Hybrid Car
Hybrid Car: ప్రస్తుతం మార్కెట్లో ఎలక్ట్రిక్ కార్లకు డిమాండ్ పెరుగుతుంది. అదే సమయంలో కార్లను కొనుగోలు చేసిన వాళ్లలో దాని రేంజ్, ఛార్జింగ్ మౌలిక సదుపాయాల సమస్య ఉంది. దీని కారణంగా, వారికి ఎలక్ట్రిక్ వాహనాలు కొనాలని కోరిక ఉన్నప్పటికీ కొనుగోలు చేయలేకపోతున్నారు. దీంతో మారుతి-హ్యుందాయ్ వంటి కంపెనీలు ఇప్పుడు దేశంలో హైబ్రిడ్ కార్లను విడుదల చేయాలని ప్లాన్ చేస్తున్నాయి. ఈ కార్లతో మీకు మంచి మైలేజీ లభిస్తుంది. ఈ కార్లతో రేంజ్ ఆందోళన, ఛార్జింగ్ సౌకర్యం గురించి ఆందోళన చెందాల్సిన అవసరం లేదు. రాబోయే రెండేళ్లలో ఈ కార్లు రావడం చూసిన తర్వాత ఎలక్ట్రిక్ కార్లను కూడా మర్చిపోతారు.
మారుతి ఫ్రాంక్స్ హైబ్రిడ్
ఇటీవల మారుతి సుజుకి ఇండియా మిడ్-సైజ్ SUV ఫ్రాంక్స్ హైబ్రిడ్ వెర్షన్ టెస్టింగ్ సమయంలో రోడ్లపై కనిపించింది. అయితే, ఈ కారు ప్రస్తుతం అభివృద్ధి దశలో మాత్రమే కనిపిస్తుంది. ఈ కారులో మారుతి సొంతంగా అభివృద్ధి చేసిన హైబ్రిడ్ టెక్నాలజీ ఉండనుంది. ప్రస్తుతం కంపెనీ టయోటాతో కలిసి హైబ్రిడ్ టెక్నాలజీని ఉపయోగిస్తోంది.
హ్యుందాయ్ క్రెటా 7-సీటర్ ప్రీమియం
మారుతి లాగే దేశంలోని రెండవ అతిపెద్ద కార్ల సంస్థ హ్యుందాయ్ మోటార్ ఇండియా కూడా హైబ్రిడ్ విభాగంలోకి ప్రవేశించాలని నిర్ణయించుకుంది. హ్యుందాయ్ మోటార్ ఇండియా ఇటీవలే తన అత్యంత ప్రజాదరణ పొందిన 7-సీట్ల కారు హ్యుందాయ్ క్రెటాను ఎలక్ట్రిక్ అవతార్‌లో ప్రవేశపెట్టింది. ఇప్పుడు కంపెనీ ఈ మోడల్‌ను హైబ్రిడ్-పెట్రోల్ వేరియంట్‌లో కూడా విడుదల చేయవచ్చు.
మారుతి గ్రాండ్ విటారా 7 సీటర్
మారుతి ఇటీవలే తన ప్రసిద్ధ SUV గ్రాండ్ విటారా ఎలక్ట్రిక్ మోడల్, మారుతి ఇ విటారాను పరిచయం చేసింది. కంపెనీ ఈ కారు వీల్‌బేస్‌ను విస్తరించడం ద్వారా త్వరలో 7-సీట్ల వెర్షన్‌ను కూడా తీసుకురాబోతోంది. ప్రత్యేకత ఏమిటంటే కంపెనీ హైబ్రిడ్ టెక్నాలజీతో మారుతి గ్రాండ్ విటారా 7-సీటర్‌ను విడుదల చేయగలదు.
టయోటా హైరైడర్ 7-సీటర్
హైబ్రిడ్ టెక్నాలజీతో కార్లను తయారు చేయడంలో టయోటాకు సాటి లేదు. మారుతి సుజుకి కూడా కంపెనీ హైబ్రిడ్ టెక్నాలజీని ఉపయోగిస్తుంది. మార్కెట్లో హైబ్రిడ్ కు పెరుగుతున్న డిమాండ్ ను దృష్టిలో ఉంచుకుని, కంపెనీ తన అర్బన్ క్రూయిజర్ హైరైడర్ తదుపరి తరం మోడల్ ను విడుదల చేయబోతోంది. దీని 7-సీట్ల వెర్షన్ కూడా ఈ సంవత్సరం లాంచ్ కావచ్చు.
కియా సెల్టోస్
కియా ఇండియాలో అత్యంత ప్రజాదరణ పొందిన కారు సెల్టోస్ అప్‌గ్రేడ్ వెర్షన్ త్వరలో రానుంది. దీని ప్రపంచవ్యాప్తంగా అరంగేట్రం.. భారతదేశంలో ప్రారంభం 2026 లోనే జరుగుతుందని భావిస్తున్నారు. ఈ అప్‌గ్రేడ్ చేసిన వెర్షన్‌లో చాలా మార్పులు ఉంటాయి. కంపెనీ దానిలో పెట్రోల్ హైబ్రిడ్ పవర్‌ట్రెయిన్ ఆఫ్షన్ తో రాబోతుంది.