LIC Policy: పొదుపు అనేది మనిషికి చాలా అవసరం మనిషికేంటి సమస్త జంతు జాతికే పొదుపు అవసరం. పొదుపు లేకుంటే అదుపుతప్పి జీవితం నరకంగా మారుతుంది. ప్రతి ఒక్కరూ తమ సంపాదనలో కొంత భాగం పొదుపు చేసి సురక్షితంగా ఉండే ప్రదేశంలో పెట్టుబడి పెట్టాలని కోరుకుంటారు. ఈ సందర్భంలో దేశంలోని అతిపెద్ద బీమా కంపెనీ లైఫ్ ఇన్సూరెన్స్ కార్పొరేషన్ ఆఫ్ ఇండియా (LIC) పొదుపు పథకాలు భద్రతా, రాబడి రెండింటికీ ప్రాచుర్యం పొందాయి. LIC అన్ని వయసుల వారికి అందుబాటులో ఉన్న ప్లాన్లను తీసుకువచ్చింది. మీరు చిన్న మొత్తాలను సైతం పెట్టుబడిగా పెట్టి పెద్ద మొత్తం రీఫండ్ చేసుకోవచ్చు. ఆ పథకం ‘LIC జీవన్ ఆనంద్ పాలసీ’, దీనిలో మీరు రోజుకు కేవలం రూ. 45 ఆదా చేసుకోవడం ద్వారా రూ. 25 లక్షలు పొందవచ్చు. పూర్తి వివరాలు తెలుసుకుందాం.. తక్కువ ప్రీమియంతో మీ కోసం పెద్ద మొత్తంలో ఫండ్ను సేకరించాలనుకుంటే అది జీవన్ ఆనంద్ పాలసీ ద్వారానే సాధ్యం అవుతుంది. ఒక రకంగా చెప్పాలంటే ఇది టర్మ్ ప్లాన్ లాంటిది. పాలసీ అమల్లో ఉన్నంత కాలం ప్రీమియం చెల్లించవచ్చు. పాలసీదారుడు ఒకటి మాత్రమే కాకుండా అనేక మెచ్యూరిటీ ప్రయోజనాలు ఈ పాలసీలో పొందే అవకాశం కల్పించారు. LIC ఈ పథకంలో, కనీసం రూ. లక్ష హామీ ఇస్తుంది. గరిష్ట పరిమితి నిర్ణయించలేదు.
రూ. 45 డిపాజిట్ చేస్తే చాలు రూ. 25 లక్షలు
మీరు ప్రతి నెలా దాదాపు రూ. 1358 డిపాజిట్ చేయడం ద్వారా ఎల్ఐసీ జీవన్ ఆనంద్ పాలసీలో రూ. 25 లక్షలు పొందవచ్చు. 1358ని రోజుకు చూసుకుంటే రూ. 45 అవుతుంది. మీరు ప్రతి రోజూ రూ. 45 ఆదా చేయాలి. ఈ పొదుపులను దీర్ఘకాలికంగా చేయవలసి ఉంటుంది. ఈ పాలసీ కింద రూ. 45 ఆదా చేసి, 35 ఏళ్లపాటు ఇన్వెస్ట్ చేస్తే ఈ పథకం మెచ్యూరిటీ పూర్తయిన తర్వాత రూ. 25 లక్షలు లభిస్తుంది. వార్షిక ప్రాతిపదికన ఆదా చేసిన మొత్తాన్ని పరిశీలిస్తే, రూ. 16,300 అవుతుంది.
డబుల్ బోనస్ కంటే ఎక్కువ ప్రయోజనం
మీరు ఎల్ఐసీ జీవన్ ఆనంద్లో 35 సంవత్సరాల పాటు ప్రతి సంవత్సరం రూ. 16,300 పాలసీగా కడితే డిపాజిట్ మొత్తం రూ. 5,70,500 అవుతుంది. ప్రాథమిక హామీ మొత్తం రూ. 5 లక్షలు అవుతుంది, మెచ్యూరిటీ వ్యవధి తర్వాత మీకు రూ. 8.60 లక్షల రివిజనరీ బోనస్ రూ. 11.50 లక్షల చివరి బోనస్ లభిస్తుంది. LIC జీవన్ ఆనంద్ పాలసీలో బోనస్ రెండు సార్లు ఇస్తారు. దీనికి మీ పాలసీ 15 సంవత్సరాలు ఉండాలి.
పన్ను మినహాయింపు ఉండదు..
లైఫ్ ఇన్సూరెన్స్ కార్పొరేషన్ ఆఫ్ ఇండియా జీవన్ ఆనంద్ పాలసీని తీసుకునే రైడర్-డెత్ బెనిఫిట్ పాలసీ హోల్డర్లకు ఈ పథకం కింద ఎలాంటి పన్ను మినహాయింపు ప్రయోజనం ఉండదు. అయితే, మేము దాని ప్రయోజనాలను పరిశీలిస్తే, మీరు ఇందులో నాలుగు రకాల రైడర్లను పొందుతారు. యాక్సిడెంటల్ డెత్, డిసేబిలిటీ రైడర్, యాక్సిడెంట్ బెనిఫిట్ రైడర్, న్యూటర్మ్ ఇన్సూరెన్స్ రైడర్, న్యూ క్రిటికల్ బెనిఫిట్ రైడర్ ఉంది.
ఈ పాలసీకి డెత్ బెనిఫిట్ బెనిఫిట్ ను కూడా యాడ్ చేశారు. అదే సమయంలో, పాలసీ మెచ్యూరిటీకి ముందే పాలసీదారు మరణిస్తే, నామినీకి హామీ ఇచ్చిన సమయానికి సమానమైన మొత్తం లభిస్తుంది.
