Honda: భారతీయ ద్విచక్ర వాహన మార్కెట్లో హోండా మోటార్సైకిల్స్ అండ్ స్కూటర్స్ ఇండియా (HMSI) తన స్థానాన్ని మరింత పటిష్టం చేసుకునేందుకు దూకుడుగా వ్యవహరిస్తోంది. ముఖ్యంగా, ప్రీమియం స్కూటర్ సెగ్మెంట్లో యమహా ఏరోక్స్, ఏప్రిలియా SXR 160 వంటి వాటికి గట్టి పోటీ ఇవ్వడానికి హోండా PCX 160 స్కూటర్ను విడుదల చేయడానికి సన్నాహాలు చేస్తోంది. ఈ స్కూటర్ లేటెస్ట్ ఫీచర్లు, పవర్ ఫుల్ ఇంజన్తో యువతను ఆకర్షించేలా రూపొందుతోంది.
Also Read: జపానా మజాకా.. 6 గంటలో అద్భుతం చేశారు!
డిజైన్, ఫీచర్లు
హోండా PCX 160 మాక్సీ-స్టైల్ డిజైన్తో వస్తుంది. ఇది సాంప్రదాయ స్కూటర్ల కంటే భిన్నంగా, పెద్ద ఫ్రంట్ ఆప్రాన్, సెంట్రల్ ట్రాన్స్మిషన్ టన్నెల్తో ఆకర్షణీయంగా ఉంటుంది. LED లైటింగ్, పెద్ద అండర్ సీట్ స్టోరేజ్, కీలెస్ ఇగ్నిషన్, బ్లూటూత్ కనెక్టివిటీతో కూడిన డిజిటల్ LCD ఇన్స్ట్రుమెంట్ ప్యానెల్ వంటి అత్యాధునిక ఫీచర్లు ఇందులో ఉన్నాయి. దీని ముందు భాగంలో పెద్ద ట్విన్-LED హెడ్ల్యాంప్ క్లస్టర్, V-ఆకారపు LED DRL ఉన్నాయి, ఇవి స్కూటర్కు ప్రత్యేకమైన రూపాన్ని అందిస్తాయి. ఎడ్జస్టబుల్ క్లచ్, బ్రేక్ లివర్లు, సింగిల్-పీస్ గ్రాబ్ రైల్ మరియు అల్లాయ్ వీల్స్ వంటి ఇతర ఆకర్షణీయమైన ఫీచర్లు కూడా ఉన్నాయి.
ఇంజన్, భద్రత:
హోండా PCX 160 లో 157cc సింగిల్-సిలిండర్ ఇంజన్ ఉంటుంది. ఇది 15.8 bhp పవర్, 14.7 Nm టార్క్ను ఉత్పత్తి చేస్తుంది. సేఫ్టీ కోసం, ఈ స్కూటర్లో డ్యూయల్-ఛానల్ ABS, డిస్క్ బ్రేక్లు ఉంటాయి. 14-ఇంచెస్ ఫ్రంట్ వీల్, 13-ఇంచెస్ రియర్ వీల్స్ ప్రయాణాన్ని మరింత సౌకర్యవంతంగా చేస్తాయి.
బైక్ రిలీజ్
హోండా ఈ స్కూటర్ విడుదలకు సంబంధించి అధికారిక ప్రకటన చేయనప్పటికీ, పేటెంట్ దాఖలు చేయడం ద్వారా భారత మార్కెట్లోకి ఈ స్కూటర్ను తీసుకురావడానికి ఆసక్తి చూపుతున్నట్లు తెలుస్తోంది. ఈ స్కూటర్ విడుదల అయితే, భారతీయ ప్రీమియం స్కూటర్ మార్కెట్లో హోండా తన స్థానాన్ని మరింత పటిష్టం చేసుకుంటుంది.
