Redmi 17 5G: Xiaomi సబ్ బ్రాండ్ రెడ్మి నుంచి త్వరలో రాబోతున్న లేటెస్ట్ బడ్జెట్ 5G స్మార్ట్ఫోన్ Redmi 17 5G. ఈ మొబైల్ గ్లోబల్ వైజ్ గా రిలీజ్ కు సిద్ధమవుతోంది. అయితే అధికారిక ప్రకటన కంటే ముందే ఈ ఫోన్ గురించి మలేషియాకు చెందిన SIRIM, తైవాన్కు చెందిన NCC వంటి అంతర్జాతీయ సర్టిఫికేషన్ వెబ్సైట్లలో కనిపిస్తుంది. వీటి ప్రకారం.. ఈ కొత్త ఫోన్ లో బ్యాటరీ, ఛార్జింగ్, స్టోరేజ్ వేరియంట్లకు సంబంధించిన అత్యంత కీలకమైన వివరాలు బయటకు వచ్చాయి. అవేంటో చూద్దాం..
Redmi 17 5G ఫోన్ బ్యాటరీ విభాగంలో భారీ అప్గ్రేడ్ కానుంది. ఇందులో 7,500mAh సామర్థ్యం గల భారీ సిలికాన్ కార్బన్ బ్యాటరీని అందించబోతున్నట్లు సమాచారం. ఈ బ్యాటరీకి 45W ఫాస్ట్ ఛార్జింగ్ను సపోర్ట్ చేయనుంది. గత మోడల్ రెడ్మి 15 5G (7,000mAh బ్యాటరీ, 33W ఛార్జింగ్) తో పోలిస్తే ఈ కొత్త ఫోన్ బ్యాటరీ లైఫ్, ఛార్జింగ్ స్పీడ్ పరంగా చాలా పెద్ద అప్గ్రేడ్ అని చెప్పవచ్చు.
ఈ కొత్త స్మార్ట్ఫోన్ వినియోగదారులకు నాలుగు వేరియంట్లలో అందుబాటులోకి రానుంది. వాటిలో 4GB ర్యామ్ ప్లస్ 64GB స్టోరేజ్, 4GB ర్యామ్ ప్లస్ 128GB స్టోరేజ్, 4GB ర్యామ్ ప్లస్ 256GB స్టోరేజ్, 8GB ర్యామ్ ప్లస్ 256GB స్టోరేజ్ ఉన్నాయి. ఈ ఫోన్ దుమ్ము ధూళి, నీటి బిందువుల నుంచి రక్షణ కోసం IP64 రేటింగ్ ను కలిగి ఉంది. కనెక్టివిటీ పరంగా ఇందులో 5G, Wi-Fi, బ్లూటూత్, NFC తో పాటు USB టైప్-C పోర్ట్ వంటి ఫీచర్లు ఉండనున్నాయి.
రెడ్మి 17 5G లో హై రిఫ్రెష్ రేట్ తో LCD డిస్ప్లే, క్వాల్కామ్ స్నాప్డ్రాగన్ 4 సిరీస్ ప్రాసెసర్ ఉండే అవకాశం ఉంది. కెమెరా విషయానికి వస్తే.. వెనుక వైపు 50 మెగాపిక్సెల్ ప్రైమరీ కెమెరా, సెల్ఫీల కోసం 8 మెగాపిక్సెల్ తో పనిచేస్తుంది. అలాగే సాఫ్ట్వేర్ పరంగా ఇది ఆండ్రాయిడ్ ఆధారిత సరికొత్త HyperOS తో రన్ కానుంది. అంతర్జాతీయంగా వేర్వేరు చోట్ల సర్టిఫికేషన్లు పూర్తి చేసుకుంటుండటంతో, షావోమి సంస్థ ఈ రెడ్మి 17 5Gని అతి త్వరలోనే మార్కెట్లోకి లాంచ్ చేసే అవకాశం కనిపిస్తోంది.
