Top 5 Safest Cars: భారత్లో కార్లు కొనుగోలు చేసేవారు ఇప్పుడు మైలేజ్, డిజైన్ మాత్రమే కాదు.. సేఫ్టీ (Safety)ని కూడా ప్రధానంగా చూస్తారు. ముఖ్యంగా భారత్ NCAP క్రాష్ టెస్టుల్లో 5-స్టార్ రేటింగ్ పొందిన కార్లకు భారీ డిమాండ్ పెరిగింది. ప్రస్తుతం మార్కెట్లో ఉన్న కొన్ని మోడళ్లు అత్యంత సురక్షితమైన కార్లుగా పేర్కొనబడుతున్నాయి. ఈ కార్లలో అధునాతన ఎయిర్బ్యాగ్స్, ADAS,ఎలక్ట్రానిక్ స్టెబిలిటీ కంట్రోల్, 360 డిగ్రీ కెమెరా వంటి ఫీచర్లు ఉండటంతో ప్రయాణికులకు మెరుగైన రక్షణ లభిస్తోంది. మరి వీటిలో టాప్ 5 కార్లు ఏవో చూద్దాం..
కియా సెల్టోస్ :
ప్రస్తుతం భారత్లో అత్యంత సురక్షితమైన సేప్టీ SUVలలో కియా సెల్టోస్ ఒకటిగా నిలిచింది. Bharat NCAP క్రాష్ టెస్టుల్లో ఈ SUV 5 స్టార్ రేటింగ్ సాధించింది. ఇందులో 6 ఎయిర్బ్యాగ్స్, ఎలక్ట్రానిక్ స్టెబిలిటీ కంట్రోల్ (ESC), హిల్ స్టార్ట్ అసిస్ట్, హిల్ డిసెంట్ కంట్రోల్, TPMS,ISOFIX చైల్డ్ సీట్ యాంకరేజెస్, 360 డిగ్రీ కెమెరా వంటి సెక్యూరిటీ ఫీచర్లు ఉన్నాయి. ADAS టెక్నాలజీ ద్వారా ఫార్వర్డ్ కొలిజన్ వార్నింగ్, లేన్ కీప్ అసిస్ట్, అడాప్టివ్ క్రూయిజ్ కంట్రోల్ వంటి ఫీచర్లు కూడా అందుబాటులో ఉన్నాయి. ప్రమాద సమయంలో ప్రయాణికుల తలకు, ఛాతీకి గట్టి రక్షణ లభించేలా బాడీ నిర్మాణం రూపొందించారు. ఈ SUV ధర సుమారు రూ. 10.99 లక్షల నుంచి ప్రారంభమవుతోంది.
మహీంద్రా థార్ రాక్స్ అడ్వెంచర్:
మహీంద్రా థార్ రాక్స్ అడ్వెంచర్ SUV అయినప్పటికీ భద్రత పరంగా కూడా బలమైన ఎంపికగా గుర్తింపు పొందింది. ఈ వాహనంలో 6 ఎయిర్బ్యాగ్స్, రోల్ ఓవర్ ప్రొటెక్షన్, ఎలక్ట్రానిక్ స్టెబిలిటీ ప్రోగ్రామ్, హిల్ హోల్డ్, హిల్ డిసెంట్ కంట్రోల్, ట్రాక్షన్ కంట్రోల్ వంటి ఫీచర్లు ఉన్నాయి. కఠినమైన రోడ్లపై కూడా కారు స్థిరంగా ఉండేలా ప్రత్యేక సస్పెన్షన్ సిస్టమ్ అమర్చారు. ఫ్యామిలీతో పాటు అడ్వెంచర్ ప్రియులకు ఇది మంచి ఎంపికగా భావిస్తున్నారు. థార్ రాక్స్ ధర సుమారు రూ. 13 లక్షల నుంచి రూ. 22 లక్షల వరకు ఉంటుంది.
స్కోడా కైలాక్:
స్కోడా కైలాక్ చిన్న SUV అయినప్పటికీ జర్మన్ ఇంజినీరింగ్ కారణంగా మంచి భద్రతను అందిస్తోందని ఆటో నిపుణులు చెబుతున్నారు. ఈ కారులో మల్టీపుల్ ఎయిర్బ్యాగ్స్, ABS with EBD, ESC, ట్రాక్షన్ కంట్రోల్, ISOFIX, రివర్స్ కెమెరా, బ్రేక్ అసిస్ట్ వంటి ఫీచర్లు ఉన్నాయి. హై స్ట్రెంగ్త్ స్టీల్ బాడీ కారణంగా ప్రమాద సమయంలో క్యాబిన్కు తక్కువ నష్టం కలుగుతుంది. దీని ధర సుమారు రూ. 9 లక్షల నుంచి ప్రారంభమవుతుందని మార్కెట్ అంచనా.
టాటా సియెర్రా:
టాటా సియెర్రా మళ్లీ భారత మార్కెట్లోకి రీ ఎంట్రీ ఇచ్చిన తర్వాత భద్రత పరంగా మంచి గుర్తింపు తెచ్చుకుంది. Bharat NCAP టెస్టుల్లో ఇది 5 స్టార్ రేటింగ్ సాధించిన ఈ SUVలో Level 2 ADAS, 360 డిగ్రీ కెమెరా, బ్లైండ్ స్పాట్ మానిటర్, SOS కాలింగ్ సిస్టమ్, ఎలక్ట్రానిక్ పార్కింగ్ బ్రేక్ వంటి ఫీచర్లు ఉన్నాయి. బలమైన బాడీ నిర్మాణం వల్ల ఫ్రంట్, సైడ్ ఇంపాక్ట్ సమయంలో ప్రయాణికులకు గట్టి రక్షణ లభిస్తుంది. ఈ SUV ధర సుమారు రూ. 11 లక్షల నుంచి ప్రారంభమవుతుందని తెలుస్తోంది.
హ్యుందాయ్ వెన్యూ :
హ్యుందాయ్ వెన్యూ కూడా భారత్ NCAPలో 5-స్టార్ రేటింగ్ సాధించింది. ఇందులో 6 ఎయిర్బ్యాగ్స్, Level 2 ADAS, స్మార్ట్ క్రూయిజ్ కంట్రోల్, డ్రైవర్ అటెన్షన్ వార్నింగ్, బ్లైండ్ వ్యూ మానిటర్, 360 డిగ్రీ కెమెరా, TPMS, ESC వంటి ఫీచర్లు ఉన్నాయి. హై స్ట్రెంగ్త్ స్టీల్ ఫ్రేమ్ కారణంగా ప్రమాద సమయంలో క్యాబిన్కు మెరుగైన రక్షణ లభిస్తుంది. సిటీ డ్రైవింగ్తో పాటు హైవేపై కూడా ఇది మంచి భద్రతను అందిస్తుందని నిపుణులు చెబుతున్నారు. దీని ధర సుమారు రూ. 8 లక్షల నుంచి రూ.14 లక్షల వరకు ఉంటుంది.
