్వ్యూలో ప్రతిభ ఆధారంగా ఉద్యోగాలకు ఎంపిక కావడం జరుగుతుంది.
Web Title: Lic hfl recruitment 2020 for 20 management trainee assistant manager posts apply online at lichousing com
Get Latest Telugu News, Andhra Pradesh News , Entertainment News, Election News, Business News, Tech , Career and Religion News only on oktelugu.com
