భారత్‌ ఎలక్ట్రానిక్స్‌ లిమిటెడ్‌ (బెల్) నిరుద్యోగులకు తాజాగా మరో తీపికబురు అందించింది. 73 అప్రెంటీస్ జాబ్స్ కొరకు బెల్ నుంచి జాబ్ నోటిఫికేషన్ రిలీజైంది. ఈఈఈ, ఈసీఈ, మెకానికల్, సీ.ఎస్.ఈ, ఇతర విభాగాలలో ఈ ఉద్యోగ ఖాళీలను భర్తీ చేయనున్నారని తెలుస్తోంది. బీఈ, బీటెక్, డిప్లొమా అభ్యర్థులు ఈ ఉద్యోగ ఖాళీల కోసం దరఖాస్తు చేసుకోవడానికి అర్హులని చెప్పవచ్చు. https://www.bel-india.in/ వెబ్ సైట్ ద్వారా ఈ ఉద్యోగ ఖాళీల కొరకు దరఖాస్తు చేసుకోవచ్చు.
టెక్నీషియన్ అప్రెంటీస్ ఉద్యోగ ఖాళీలకు ఈసీఈ, మెకానికల్ ఇంజనీరింగ్ డిప్లొమా పాసైన వాళ్లు దరఖాస్తు చేసుకోవచ్చు. 2019, 2020, 2021 సంవత్సరాలలో డిప్లొమా పాసైన వాళ్లు ఈ ఉద్యోగ ఖాళీలకు అర్హులని చెప్పవచ్చు. ఈ ఉద్యోగ ఖాళీలకు ఎంపికైన వాళ్లకు నెలకు 10,400 రూపాయల వేతనం లభిస్తుంది. డిప్లొమా, బీఈ/బీటెక్ లో వచ్చిన మార్కుల ఆధారంగా ఉద్యోగాలకు ఎంపిక ప్రక్రియ జరుగుతుంది.
ఆన్ లైన్ ద్వారా ఈ ఉద్యోగ ఖాళీల కోసం దరఖాస్తు చేసుకోవాల్సి ఉంటుంది. నాట్స పోర్టల్ ద్వారా ఈ ఉద్యోగ ఖాళీలకు దరఖాస్తు చేసుకోవడానికి నవంబర్ 10వ తేదీ చివరి తేదీగా ఉండగా బెల్ ద్వారా ఈ ఉద్యోగ ఖాళీలకు దరఖాస్తు చేసుకోవడానికి నవంబర్ 25వ తేదీ చివరి తేదీగా ఉండనుంది.
