Royal Enfield : భారతీయ కస్టమర్లలో రాయల్ ఎన్ ఫీల్డ్ బైక్స్ కు విపరీతమైన క్రేజ్ ఉంది. కంపెనీ క్లాసిక్, బుల్లెట్, హంటర్ వంటి బైక్లు అత్యధికంగా అమ్ముడవుతున్నాయి. రాబోయే కాలంలో కొత్త బైక్ కొనాలని ఆలోచిస్తుంటే.. ఈ వార్త ఉపయోగకరంగా ఉంటుంది. రాబోయే రోజుల్లో రాయల్ ఎన్ఫీల్డ్ వివిధ సెగ్మెంట్లలో ఏయే మోడళ్లను విడుదల చేయబోతోందో తెలుసుకుందాం.
గత సంవత్సరం రాయల్ ఎన్ఫీల్డ్ క్లాసిక్ 350, హంటర్ 350లను అప్డేట్ చేసింది. మార్కెట్లో గోవాన్ క్లాసిక్ 350 వేరియంట్ను కూడా ప్రారంభించింది. దీని తరువాత ఇప్పుడు కంపెనీ 650-750సీసీ సెగ్మెంట్లో కొత్త ఆఫర్లతో పాటు తన 450సీసీ లైనప్ను విస్తరించనుంది. అంతేకాకుండా, కంపెనీ తన 350సీసీ శ్రేణిని కూడా అప్డేట్ చేస్తుంది. ఇందులో బుల్లెట్ 350, మీటియర్ 350 వంటి మోడళ్లు ఉన్నాయి.
Also Read : నో ఝలక్.. ఓన్లీ స్మూత్ రైడింగ్.. కొత్త హంటర్ 350 వచ్చేస్తోంది!
రాయల్ ఎన్ఫీల్డ్ ఈవీ బైక్ ఎప్పుడు విడుదల అవుతుంది?
దీంతో పాటు రాయల్ ఎన్ఫీల్డ్ కంపెనీ గెరిల్లా 450 కేఫ్ రేసర్ వెర్షన్పై కూడా పనిచేస్తోంది. దీనిని 2025 చివరిలో లేదా 2026 ప్రారంభంలో విడుదల చేసే అవకాశం ఉంది. కంపెనీ 2026 ప్రారంభంలో తన మొదటి ఈవీ ఫ్లయింగ్ ఫ్లీ C6ని కూడా విడుదల చేయడానికి రెడీ అవుతుంది.
రాయల్ ఎన్ఫీల్డ్ క్లాసిక్ పవర్ ఎంత?
రాయల్ ఎన్ఫీల్డ్ క్లాసిక్ 350లో సింగిల్-సిలిండర్, 4-స్ట్రోక్, ఎయిర్-ఆయిల్ కూల్డ్ ఇంజన్ అమర్చబడి ఉంది. మోటార్సైకిల్లో అమర్చిన ఈ 349సీసీ ఇంజన్ 6,100 rpm వద్ద 20.2 bhp పవర్, 4,000 rpm వద్ద 27 Nm పీక్ టార్క్ను ఉత్పత్తి చేస్తుంది. ఈ బైక్ ఇంజన్కు ఎలక్ట్రానిక్ ఫ్యూయల్ ఇంజెక్షన్ సిస్టమ్ అనుసంధానించబడి ఉంది.
Also Read : భారతీయ బైక్కు అంతర్జాతీయ గుర్తింపు.. నేపాల్లో రాయల్ ఎన్ఫీల్డ్ హవా!
దీంతో పాటు రాయల్ ఎన్ఫీల్డ్ క్లాసిక్ 650 పవర్ క్లాసిక్ 350తో పోలిస్తే దాదాపు రెండింతలు ఉంటుంది. ఈ కొత్త బైక్ క్లాసిక్ 350 ఈ బైక్లో అమర్చిన ప్యారలల్ ట్విన్ ఇంజన్తో వస్తుంది. క్లాసిక్ 350 ఒక లీటర్ పెట్రోల్పై 35 కిలోమీటర్ల దూరం ప్రయాణించగలదని పేర్కొంది. అదే 650సీసీ బైక్ల గురించి మాట్లాడితే.. షాట్గన్ 650, లీటరకు 22కిలోమీటర్ల మైలేజ్ ఇస్తుందని పేర్కొంది.
