ప్రస్తుతం పోస్టల్ శాఖ ఎన్నో స్కీమ్స్ ను అమలు చేస్తున్న విషయం తెలిసిందే. పోస్టాఫీస్ స్కీమ్స్ లో ఇన్వెస్ట్ చేయడం ద్వారా తక్కువ పెట్టుబడితో అదిరిపోయే రాబడి సొంతమవుతుంది. పోస్టాఫీస్ స్కీమ్స్ లో రికరింగ్‌ డిపాజిట్ స్కీమ్ కూడా ఒకటి కాగా ఈ స్కీమ్ లో డబ్బులు ఇన్వెస్ట్ చేయడం ద్వారా మంచి రాబడిని పొందవచ్చు. నెలకు కనీసం 100 రూపాయల నుంచి ఈ స్కీమ్ లో ఇన్వెస్ట్ చేసే ఛాన్స్ ఉంటుంది.
ఈ స్కీమ్ కు సంబంధించి గరిష్ట పరిమితి లేకపోవడంతో ఎంత మొత్తమైనా డిపాజిట్ చేయవచ్చు. అయితే ప్రతి నెలా డిపాజిట్ చేస్తే ఈ స్కీమ్ ద్వారా డబ్బులు పొందే ఛాన్స్ ఉంటుంది. ఈ స్కీమ్ గడువు 5 సంవత్సరాలు కాగా ప్రస్తుతం ఈ స్కీమ్ పై 5.8 శాతం వడ్డీ రేటు లభిస్తుంది. ఈ పథకంలో చేరి నెలకు 10,000 రూపాయలు ఇన్వెస్ట్ చేయడం ద్వారా ఐదు సంవత్సరాల తర్వాత 7 లక్షల రూపాయల బెనిఫిట్ ను పొందవచ్చు.
ఒక వ్యక్తి లేదా ఇద్దరు లేదా ముగ్గురు ఈ ఖాతాను తీసుకోవచ్చు. మైనర్ల పేరుపై కూడా అకౌంట్ ఓపెన్ చేసే ఛాన్స్ ఉండగా 10 సంవత్సరాల కంటే ఎక్కువ వయస్సు ఉన్నవాళ్లు మాత్రమే ఈ స్కీమ్ లో ఇన్వెస్ట్ చేయవచ్చు. రుణ సదుపాయం విషయానికి వస్తే ఈ స్కీమ్ లో డబ్బులు ఇన్వెస్ట్ చేసిన వాళ్లు 50 శాతం రుణంగా పొందే అవకాశం ఉంటుంది. రుణాన్ని వాయిదాల రూపంలో తిరిగి చెల్లించవచ్చు.
రికరింగ్‌ డిపాజిట్ల వడ్డీపై వడ్డీ రేటు 2 శాతంగా ఉంటుంది. సమీపంలోని పోస్టాఫీస్ బ్రాంచ్ ను సంప్రదించి ఈ స్కీమ్ కు సంబంధించిన పూర్తి వివరాలను తెలుసుకోవచ్చు. పోస్టాఫీస్ ద్వారా ఈ స్కీమ్ కు సంబంధించిన సందేహాలను నివృత్తి చేసుకోవచ్చు.