Maruti: దేశంలోనే అతిపెద్ద కార్ల తయారీ సంస్థ మారుతి సుజుకి ఇండియా తన కార్ల ధరలను మంగళవారం నుండి పెంచింది. కంపెనీ గత నెలలోనే ఏప్రిల్ 8 నుండి కార్ల ధరలను 4 శాతం వరకు పెంచుతున్నట్లు ప్రకటించింది. దీని కారణంగా గ్రాండ్ విటారా వంటి కార్ల ధరలు రూ. 62,000 వరకు పెరగనున్నాయి. అయితే, మరోవైపు మారుతి కార్లపై ఏప్రిల్ నెలలో భారీ డిస్కౌంట్లు అందుబాటులో ఉన్నాయి. కొన్ని కార్లపై అయితే ఈ తగ్గింపు ఏకంగా లక్ష రూపాయల వరకు ఉంది.
Also Read: ఇండియాలో టెస్లాకి గ్రీన్ సిగ్నల్.. BYDకి మాత్రం నో ఎంట్రీ? అసలు కారణం ఇదే!
మారుతి సుజుకి ఇండియా చిన్న హ్యాచ్బ్యాక్ కార్ల నుండి జిమ్నీ, ఫ్రాంక్స్ వంటి SUVల వరకు అన్ని మోడళ్లపై ఏప్రిల్ 2025లో మంచి డిస్కౌంట్లు లభిస్తున్నాయి. ఇందులో నగదు తగ్గింపు, ఎక్స్ఛేంజ్ లేదా స్క్రాపేజ్ బెనిఫిట్, కార్పొరేట్ డిస్కౌంట్ వంటి ఆఫర్లు ఉన్నాయి. ముఖ్యంగా మారుతి జిమ్నీ కొనుగోలుదారులకు ఈ నెలలో భారీగా లబ్ధి చేకూరనుంది. 4X4 కాంబినేషన్లో 5-డోర్ మారుతి జిమ్నీని కొనుగోలు చేయాలనుకుంటే, దాని టాప్ మోడల్పై ఏకంగా రూ.లక్ష వరకు నగదు తగ్గింపు లభిస్తుంది. అయితే దీనిపై ఎటువంటి ఎక్స్ఛేంజ్ లేదా కార్పొరేట్ బోనస్ లేదు. మారుతి జిమ్నీ యొక్క వివిధ వేరియంట్ల ఎక్స్-షోరూమ్ ధరలు Zeta వేరియంట్కు రూ. 12.75 లక్షలు, Alpha వేరియంట్కు రూ.13.70 లక్షలుగా ఉన్నాయి. అలాగే ఆటోమేటిక్ మోడళ్ల ధరలు వరుసగా రూ. 13.85 లక్షలు , రూ. 14.80 లక్షల నుండి ప్రారంభమవుతాయి.
ఇతర మోడళ్లపై లభిస్తున్న డిస్కౌంట్ల విషయానికి వస్తే, మారుతి ఇన్విక్టోపై గరిష్టంగా రూ. 1.40 లక్షల వరకు, మారుతి గ్రాండ్ విటారాపై రూ. 1.15 లక్షల వరకు, మారుతి ఫ్రాంక్స్పై రూ. 93,000 వరకు, మారుతి ఇగ్నిస్పై రూ. 60,000 వరకు, మారుతి బాలెనోపై రూ. 50,000 వరకు, మారుతి ఎక్స్ఎల్6పై రూ. 25,000 వరకు తగ్గింపు లభిస్తోంది. మారుతి సుజుకి దేశంలోనే అతిపెద్ద కార్ల తయారీ సంస్థగా కొనసాగుతోంది. ఈ సంవత్సరం కంపెనీ 20 లక్షలకు పైగా కార్లను ఉత్పత్తి చేయడమే కాకుండా, దేశం నుండి కార్లను ఎగుమతి చేయడంలో కూడా ఒక కొత్త రికార్డును సృష్టించింది. మారుతి సుజుకి ఈ సంవత్సరం 3 లక్షలకు పైగా కార్లను దేశం వెలుపలకు ఎగుమతి చేసింది. మారుతి సుజుకిలో ప్రధాన వాటా జపాన్కు చెందిన సుజుకి మోటార్ కార్పొరేషన్కు ఉంది.
Also Read: బడ్జెట్ ఫ్రెండ్లీ సీఎన్జీ కార్స్.. మైలేజ్తో పాటు డిక్కీ స్పేస్లోనూ సూపర్!
