Redmi Note 17 Pro: Xiaomi సబ్బ్రాండ్ అయిన రెడ్ మీ నుంచి సరికొత్త స్మార్ట్ఫోన్ సిరీస్ Redmi Note 17 Series మార్కెట్లోకి రావడానికి సిద్ధమవుతోంది. ఇందులో భాగంగా, ఈ సిరీస్కు చెందిన రెడ్మి నోట్ 17 ప్రో మోడల్ చైనాకు చెందిన ప్రముఖ ‘3C’ సర్టిఫికేషన్ డేటాబేస్లో కనిపించింది. ఈ లిస్టింగ్ ద్వారా ఫోన్కు సంబంధించిన ఛార్జింగ్, బ్యాటరీ వివరాలు బయటకు వచ్చాయి. ప్రస్తుత కాలంలో ఫొటోగ్రఫీ కోసం కెమెరా కలిగిన ఫోన్ కొనడానికి ఇంట్రెస్ట్ చూపుతున్నారు. అలాగే రోజూవారీ వినియోగం కోసం బ్యాటరీ బలంగా ఉండే ఫోన్ కావాలని అనుకునేవారికి ఇది బెస్ట్ ఆప్షన్ అంటున్నారు. ఇంతకీ ఈ ఫోన్ ఎలా ఉందంటే?
చైనా కంపల్సరీ సర్టిఫికేషన్ (3C) వెబ్సైట్లో రెడ్మి నోట్ 17 ప్రో మోడల్ నమోదైంది. ఈ ఫోన్ 67W ఫాస్ట్ ఛార్జింగ్ సపోర్ట్తో రానుంది. ఇది గత ఏడాది వచ్చిన రెడ్మి నోట్ 15 ప్రో (45W ఛార్జింగ్) కంటే మెరుగైన అప్గ్రేడ్ అని చెప్పవచ్చు. ఈసారి బ్యాటరీ విభాగంలో విప్లవాత్మక మార్పులు చేయబోతోంది. రెడ్మి నోట్ 17 ప్రో లో ఏకంగా 9,000mAh భారీ బ్యాటరీని ఉపయోగించనున్నట్లు టెక్ వర్గాలు చెప్తున్నాయి. సిలికాన్-కార్బన్ బ్యాటరీ టెక్నాలజీ సహాయంతో ఫోన్ బరువు కాకుండా ఇంత పెద్ద బ్యాటరీని అమర్చినట్లు తెలుస్తోంది. డిస్ప్లే విషయానికి వస్తే.. కర్వ్డ్ స్క్రీన్లకు స్వస్తి చెప్పి దీనిలో 1.5K రిజల్యూషన్ గల ఫ్లాట్ OLED డిస్ప్లేను అందించనున్నారు.
పర్ఫార్మెన్స్ పరంగా.. ఈ స్మార్ట్ఫోన్ క్వాల్కమ్ సంస్థకు చెందిన సరికొత్త స్నాప్డ్రాగన్ 6 జెన్ 5 చిప్సెట్తో పనిచేసే అవకాశం ఉంది. ఇది రోజువారీ పనులతో పాటు గేమింగ్కు బాగా ఉపయోగపడుతుంది. ఫోటోగ్రఫీ కోసం దీని వెనుక భాగంలో ఆప్టికల్ ఇమేజ్ స్టెబిలైజేషన్ సపోర్ట్ ఉన్న 50 మెగాపిక్సెల్ ప్రధాన కెమెరాను అందించనున్నట్లు లీక్లు సూచిస్తున్నాయి.
మొదటగా ఈ మొబైల్ చైనా మార్కెట్లో ఈ జూలై లేదా ఆగస్టు నెలల్లో అధికారికంగా విడుదల కానుంది. చైనాలో విడుదలైన కొన్ని నెలల తర్వాతే ఇది భారతదేశంతో పాటు ఇతర అంతర్జాతీయ మార్కెట్లలోకి అడుగుపెట్టే అవకాశం ఉంది.
