మెగాస్టార్ చిరంజీవి పెద్ద కుమార్తె సుస్మిత నిర్మాతగా మారిన సంగతి తెలిసిందే. అయితే ఆమె నిర్మాణ రంగంలో అడుగు పెట్టినప్పటి నుండే, ఒక్కరోజు కూడా గ్యాప్ ఇవ్వకుండా కొత్త కొత్త ఐడియాలతో తన నిర్మాణ సంస్థను ముందుకు తీసుకువెళ్లాలని సుస్మిత ముమ్మరంగా ప్లాన్ చేసుకుంటోంది. పైగా ‘గోల్డ్ బాక్స్ ఎంటర్‌‌టైన్‌మెంట్స్’ అని తన బ్యానర్‌ కు ఒక ఇంట్రెస్టింగ్ టైటిల్ పెట్టుకున్నారు.
ఇక తమ కంపెనీ పేరు కూడా ఒక బ్రాండ్ అవ్వాలని సుస్మిత ప్రస్తుతంగా గోల్ గా పెట్టుకుందట. మరి సుస్మిత గోల్ కోసం మెగాస్టార్ ఏమి చేస్తారో చూడాలి. ఎలాగూ కుటుంబ సభ్యులతోనే సినిమాలు తీయాల‌ని ఆమె ఉత్సాహంగా ఉన్నారు కాబట్టి, మెగాస్టార్ కూడా తన కుమార్తె కోసం డేట్స్ ఇస్తాడేమో. ఏది ఏమైనా ఇప్పటికే సుస్మిత తన నిర్మాణంలో వెబ్ సిరీస్ ప్లాన్ చేసుకుంది.
పైగా చిరంజీవి సతీమణి సురేఖ చేతుల మీదుగా ఆ వెబ్ సిరీస్ ను ఆల్ రెడీ స్టార్ట్ చేశారు కూడా. తమిళ దర్శకుడు భాస్కర్ దర్శకత్వంలో రానున్న ఈ వెబ్ సిరీస్ పై మంచి అంచనాలు ఉన్నాయి. ఎలాగూ కథ బాగుంది కాబట్టి, కథ పై నమ్మకం ఉంచి సుస్మిత బడ్జెట్ కూడా భారీగానే ఖర్చు పెడుతుంది. ఇక సుష్మిత చేస్తోన్న ఈ వెబ్ సిరీస్ షూటింగ్ త్వరలోనే మళ్ళీ స్టార్ట్ కానుంది.
వచ్చే షెడ్యూల్ నుండి ఎలాంటి బ్రేక్ లు లేకుండా షూటింగ్ ను ప్లాన్ చేస్తున్నారట. అలాగే సుస్మిత ప్రస్తుతం కొత్త కథలు వింటున్నారని, ఆమె ఆల్ రెడీ రెండు కథలను ఓకే చేసిందని మొత్తానికి కరోనా టైంలో కూడా సుస్మిత స్పీడ్ పెంచిందని తెలుస్తోంది.
