Realme 16T 5G battery performance: Realme కంపెనీ ఇండియాలో దూసుకుపోతోంది. ముఖ్యంగా మిడిల్ క్లాస్ పీపుల్స్ కు అనుగుణంగా ఈ కంపెనీ నుంచి మొబైల్స్ మార్కెట్లోకి రావడంతో చాలా మంది వీటిని కొనుగోలు చేస్తున్నారు. అయితే ఈ కంపెనీ తన మొబైల్స్ ను ఎప్పటికప్పుడు అప్డేట్ చేస్తూ కొత్త తరహాలో ప్రవేశపెడుతుంది. ఇందులో భాగంగా తన మిడ్ రేంజ్ స్మార్ట్ఫోన్ అయిన Realme 16T 5G ను లాంచ్ చేసింది. ఈ మొబైల్ ప్రధానంగా బ్యాటరీ ఫోకస్డ్ ఫోన్గా రూపొందించబడింది. ఇంతకీ ఇందులో ఎలాంటి బ్యాటరీ వేశారు? ఇది ఎవరికి ఎక్కువగా ఉపయోగపడుతుందో చూద్దాం..
Realme 16T 5G కొత్త ఫోన్ ప్రీమియం మ్యాట్ ఫినిష్ డిజైన్తో కనిపిస్తుంది. ఈ ఫోన్ వెనుక భాగంలో సెల్ఫీ మిరర్ ఉండటం దీని ప్రత్యేకత. ఈ మొబైల్ లో 8GB RAM తో పాటు 256GB స్టోరేజ్ కెపాసిటీ కనిపిస్తుంది. దీని ధర రూ. 34,999 ఉండడంతో మిడ్ రేంజ్ పీపుల్స్ కు అనుగుణంగా ఉంటుంది. ఈ ఫోన్ మిలిటరీ-గ్రేడ్ డ్యూరబిలిటీ సర్టిఫికేషన్ కలిగి ఉండటం వల్ల బాధ్యతాయుతంగా ఉపయోగించడం చాలా అవసరం.
ఈ మొబైల్లో 6.8 అంగుళాల HD ప్లస్ LCD డిస్ప్లే కలిగి ఉంటుంది. ఇది 144Hz రిఫ్రెష్ రేట్ తో ఉండడంతో చాలా స్మూత్ వీడియోలు, గేమింగ్ అనుభవం అద్భుతంగా ఉంటుంది. Realme 16T 5G మొబైల్ లో మీడియా టెక్ డైమెన్సిటీ 6300 ప్రాసెసర్తో పాటు 8GB RAM ఉండడంతో మల్టీటాస్కింగ్కు చాలా అనుకూలంగా ఉంటుంది. అలాగే ఈ ఫోన్ Android 16 వెర్షన్ లో రన్ అవుతుంది. దీంతో అవసరమైన యాప్స్ ను డౌన్లోడ్ చేసుకున్నా కూడా ఫోన్ స్పీడ్ తగ్గదు.
కెమెరా విషయానికొస్తే… ఈ ఫోన్ లో 50MP Sony రియర్ కెమెరా కనిపిస్తుంది. 16MP ఫ్రంట్ కెమెరా ఉండడంతో సెల్ఫీలకు చాలా ఉపయోగపడుతుంది. అలాగే AI ఫీచర్లు స్లో మోషన్, డ్యూయెల్ వ్యూ వీడియో, టైమ్-ల్యాప్స్ సపోర్ట్ ఉన్నాయి. వీడియో రికార్డింగ్ కోసం 1080p వరకు మాత్రమే సపోర్టు చేస్తుంది.
ఈ ఫోన్లో బ్యాటరీ ప్రత్యేకం. ఇందులో 8,000 mAh బ్యాటరీ కనిపిస్తుంది. సాధారణ వినియోగదారలు ఒక చార్జ్పై మూడు రోజుల వరకు బ్యాటరీ లైఫ్ ఉంటుంది. ఈ బ్యాటరీకి 45W ఫాస్ట్ చార్జింగ్ సపోర్ట్ ఉంటుంది. వీటితో Wi-Fi, Bluetooth 5.3, 5G సపోర్ట్ ఉన్నాయి. IP69 రేటెడ్ ప్రొక్షన్ ఉండటం వల్ల ఈ ఫోన్ ఎటువంటి వాతావరణంలోనైనా వాడుకోవచ్చు. 8GB RAM , 256GB వేరియంట్ కలిగిన ఈ ఫోన్ రూ.34,999 ధరతో వచ్చే అవకాశం ఉంది. అయితే బ్యాటరీ బీస్ట్ను కోరుకునే వారికి ఇది బెస్ట్ ఆప్షన్.
