Honda Activa Electric Scooter: Honda కంపెనీ ఇప్పటి వరకు అద్భుతమైన బైక్ లతో ఎంతో మంది వినియోగదారులను ఆకట్టుకుంది. ఆ తరువాత Activaతో స్కూటర్ విభాగంలో వినియోగదారుల మనసును దోచుకుంది. అయితే ఇప్పుడు యాక్టివా ఎలక్ట్రిక్ స్కూటర్ గా మార్కెట్లోకి వచ్చింది. ప్రస్తుతం ఎలక్ట్రిక్ వాహనాలకు డిమాండ్ పెరుగుతున్న నేపథ్యంలో యాక్టివా ఎలక్ట్రిక్ స్కూటర్ ఆకట్టుకోనుంది. దీని డిజైన్ తో పాటు ఇందులో ఉండే బ్యాటరీ పవర్ ఎలా ఉందో చూద్దాం..
హోండా యాక్టివా ఎలక్ట్రిక్ స్కూటర్ 2025 మార్చి 29న భారతదేశంలో అధికారికంగా లాంచ్ అయ్యింది. ఇది హోండా యొక్క మొదటి ఎలక్ట్రిక్ స్కూటర్ కావడం విశేషం. ఈ స్కూటర్ Ola S1 ప్రో, TVS iQube, Bajaj Chetak, Ather Ritza వంటి ఎలక్ట్రిక్ స్కూటర్లకు గట్టి పోటీ ఇస్తోంది.
ఈ స్కూటర్ లో రెండు స్వాపబుల్ బ్యాటరీలతో ఉంటూ.. మొత్తం బ్యాటరీ సామర్థ్యం 3 kWh తో పనిచేస్తుంది. ఈ బ్యాటరీని ఒక్కసారి ఛార్జింగ్ చేస్తే 102 కి.మీ. రేంజ్ ఇస్తుంది. దీంతో నగరంలోని వారితో పాటు హైవేలపై ప్రయాణించే వారికి ఇది అనుగుణంగా ఉంటుంది.ఈ స్కూటర్ లో ఉండే బ్యాటరీ SWAP టెక్నాలజీ ద్వారా ఒక నిమిషంలో బ్యాటరీని మార్చుకోవచ్చు. అంతేకాకుండా ఇది చార్జింగ్ సమయాన్ని ఆదా చేస్తుంది.
Honda Activa స్కూటర్ లో 6 kW మ్యాగ్నెట్ సింక్రోనస్ మోటార్తో వస్తుంది. గరిష్ట వేగం గంటకు 80 కి.మీ. గా ఉంది. ఇందులో కీలెస్ ఎంట్రీ, 5 అంగుళాల TFT స్క్రీన్ , CBS బ్రేకింగ్ సిస్టం, అడ్వాన్స్డ్ సస్పెన్షన్, స్మార్ట్ ఇన్ఫోటైన్మెంట్ సిస్టమ్ ఉన్నాయి. బ్యాటరీ స్వాపింగ్ టెక్నాలజీ ఇతర ఎలక్ట్రిక్ స్కూటర్ల నుండి దీనిని వేరు చేస్తుంది.
ధర మరియు కొనుగోలు విధానం కూడా వినియోగదారులకు అనుకూలంగా ఉన్నాయి.
ఈ హోండా యాక్టివా ఎలక్ట్రిక్ స్కూటర్ యొక్క ఎక్స్-షోరూమ్ ధర రూ. 1,19,000గా నిర్ణయించారు. సాధారణ మధ్యతరగతి కుటుంబాలకు ఆర్థిక భారం తగ్గించేలా, కేవలం రూ. 10,000 ప్రారంభ డౌన్ పేమెంట్తో ఈ స్కూటర్ను ఇంటికి తీసుకెళ్లవచ్చు. మిగిలిన మొత్తాన్ని సులభమైన వాయిదాల (EMI) రూపంలో చెల్లించే వెసులుబాటు కూడా అందుబాటులో ఉంటుంది.
