BMW C 400 GT: త్వరలో మార్కెట్లోకి బీఎండబ్ల్యూ రూ.11లక్షల స్కూటర్.. ఫీచర్లు తెలిస్తే దిమ్మ తిరగాల్సిందే

BMW C 400 GT : బీఎండబ్ల్యూ తన కొత్త మ్యాక్సీ స్కూటర్ సీ 400జీటీని అధికారికంగా భారత మార్కెట్లో అమ్మకానికి విడుదల చేసింది. దాని స్టైలిష్ లుక్, పవర్ ఫుల్ ఇంజిన్‌తో కూడిన ఈ స్కూటర్ ప్రారంభ ధర రూ. 11,50,000 (ఎక్స్-షోరూమ్, ఢిల్లీ)గా నిర్ణయించింది. మునుపటి మోడల్‌తో పోలిస్తే ఈ స్కూటర్‌లో చాలా మార్పులు చేసింది కంపెనీ. కొత్త అప్‌డేట్ తర్వాత ఈ స్కూటర్ ధర ఇప్పుడు రూ. 50,000 పెరిగింది. మరి ఈ స్కూటర్ ఎలా ఉందో చూద్దాం.

Also Read : లగ్జరీ లుక్, హైటెక్ ఫీచర్లతో నాటి రాజసం.. అంబాసిడర్ మరోసారి మార్కెట్లోకి వచ్చేస్తోంది

2025 మోడల్ కొత్త పెయింట్ స్కీమ్, మరిన్ని ఫీచర్లతో స్టాండర్డ్‌గా వస్తుంది. కానీ యాంత్రికంగా ఈ స్కూటర్లో ఎలాంటి మార్పులు చేయలేదు. బీఎండబ్ల్యూ స్కూటర్‌కు కొత్త విండ్‌స్క్రీన్‌ను అందించింది. ఇది రైడర్‌ను గాలి నుంచి రక్షించింది. అలాగే కంపెనీ సీటు ఎత్తును 10ఎంఎం తగ్గించింది. అంటే దానిని 775ఎంఎ నుంచి 765ఎంఎంకి తగ్గించింది. దీనితో పాటు, కంపెనీ స్కూటర్ కొత్త ప్రత్యేకమైన వేరియంట్‌ను ప్రవేశ పెట్టింది. దీనిలో బంగారు అల్లాయ్ వీల్స్, బ్రేక్ కాలిపర్లు, గ్రాఫిక్స్, సీటుపై ఎంబ్రాయిడరీ ఉన్నాయి. ఇది BMW లోగో ప్రొజెక్షన్, స్టెయిన్‌లెస్-స్టీల్ ఫ్లోర్‌బోర్డ్ ఇన్సర్ట్‌లతో ఫ్లోర్ లైటింగ్‌ను కూడా అమర్చింది.

ఈ స్కూటర్‌లో కంపెనీ 350 సిసి సామర్థ్యం గల సింగిల్ సిలిండర్, లిక్విడ్-కూల్డ్ ఇంజిన్‌ను అందించింది. ఇది 33.5 bhp పవర్, 35 న్యూటన్ మీటర్ల (Nm) టార్క్‌ను ఉత్పత్తి చేస్తుంది. పవర్ పరంగా చూస్తే ఇది రాయల్ ఎన్‌ఫీల్డ్ బుల్లెట్, క్లాసిక్ కంటే ఎక్కువ పవర్ ను ఉత్పత్తిని ఇస్తుంది. కంపెనీ దీనిలో 12.8 లీటర్ల ఇంధన ట్యాంక్‌ను అందించింది. బైక్ బరువు 214 కిలోలు.

ఈ స్కూటర్ ముందు భాగంలో 15-అంగుళాల అల్లాయ్ వీల్, వెనుక భాగంలో 14-అంగుళాల అల్లాయ్ వీల్ ఉన్నాయి. ముందు భాగంలో టెలిస్కోపిక్ ఫోర్క్ సస్పెన్షన్, వెనుక భాగంలో ప్రీలోడ్-అడ్జస్టబుల్ డ్యూయల్-స్ప్రింగ్ సస్పెన్షన్ అందుబాటులో ఉన్నాయి. ఈ సస్పెన్షన్ డ్రైవర్‌ చాలా సౌకర్యవంతంగా స్కూటర్‌పై ఎక్కువ దూరం ప్రయాణించగలుగుతారు. ఈ స్కూటర్లో లీన్-సెన్సిటివ్ ABS ప్రో, డైనమిక్ బ్రేక్ కంట్రోల్ (DBC), డైనమిక్ ట్రాక్షన్ కంట్రోల్ (DTC), ఇంజిన్ డ్రాగ్ టార్క్ కంట్రోల్ (MSR) వంటి అధునాతన ఫీచర్లను అందించింది కంపెనీ. అలాగే బ్లూటూత్ కనెక్టివిటీతో కూడిన 10.25-అంగుళాల TFT స్క్రీన్, USB-C ఛార్జింగ్ పోర్ట్ కూడా అందించింది.

Also Read : ఫ్యామిలీకి అనుగుణంగా రాబోతున్న మూడు కార్లు.. వీటి గురించి తెలుసా?