Lambasinghi : దక్షిణ భారతదేశంలో మంచు కురిసే ఏకైక ప్రాంతం ఇదే.. మన ఆంధ్ర అందాలు చూడండి

Lambasinghi : శీతాకాలంలో చలి తీవ్రత అధికంగా ఉంటుంది. ముఖ్యంగా ఉత్తరాది రాష్ట్రాల్లో చలి పంజా విసురుతుంది. అక్కడ విపరీతమైన మంచు కురుస్తుంది. కానీ దక్షిణాది రాష్ట్రాల్లో మాత్రం చలి ఉంటుంది. పొగ మంచు ఎక్కువగా కురుస్తుంది. కానీ ఓ ప్రాంతంలో మాత్రం అచ్చం కాశ్మీర్ మాదిరిగానే  మంచు వర్షం కురుస్తుంది. అదే లంబసింగి. ఉమ్మడి విశాఖ జిల్లాలో మన్య ప్రాంతంలో ఉంటుంది ఈ ప్రదేశం. అల్లూరి సీతారామరాజు జిల్లా చింతపల్లి మండలంలో లంబసింగి ఉంది. చలికాలంలో ఇక్కడ మంచు విపరీతంగా కురుస్తుంది. దక్షిణ భారతదేశంలో మంచు పడే ఏకైక ప్రాంతం కూడా ఇదే. అందుకే లంబసింగిని ఏపీ కాశ్మీర్ గా వర్ణిస్తారు. శీతాకాలం వచ్చిందంటే చాలు లంబసింగిలో పగటి ఉష్ణోగ్రతలు తగ్గుముఖం పడతాయి. రాత్రి ఉష్ణోగ్రతలు అయితే అమాంతం పడిపోతాయి.అయితే ఈ ప్రాంతం ప్రకృతి ప్రసాదించిన వరం.అందుకే పర్యాటకుల నిత్య తాకిడితో ఉంటుంది ఈ ప్రాంతం.