Honda Activa 125: కొత్త సంవత్సరం వచ్చేసింది. 2026లోకి అడుగు పెట్టాం. కొత్త ఏడాది బడ్జెట్ ప్లాన్స్, రెజల్యూషన్స్ తీసుకుంటున్నారు. ఈ తరుణంలో దేశీయ మోటార్ సంస్థలు కూడా కస్టమర్లను ఆకట్టుకునే కొత్త మోడల్స్ వాహనాలపై దృష్టిపెట్టాయి. ఇప్పటికే కొత్త కార్లను విడుదల చేసేందుకు మారుతి, మహీంద్ర సిద్ధమవుతున్నాయి. ఈ క్రమంలో హోండా సంస్థ యాక్టివా 125ను మార్కెట్లోకి విడుదల చేసింది. లీటర్ 47 కి.మీ.లకు పైగా మైలేజీతో ఇంధన ఖర్చులను తగ్గిస్తుంది. ధర రూ.లక్ష లోపే ఉండడం ఆకట్టుకుంటోంది.
అందమైన డిజైన్..
2025 మోడల్లో ఎల్ఈడీ హెడ్లైట్లు, క్రోం అలంకరణలతో ముందు భాగం ఆకర్షణీయంగా ఉంది. 107 కేజీల బరువు, 162 మి.మీ. గ్రౌండ్ క్లియరెన్స్తో రోడ్డు అడ్డంకులను సమర్థంగా ఎదుర్కొంటుంది. 12–ఇంచ్ అలాయ్ వీల్స్, ట్యూబ్లెస్ టైర్లు గ్రిప్ను మెరుగుపరుస్తాయి. మ్యాట్ ఫినిష్ కలర్లు శైలిని జోడిస్తాయి.
స్మార్ట్ కాక్పిట్ సౌకర్యాలు
4.2–ఇంచ్ టీఎఫ్టీ డిస్ప్లేలో మైలేజీ, దూరం, నావిగేషన్ సమాచారం కనిపిస్తుంది. బ్లూటూత్తో కాల్స్, మ్యూజిక్ను హెల్మెట్ స్పీకర్ల ద్వారా ఆస్వాదించవచ్చు. యూఎస్బీ టైప్ ఈ చార్జింగ్, ఐడిల్ స్టార్ట్–స్టాప్ వంటివి ఇంధన ఆదాను చేస్తాయి. 18 లీటర్ల సీట్ ఉండర స్టోరేజ్, 765 మి.మీ. సీట్ ఎత్తు అందరికీ సౌకర్యవంతం ఉంటుంది.
శక్తివంతమైన ఇంజిన్..
123.92 సీసీ ఎయిర్–కూల్డ్ ఇంజిన్ 8.42 పీఎస్ పవర్, 10.5 ఎన్ఎం టార్క్ను ఉత్పత్తి చేస్తుంది. ఈఎస్పీ సాంకేతికతతో వైబ్రేషన్లు తగ్గి, సీబీటీ గేర్ సాఫ్ట్గా పనిచేస్తుంది. 90 కి.మీ.గా. వేగం, 5.3 లీటర్ల ట్యాంక్తో 250 కి.మీ. ప్రయాణం సాధ్యం. ఏఆర్ఏఐ 47 కి.మీ.పీ.ఎల్ మైలేజీ నిజ జీవితంలో 45 కి.మీ.పీ.ఎల్. ఇస్తుంది.
సురక్షిత ప్రయాణం..
కాంబ్రేక్ సిస్టమ్ (సీబీఎస్)తో 190 మి.మీ. డిస్క్, 130 మి.మీ. డ్రమ్ బ్రేకులు సురక్షితంగా ఆపుతాయి. టెలిస్కోపిక్ ఫోర్క్స్, అడ్జస్టబుల్ షాక్ అబ్సార్బర్లు రోడ్డు తడబిరులను సమతుల్యం చేస్తాయి. ఇంజన్ కిల్ స్విచ్, పాస్ లైట్, సర్వీస్ రిమైండర్లు ఆధారంగా ఉంటాయి. 1260 మి.మీ. వీల్బేస్ స్థిరత్వాన్ని ఇస్తుంది. తక్కువ సెంటర్ ఆఫ్ గ్రావిటీతో ట్రాఫిక్లో సులభం. సైలెంట్ ఏసీజీ స్టార్టర్, డీఆర్ఎల్ లైట్లు, క్యారీ హుక్ వంటివి రోజువారీ ఉపయోగానికి అనుకూలం. ముఖ్యంగా మహిళలు, కుటుంబాలకు ఇది సరైన ఎంపిక.
అదనపు సౌకర్యాలు
డిజిటల్ క్లాక్, ట్రిప్ మీటర్, ఫ్యూయల్ ఎకానమీ డిస్ప్లేలు ఉపయోగకరం. హోండా సెలెక్ట్ స్విచ్తో మోడ్లు మార్చవచ్చు. ఎల్ఈడీ టైల్లైట్, పిల్లియన్ ఫుట్రెస్ట్ సౌకర్యాన్ని పెంచుతాయి.
ధర ఇలా..
స్టాండర్డ్ వేరియంట్ రూ.92,260 నుంచి, H-Smart రూ.96,092. హర్యానాలో ఆన్–రోడ్ ధర రూ.1–1.05 లక్షలు. 8 కలర్ ఆప్షన్లు, తక్కువ సర్వీస్ ఖర్చు (రూ.1,500 సగటు). రీసేల్ విలువ ఎక్కువగా ఉంటుంది.
సుజుకి యాక్సెస్, టీవీఎస్ జూపిటర్కు మైలేజీలో ముందు. హీరో డెస్టినీలో టెక్ లోపం, ఓలా 1లో రిలయబిలిటీ తక్కువ. హోండా సర్వీస్ నెట్వర్క్ అద్భుతం. హోండా యాక్టివా 125 టెక్, మైలేజీతో కుటుంబాలకు బెంచ్మార్క్.
