Benefits Of Early Insurance: డబ్బులు సంపాదించడం మొదలుపెట్టావా? అయితే నిన్ను నమ్ముకుని ఉన్న మన కుటుంబం సంగతి ఏంటి? వాళ్ళకి ఏమైనా భరోసా ఇచ్చామా? అసలు ఈ రోజుల్లో ఏం జరుగుతుందో ఎప్పుడు ఏం అవుతుందో ఎవరికి తెలుసు? అలాంటి టైంలో చిన్నప్పుడే బీమా తీసుకుంటే చాలా బాగుంటుందని చాలా మంది అంటున్నారు. అవును వాళ్లు అన్నదాంట్లో నిజం ఉంది. బీమా తీసుకోవడం వెనుక చాలా లాభాలున్నాయి.
తక్కువ ప్రీమియం!
మీరు ఇంకా యంగ్గా అంటే ఓ 25 ఏళ్ల లోపు వాళ్లయితే ఆ సమయంలో బీమా తీసుకుంటే కంపెనీకి తక్కువ ప్రీమియం కట్టొచ్చు. ఎందుకంటే వాళ్ళ లెక్క ప్రకారం, చిన్న వయసులో పెద్దగా ప్రమాదాలు ఉండవు కదా. అందుకే తక్కువ ఛార్జ్ చేస్తారు. 25 ఏళ్ళప్పుడు రూ.50 లక్షల బీమా తీసుకుంటే, అదే బీమా 45 ఏళ్ళప్పుడు తీసుకునే వాడి కంటే చాలా తక్కువ కట్టాల్సి ఉంటుంది. ఇంకో మంచి విషయం ఏంటంటే, ఒకసారి కట్టడం మొదలుపెడితే ఆ బీమా ఉన్నంత కాలం అదే తక్కువ ప్రీమియం కట్టొచ్చు. అంటే దీర్ఘకాలంలో బోలెడంత డబ్బు మిగులుతుందన్నమాట.
కుటుంబానికి సేఫ్టీ!
బీమా అనేది మన కుటుంబానికి ఒక పెద్ద సపోర్ట్. ఒకవేళ ఊహించని విధంగా మనకేమైనా అయితే, మన తర్వాత మన కుటుంబానికి ఆ బీమా డబ్బు అందుతుంది. ఆ డబ్బుతో వాళ్ళ రోజువారీ ఖర్చులు, ఏవైనా అప్పులు ఉంటే అవి తీర్చడం, పిల్లల చదువులు, పెళ్లిళ్లు లాంటివి చూసుకోవడానికి చాలా ఉపయోగపడుతుంది. మనం చిన్నప్పుడే ఇది తీసుకుంటే.. వాళ్ళకి ఒక భరోసా ఇచ్చినట్లు అవుతుంది. ముఖ్యంగా, ఇంట్లో డబ్బు సంపాదించే వాళ్ళు ఖచ్చితంగా ఇది తీసుకోవాలి.
డబ్బు కూడా పెరుగుతుంది!
కొన్ని రకాల బీమాలు కేవలం మనల్ని కాపాడటమే కాదు, డబ్బును పొదుపు చేసుకోవడానికి, పెంచడానికి కూడా పనికొస్తాయి. ఎండోమెంట్ పాలసీలు, యులిప్ (ULIP) పాలసీలు అలాంటివే. ఇవి బీమా కవరేజీ ఇస్తూనే, మనం కట్టిన డబ్బును పెంచుతాయి. చిన్నప్పటి నుంచే ఇలాంటివి మొదలుపెడితే, చక్రవడ్డీతో మన డబ్బు చాలా ఫాస్ట్గా పెరుగుతుంది. ఈ డబ్బు రిటైర్మెంట్ అయిన తర్వాత మనకు, పిల్లల చదువులకో, ఇల్లు కొనుక్కోడానికో, లేదా ఏమైనా పెద్ద పనులు ఉన్నప్పుడు చాలా హెల్ప్ అవుతుంది.
Also Read: Insurance Policy: ఇది లేకపోతే ఇన్సూరెన్స్ పాలసీ తీసుకోకండి.. లేకుంటే భారీగా నష్టపోతారు..
పన్నులు కూడా ఆదా!
పాత పన్ను విధానంలో ఐటీఆర్ ఫైల్ చేసేవాళ్ళకు, జీవిత బీమా ప్రీమియం కట్టినందుకు సెక్షన్ 80సీ కింద పన్ను తగ్గింపు ఉంటుంది. అంటే తక్కువ పన్ను కడతాం అన్నమాట. అయితే, ఇప్పుడు కొత్త పన్ను విధానంలోకి మారిన వాళ్ళకి ఈ తగ్గింపులు వర్తించవు. ఇక్కడ ఒక విషయం గుర్తుంచుకోవాలి. కేవలం పన్ను తగ్గించుకోవడానికే బీమా తీసుకోవడం తప్పు. మనకు, మన కుటుంబానికి అవసరం ఉందా లేదా అని చూసి తీసుకోవాలి.
జబ్బులు రాకముందే తీసుకోవాలి
మనం యంగ్గా ఉన్నప్పుడు జనరల్గా పెద్ద పెద్ద జబ్బులు రావు కదా. అందుకే బీమా కంపెనీలు తక్కువ డబ్బుకే ఎక్కువ కవరేజీని ఇస్తాయి. అదే వయసు పెరిగే కొద్దీ, షుగర్, బీపీ లాంటి లైఫ్ స్టైల్ జబ్బులు వచ్చే అవకాశం ఉంటుంది. అప్పుడు ప్రీమియం రేట్లు పెరుగుతాయి, కొన్నిసార్లు అసలు బీమా దొరకడమే కష్టం అవుతుంది. అందుకే, వీలైనంత చిన్నప్పుడే తీసేసుకోవడం తెలివైన పని.
Also Read: AP Government : ఏపీ ఉపాధి హామీ కూలీలకు శుభవార్త.. ప్రతి ఒక్కరికి రూ.2 లక్షలు…
ఎక్కువ రక్షణ తక్కువ ఖర్చులో!
మీరు తీసుకున్న జీవిత బీమా పాలసీతో పాటు, కొన్ని ఎక్స్ ట్రా కవరేజ్లు కూడా తీసుకోవచ్చు. ఉదాహరణకు, క్యాన్సర్ లాంటి తీవ్రమైన జబ్బులు వస్తే డబ్బు ఇచ్చే పాలసీలు, ప్రమాదవశాత్తు అంగవైకల్యం వస్తే ఇచ్చేవి, లేదా యాక్సిడెంట్స్ జరిగితే ఇచ్చే బీమాలు. ఇవన్నీ జీవిత బీమాతో పాటే, చాలా తక్కువ డబ్బుకే దొరుకుతాయి.
ప్లాన్ చేసుకో, భవిష్యత్తుకు సెక్యూరిటీ పెంచేసుకో
బీమా అనేది కేవలం డబ్బు రక్షణ గురించే కాదు. మన భవిష్యత్తు కోసం ప్లాన్ చేసుకోవడానికి కూడా హెల్ప్ అవుతుంది. చిన్న వయసులోనే బీమా తీసుకుంటే, మన ఆర్థిక లక్ష్యాలను చక్కగా ప్లాన్ చేసుకోవడానికి ఎక్కువ టైమ్ దొరుకుతుంది. ఇది మనలో డబ్బును ఎలా వాడుకోవాలో, ఎలా పొదుపు చేయాలో ఒక పద్ధతిని కూడా నేర్పుతుంది.
