Honda City Vs Hyundai Verna: మిడ్ సైజ్ సెడాన్ కార్లు కొనాలని కొందరు వినియోగదారులు ఆసక్తి చూపుతున్నారు. ఇలాంటి వారి కోసం కొన్ని కంపెనీలు ప్రత్యేకంగా మోడల్స్ ను తీర్చిదిద్ది మార్కెట్లోకి తీసుకువచ్చాయి. వీటిలో Honda City 2026 facelift, Hyundai Verna 2026 ప్రత్యేకంగా నిలుస్తున్నాయి. ఈ రెండూ భారత మిడ్ సైజ్ సెడాన్ మార్కెట్లో హిట్టయిన మోడల్స్గా కొనసాగుతున్నాయి. ఈ రెండు కార్లు అద్భుతమైన డిజైన్ తో పాటు డ్రైవర్, ప్రయాణికులకు కావాల్సిన సౌకర్యాలను అందిస్తున్నాయి. అంతేకాకుండా వీటిలో అప్డేట్ ఫీచర్లు ఉన్నాయి. అయినా కూడా వీటి మధ్య కొన్ని తేడాలు ఉన్నాయి. ఆ తేడాలేవో చూద్దాం..
హోండా సిటీ 2026 facelift లో రెండు పవర్ట్రైన్ ఆప్షన్లు ఉన్నాయి. వీటిలో ఒకటి 1.5 లీటర్ నాచురల్ ఆస్పిరేటెడ్ పెట్రోల్, మరొకటి e:HEV స్ట్రాంగ్ హైబ్రిడ్ వెర్షన్ కనిపిస్తుంది. పెట్రోల్ వెర్షన్ 121 PS పవర్, 145 Nm టార్క్ ను ఉత్పత్తి చేయగా.. ఎలక్ట్రిక్ వెర్షన్ 126 PS పవర్ 253 Nm టార్క్ ను రిలీజ్ చేస్తుంది. ఈ హైబ్రిడ్ వెర్షన్ లీటర్ ఇంధనానికి 27.26 కిలోమీటర్ల మైలేజ్ అందిస్తుంది. దీంతో నగరాల్లో ప్రయాణం చేసేవారితో పాటు హైవేలో వెళ్లేవారికి అనుగుణంగా ఉంటుంది.
Hyundai Verna 2026 లోనూ రెండు ఇంజిన్ ఆప్షన్లు కనిపిస్తాయి. 1.5 లీటర్ NA పెట్రోల్ ( 113 PS పవర్ , 114 Nm టార్క్) 1.5 లీటర్ టర్బో‑పెట్రోల్ ( 157–160 PS పవర్ , 253 Nm టార్క్) ఉంటాయి. విహార యాత్రలకు వెళ్లేవారితో పాటు హైవే స్పీడ్ ఇష్టపడే వాళ్లకి ఇది బాగా సూట్ అవుతుంది; అయితే ఈ కారు మైలేజ్ మాత్రం లీటర్ ఇంధనానికి 20 కిలోమీటర్ల మైలేజ్ అందిస్తుందని చెబుతున్నారు. అంటే ఫ్యూయెల్ ఎఫిషియెన్సీని ప్రయోరిటీ గా తీసుకుంటే Honda City e:HEV మెరుగ్గా ఉంటుంది. అయితే లాంగ్ డ్రైవ్ చేయాలని అనకుంటే Verna టర్బో బెటర్.
Hyundai Verna 2026 కొత్త ఫేస్లిఫ్ట్తో ఇంటీరియర్లో మెరుగైన క్వాలిటీ మెటీరియల్, పెద్ద టచ్స్క్రీన్ ఇన్ఫోటైన్మెంట్ సిస్టమ్, వైర్లెస్ కన్నెక్టివిటీ, వైర్లెస్ కార్ప్లే , కన్సోల్ స్పేస్ వంటివి అప్గ్రేడ్ చేశారు. అలాగే అధునాతన ADAS ఫీచర్లు .. రడార్‑బేస్డ్ లేన్ అసిస్ట్, అడాప్టివ్ క్రూయిజ్ కంట్రోల్, ఆటో ఎమర్జెన్సీ బ్రేకింగ్ వంటివి ఉన్నాయి.
హోండా సిటీ కూడా న్యూ facelift తో కెమెరా‑బేస్డ్ ADAS ఫీచర్లు , 360 డిగ్రీ కెమెరా, మెరుగైన ఇన్ఫోటైన్మెంట్, కన్సిస్ట్ ఎయిర్ కండీషనింగ్, చక్కని సౌండ్ సిస్టమ్లు కనిపిస్తాయి. కానీ city ఆధారంగా చూస్తే హోండా స్థిరత్వం, సేఫ్టీని అందిస్తుంది. అయితే హ్యుందాయ్ వెర్నా టాప్ వేరియంట్లో టెక్‑నింపిన క్యాబిన్, స్పోర్టియర్ ఫీల్ ఎక్కువగా ఉంటుంది.
ఇండియన్ మార్కెట్లో హ్యుందాయ్ వెర్నా 2026 ప్రారంభంలో దాదాపు రూ.10.98 లక్షల నుంచి ప్రారంభం అవుతుంది. టాప్ వేరియంట్ సుమారు రూ.18.40 లక్షలతో విక్రయిస్తున్నార. హోండా సిటీ 2026 facelift ప్రారంభం సుమారు రూ.12 లక్షల నుంచి దాదాపు రూ.21 లక్షల వరకు ఉండనంది.
