Pithapuram Varma : పిఠాపురంలో( Pithapuram) వర్మకు చెక్ చెప్పాలని పవన్ భావిస్తున్నట్టు ఉన్నారు. ఇటీవల జరిగిన పరిణామాలతో పవన్ కళ్యాణ్ ఒకింత ఆందోళనతో ఉన్నట్లు తెలుస్తోంది. వర్మ ఇటీవల తన వల్లే పవన్ కళ్యాణ్ గెలిచారని అర్థం వచ్చేలా సోషల్ మీడియాలో ఒక పోస్ట్ పెట్టారు. అయితే ఆ పోస్టు తాను పెట్టింది కాదని.. తన సోషల్ మీడియా అకౌంట్స్ చూస్తే ఏజెన్సీ పెట్టిందని చెప్పుకొచ్చారు. అయితే పదవి కోసం బ్లాక్ మెయిల్ చేసేందుకే.. వర్మ అలా పోస్ట్ పెట్టారని అప్పట్లో ప్రచారం నడిచింది. అయితే ఈ వివాదం అంతటితో ముగిసి పోలేదని తెలుస్తోంది.
Also Read : జనసేనలోకి ఒకప్పటి పిఆర్పి మహిళా నేత!
* శాశ్వత నియోజకవర్గంగా మలుచుకోవాలని..
పిఠాపురం నియోజకవర్గాన్ని శాశ్వతంగా తనకోసం మలుచుకోవాలని పవన్ కళ్యాణ్( Pawan Kalyan) భావిస్తున్నారు. 2019 ఎన్నికల్లో రెండు చోట్ల ఓడిపోయారు పవన్ కళ్యాణ్. అటువంటి సమయంలో పిఠాపురం సేఫ్ జోన్ గా పవన్ కళ్యాణ్ కు కనిపించింది. అందుకే ఎన్నికలకు ముందు పిఠాపురం నియోజకవర్గాన్ని ఎంచుకున్నారు. అప్పటికే అక్కడ వర్మ పోటీ చేసేందుకు అన్ని ఏర్పాట్లు చేసుకుంటున్నారు. అయితే చంద్రబాబుతో చెప్పించి వర్మను సీటు త్యాగం చేసేలా చేశారు. అదే సమయంలో వర్మ రాజకీయ భవిష్యత్తు కోసం కీలక హామీలు కూడా ఇచ్చారు. అయితే కూటమి అధికారంలోకి వచ్చిన తరువాత తనను పట్టించుకోవడంలేదని వర్మ ఆగ్రహంతో ఉన్నారు. అందుకే ఇటీవల ఒక పోస్ట్ పెట్టారు. అది పవన్ కళ్యాణ్ వరకు వెళ్ళింది. వర్మపై ఎనలేని గౌరవంతో ఉన్న పవన్ పునరాలోచనకు రావాల్సి వచ్చింది.
* ఆ పరిస్థితి రాకుండా..
మున్ముందు వర్మ( Varma) బ్లాక్ మెయిల్ చేసి అవకాశం ఉండడంతో పవన్ కళ్యాణ్ వ్యూహం పన్నారు. అందులో భాగంగా వర్మ ప్రత్యర్థి, వైయస్సార్ కాంగ్రెస్ పార్టీకి చెందిన మాజీ ఎమ్మెల్యే దొరబాబును జనసేనలోకి రప్పించేందుకు ఏర్పాటు చేస్తున్నారు. 2019 ఎన్నికల్లో వర్మపై గెలిచారు దొరబాబు. ఈ ఎన్నికల్లో జగన్మోహన్ రెడ్డి దొరబాబును తప్పించి వంగా గీతను తెరపైకి తెచ్చారు. ఆమెతో పవన్ కళ్యాణ్ పై పోటీ చేయించారు. అప్పటినుంచి పార్టీపై అసంతృప్తితో ఉన్నారు దొరబాబు. ఇప్పుడు మారిన వర్మ వైఖరితో దొరబాబును దగ్గర చేసుకునే పనిలో పడ్డారు పవన్. జనసేన ఆవిర్భావ సభలో దొరబాబు జనసేనలో చేరుతారు. అదే జరిగితే వర్మకు షాక్ తగిలినట్లే. పిఠాపురం ను శాశ్వతంగా తన సొంతం చేసేందుకు పవన్ వ్యూహం మార్చినట్లు తెలుస్తోంది.
Also Read : జగన్ ప్రతిపక్ష హోదా.. స్పీకర్ అయ్యన్న సంచలన ప్రకటన!
