ఆధ్యాత్మికత కోసం బాలయ్య కసరత్తులు !

మెగాస్టార్, ఎన్టీఆర్, అల్లు అర్జున్, మహేష్ బాబు లాంటి స్టార్ హీరోల సినిమాలు ఎప్పుడో వందల కోట్ల మార్క్ ను దాటి ఆయా హీరోల పేర్లను బాక్సాఫీస్ వద్ద సగర్వంగా చాటాయి. పాపం బాలయ్య సినిమాలు మాత్రం ఏభై కోట్లు కలెక్ట్ చేయడమే గగనం అయిపోయింది. మరీ ఈ మధ్య బాలయ్యగారి సినిమాలు గట్టిగా పది కోట్లు కూడా కలెక్ట్ చేయలేని దుస్థితిలోకి వెళ్లిపోయాయంటే బాలయ్య మార్కెట్ రేంజ్ అర్ధం చేసుకోవచ్చు. అందుకే సోషల్ మీడియాలో కూడా కొంతమంది యాంటీ ఫ్యాన్స్ బాలయ్య పని అయిపోయిందని కామెంట్స్ చేస్తున్నారు. కానీ వరుసగా డిజాస్టర్లు ఇవ్వడం బాలయ్యకు కొత్తేమి కాదు, అలాంటి డిజాస్టర్ ల తరువాత కూడా ‘సింహా’తో క్రియేట్ చేసిన రికార్డ్స్ గురించి తెలిసిందే.

ఆ హీరో, డైరెక్టర్ ల కెరీర్ లు పోయినట్టేనా ?

అందుకే బాలయ్య ఎప్పుడూ జయాపజయాలతో సంబంధం లేకుండా వరుస సినిమాలతో ఫుల్ బిజీగా ఉంటాడు. ఇక ప్రస్తుతం బోయపాటి శ్రీను దర్శకత్వంలో రాబోతున్న సినిమా కోసం కసరత్తులు చేస్తున్నాడు. బాడీ తగ్గించే పనిలో ఉన్నాడు. దాదాపు పది కిలోలు బాలయ్య తగ్గనున్నారు. ఇక ఈ సినిమాలో బాలయ్య బాబు కొన్ని సన్నివేశాల్లో పూర్తి ఆధ్యాత్మిక వేత్తగా కనిపించబోతున్నాడని.. ఆ పాత్ర కోసమే బాడీ తగ్గిస్తున్నాడని తెలుస్తోంది. ఆధ్యాత్మికతతో మొదలైయ్యే బాలయ్య పాత్ర చాల వైవిధ్యంగా అలాగే ప్రేరణాత్మకంగా ఉండబోతుందని.. ఈ పాత్రలో కొత్త బాలయ్యని చూస్తామట.

ఇక ఈ సినిమాలో కొత్త హీరోయిన్ ను తీసుకోవాలని మేకర్స్ నిర్ణయించుకున్నట్లు తెలుస్తోంది. నిజానికి ఈ మూవీలో మొదట హీరోయిన్ గా కేథరీన్ థెరీసా తీసుకోవాలనుకున్నారు, కానీ అమ్మడు బాలయ్య సరసన అనే సరికి రెమ్యునిరేషన్ ను భారీ రేంజ్ లో డిమాండ్ చేయడం, ఆ తర్వాత అంజలిని అనుకున్నారు, కానీ అంజలి కంటే కొత్త అమ్మాయే బెటర్ అని ఫీల్ అయ్యారట మేకర్స్. అన్నట్టు ఈ సినిమా ఫుల్ యాక్షన్ అండ్ ఎమోషనల్ స్టోరీతో వస్తోన్నా.. సినిమాలో యాక్షన్ చాల సహజంగా ప్లాన్ చేస్తున్నారట.