Gold Price Today: బంగారం ధరలు రోజురోజుకు పెరుగుతూనే ఉన్నాయి. దీంతో లక్ష రూపాయల వరకు పెరుగుతుందా? అన్న చర్చ జోరుగా సాగుతోంది. గత కొన్ని వారాలుగా బంగారం ధరలు గరిష్ట స్థాయిలో పెరగడమే గానీ తగ్గడం లేదు. దీంతో ఇప్పట్లో బంగారం కొనడం కష్టమేనని వినియోగదారులు అంటున్నారు. నేడు దేశీయంగా బంగారం ధరలు ఎంత పెరిగాయి? ప్రస్తుత ధరలు ఎలా ఉన్నాయి? ఆ వివరాల్లోకి వెళితే..
బులియన్ మార్కెట్ ప్రకారం.. ఏప్రిల్ 11న ఓవరాల్ గా 22 క్యారెట్ల 10 గ్రాముల బంగారం ధర రూ.66,100గా నమోదైంది. 24 క్యారెట్ల పసిడి 10 గ్రాములకు రూ.72,120 గా ఉంది. ఏప్రిల్ 10న 22 క్యారెట్ల 10 గ్రాముల బంగారం రూ.65,750తో విక్రయించారు. 10 గ్రాముల బంగారానికి బుధవారంతో పోలిస్తే గురువారం రూ.350 పెరిగింది. దేశంలోని ప్రధాన నగరాల్లో బంగారం ధరలు ఎలా ఉన్నాయో చూద్దాం..
న్యూఢిల్లీలో 22 క్యారెట్ల 10 గ్రాముల బంగారం ధర రూ.66,260 ఉండగా.. 24 క్యారెట్ల గోల్డ్ రూ.72,270 గా నమోదైంది.ఆర్థిక రాజధాని ముంబైలో 22 క్యారెట్ల 10 గ్రాముల బంగారం రూ.66,100 కొనసాగుతోంది. 24 క్యారెట్లు రూ.72,120 పలుకుతోంది. చెన్నైలో 22 క్యారెట్ల బంగారం 10 గ్రాములకు రూ.66,060 పలుకుతోంది. 24 క్యారెట్ల 10 గ్రాములకు రూ.73,160తో విక్రయిస్తున్నారు. బెంగుళూరులో 22 క్యారెట్ల బంగారం 10 గ్రాములకు రూ.66,100 పలుకుతోంది. 24 క్యారెట్ల 10 గ్రాములకు రూ.72,120తో విక్రయిస్తున్నారు. హైదరాబాద్ లో 22 క్యారెట్ల బంగారం 10 గ్రాముల ధర రూ.66,100తో విక్రయిస్తున్నారు. 24 క్యారెట్ల 10 గ్రాములకు రూ.72,120తో విక్రయిస్తున్నారు.
బంగారం ధరలతో పాటు వెండి ధరలు పెరుగుతూనే ఉన్నాయి. గురువారం ఓవరాల్ గా కిలో వెండి రూ.86,600గా నమోదైంది. బుధవారం కంటే గురువారం ఢిల్లీ వెండి ధరల ప్రకారం రూ.1100 పెరిగింది. న్యూ ఢిల్లీలో కిలో వెండి రూ.85,600గా ఉంది. ముంబైలో రూ.85,600, చెన్నైలో రూ.89,100, బెంగుళూరులో 84,100, హైదరాబాద్ లో రూ.89,100తో విక్రయిస్తున్నారు.
