YV Subba Reddy PA Appanna: టీటీడీ తాత్కాలిక ఉద్యోగి చిన్న అప్పన్న అరెస్టు ఇప్పుడు ఏపీలో హాట్ టాపిక్. ఆయన ఒక్కప్పటి వైవి సుబ్బారెడ్డి పిఎ. ఏసీబీ అరెస్టుతో పాటు వందల కోట్ల ఆస్తుల డాక్యుమెంట్స్ లభ్యం కావడం సర్వత్రా చర్చనీయాంశం అయింది. అసలు చిన్న అప్పన్న ఎవరో తనకు తెలియదు అన్నట్టు వ్యవహరిస్తున్నారు వైవి సుబ్బారెడ్డి. కానీ ఇప్పుడు ఒక తాత్కాలిక ఉద్యోగి ఖాతాల్లో నగదు, ఆయన పేరుతో వందల కోట్ల రూపాయల ఆస్తులు చూస్తుంటే ఆయన వెనుక ఉన్న పెద్ద తలకాయ ఎవరు అని ఇట్టే తెలిసిపోతుంది. టిటిడి నెయ్యి కుంభకోణానికి సంబంధించి చిన్న అప్పన్న పేరు తెరపైకి వచ్చింది. ఆయనకు నెయ్యి సరఫరా చేసే సంస్థల ప్రతినిధులకు మధ్య ఉత్తర ప్రత్యుత్తరాలు జరిగాయి. అలా చిన్న అప్పన్న తెరపైకి రాగా ఇప్పుడు ఏసీబీ ఆయనను అరెస్ట్ చేసింది.
* ఉత్తరాంధ్ర మొత్తం ఆయనదే..
వై వి సుబ్బారెడ్డి కేవలం టిటిడి అధ్యక్షుడి గానే ఉండలేదు. రాజ్యసభ సభ్యుడిగా, ఉత్తరాంధ్ర రీజినల్ కోఆర్డినేటర్ గా కూడా వ్యవహరించారు. స్వయానా జగన్మోహన్ రెడ్డి బాబాయి కావడంతో ఒక అధికార శక్తిగా మారారు. అప్పటివరకు ఉత్తరాంధ్ర రీజనల్ కోఆర్డినేటర్ గా ఉన్న విజయసాయిరెడ్డిని తోసేసి మరి ఆయన కోఆర్డినేటర్ పదవిని దక్కించుకున్నారు. ఆ సమయంలోనే ప్రభుత్వ భూముల కేటాయింపులు,, ల్యాండ్ సెటిల్మెంట్స్, ప్రైవేటు ఆస్తుల దురాక్రమణ వంటి వాటికి వత్తాసు పలికారు అన్న ఆరోపణలు ఉన్నాయి. విశాఖ నగరంలో ప్రైమ్ కార్నర్ లో ఆస్తులు, బీచ్ రోడ్డులో భూములు ఇలా అన్నింటినీ కొల్లగొట్టారు అన్న ఆరోపణలు అప్పట్లో వినిపించాయి. లోకల్ మీడియా సైతం దీనిపై పెద్ద ఎత్తున కథనాలను ప్రచురించింది.
* అంతా బినామీ పర్వం..
అయితే ఓ సాధారణ టీటీడీ తాత్కాలిక ఉద్యోగి ఇంతలా సంపాదన వెనుక.. అస్సలు లీగల్ కనిపించడం లేదు. పెద్ద ఎత్తున బినామీ పర్వం నడిచినట్లు స్పష్టం అవుతుంది. ఒక్క మాటలో చెప్పాలంటే చిన్న అప్పన్న ఆస్తులు ఆయనకు కూడా తెలియనంతగా బినామీగా మారిపోయినట్లు స్పష్టం అవుతోంది. కేవలం ఆయన ఒక్కరు మాత్రమే కాదు కుటుంబ సభ్యుల పేరుతో సైతం పెద్ద ఎత్తున ఆస్తులు వెలుగులోకి వచ్చాయి. చిన్న అప్పన్న ఆస్తులు వెనుక ఉన్నది వైవి సుబ్బారెడ్డి అని రాజకీయ వర్గాలు చెబుతున్నాయి. అయితే ఇప్పుడు చిన్న అప్పన్నను అరెస్టు చేయడమే కాదు.. ఈ అక్రమ సంపాదన వెనుక ఉన్న అసలు గుట్టును బయట పెట్టాల్సిన అవసరం ఉంది.
