ఆంధ్రప్రదేశ్ స్టేట్ స్కిల్ డెవలప్‌మెంట్‌ కార్పొరేషన్ తాజాగా మరో జాబ్ నోటిఫికేషన్ ను విడుదల చేసింది. ప్రముఖ సంస్థలలో ఒకటైన అమర రాజా సంస్థలో 200 ఉద్యోగ ఖాళీల భర్తీ కోసం ఈ నోటిఫికేషన్ రిలీజైంది. పది, ఇంటర్ పాసైన వాళ్లు ఈ ఉద్యోగ ఖాళీల కోసం దరఖాస్తు చేసుకోవచ్చు. ఎవరైతే ఈ ఉద్యోగ ఖాళీలకు ఎంపికవుతారో వాళ్లు మిషన్ ఆపరేటర్ విభాగంలో పని చేయాల్సి ఉంటుందని సమాచారం.
ఆగష్టు నెల 16వ తేదీ ఈ ఉద్యోగ ఖాళీలకు దరఖాస్తు చేసుకోవడానికి చివరి తేదీగా ఉంది. https://apssdc.in/ వెబ్ సైట్ ద్వారా ఈ ఉద్యోగ ఖాళీలకు సంబంధించిన పూర్తి వివరాలను తెలిసే అవకాశం ఉండటంతో పాటు రిజిష్ట్రేషన్ ప్రక్రియకు సంబంధించిన వివరాలను కూడా తెలుసుకునే అవకాశాలు అయితే ఉంటాయి. కేవలం పురుష అభ్యర్థులు మాత్రమే ఈ ఉద్యోగ ఖాళీల కొరకు దరఖాస్తు చేసుకోవాల్సి ఉంటుంది.
ఐటీఐ అభ్యర్థులు కూడా ఈ ఉద్యోగ ఖాళీలకు దరఖాస్తు చేసుకునే అవకాశం ఉండగా 18 నుంచి 30 సంవత్సరాల మధ్య వయస్సు ఉన్నవాళ్లు ఈ ఉద్యోగ ఖాళీల కొరకు దరఖాస్తు చేసుకునే అవకాశం ఉంటుంది. హెచ్ఆర్ రౌండ్ ద్వారా ఈ ఉద్యోగ ఖాళీలకు అభ్యర్థుల ఎంపిక ప్రక్రియ జరుగుతుంది. ఎవరైతే ఈ ఉద్యోగ ఖాళీలకు ఎంపికవుతారో వాళ్లకు నెలకు రూ.11,500 వేతనం లభించనుంది.
ఉద్యోగ ఖాళీలకు ఎంపికైన వాళ్లు షిఫ్ట్ ల విధానంలో పని చేయాల్సి ఉంటుంది. సబ్సిడీపై ఫుడ్, వసతి పొందే అవకాశం ఉంటుంది. ఆన్‌లైన్‌ ద్వారా ఈ ఉద్యోగ ఖాళీలకు దరఖాస్తు చేసుకోవాల్సి ఉండగా https://apssdc.in/industryplacements/ వెబ్ సైట్ లింక్ ద్వారా రిజిస్ట్రేషన్ చేసుకోవచ్చు.
Web Title: Jobs notification in amara raja batteries
Get Latest Telugu News, Andhra Pradesh News , Entertainment News, Election News, Business News, Tech , Career and Religion News only on oktelugu.com
