Chandrababu Naidu: చంద్రబాబు నాయుడు సందర్భానికి తగ్గట్టుగా మాట్లాడుతారు. ఎక్కడ కూడా నోరు జారరు. అడ్డగోలుగా మాట్లాడరు. రాజకీయాలను రాజకీయాల మాదిరిగానే చూస్తుంటారు. వ్యక్తిగత విషయాలను కూడా సున్నితత్వాన్ని ప్రదర్శిస్తూ ఉంటారు. అందువల్లే ఆయనను స్టేట్స్ మెన్ అని పిలుస్తుంటారు.
చంద్రబాబు ఇటీవల కాలంలో తన ధోరణి పూర్తిగా మార్చుకున్నారు. వాస్తవానికి ఒక ముఖ్యమంత్రిగా కంటే కూడా ఆయన ఒక రాష్ట్రానికి సీఈఓగా పనిచేస్తుంటారు అనే చర్చ పొలిటికల్ వర్గాల్లో.. మీడియా వర్గాల్లో సాగుతూ ఉంటుంది. అయితే ఇప్పుడు చంద్రబాబు 2024లో ముఖ్యమంత్రి అయిన తర్వాత తన ధోరణి పూర్తిగా మార్చుకున్నారు. తన మీద ఉన్న అపప్రదను తొలగించుకునే ప్రయత్నం చేస్తున్నారు. ప్రజలతో మరింతగా మమేకమవుతున్నారు. వారి కష్టసుఖాలను తెలుసుకుంటున్నారు. కొన్ని సందర్భాలలో వారి ఇంట్లో వండిన వంటను తింటున్నారు.
ఒకరకంగా నారా చంద్రబాబు నాయుడు ప్రజలకు మరింతగా కనెక్ట్ అవుతున్నారు. అయితే అప్పుడప్పుడు ప్రతిపక్ష హోదా కూడా దక్కించుకోలేని వైసిపికి దిమ్మ తిరిగే విధంగా సమాధానం చెప్తున్నారు. అలాగని నోరు జారడం లేదు. అడ్డగోలుగా మాట్లాడటం లేదు. గొడ్డలి భాష ఉపయోగించడం లేదు. నరక్కుంటూ పోతాం.. కోసుకుంటూ వస్తాం అని నేలబారు భాష ఉపయోగించడం లేదు. తన విధానంలోనే చంద్రబాబు మాట్లాడుతున్నారు. ప్రతిపక్ష హోదా కూడా దక్కించుకోలేని వైసిపికి కౌంటర్ కు కూడా అవకాశం కూడా చంద్రబాబు అవకాశం ఇవ్వడం లేదు.
ప్రొద్దుటూరులో జరిగిన జలధార శంకుస్థాపన కార్యక్రమంలో చంద్రబాబు వైసీపీకి ప్రతిపక్ష హోదా గురించి మరోసారి క్లారిటీ ఇచ్చారు. ప్రజా సమస్యల మీద అసెంబ్లీకి వస్తే మాట్లాడుకుందామని చంద్రబాబు చెప్పారు. ప్రతిపక్ష హోదా కావాలని వైసిపి నేతలు అంటున్నారని.. అది తాను ఇచ్చేది కాదని చంద్రబాబు క్లారిటీ ఇచ్చారు. ప్రతిపక్ష హోదాను ప్రజలు ఇస్తారని క్లారిటీ ఇచ్చారు. 10 శాతం సీట్లు గెలిస్తే ప్రతిపక్ష హోదా వస్తుందని చంద్రబాబు మరోసారి గుర్తు చేశారు. 2019లో తాము 23 స్థానాలు గెలిస్తే తీవ్రంగా ఇబ్బంది పెట్టారని.. ఐదుగురు ఎమ్మెల్యేలను లాగేసుకుంటే ప్రతిపక్ష హోదా కూడా ఉండదని ఎగతాళి చేశారని.. ఇప్పుడు వైసీపీ నాయకులు ప్రతిపక్ష హోదా అడుగుతున్నారని చంద్రబాబు నాయుడు ప్రశ్నించారు..
ప్రజా సమస్యల మీద పోరాడే దమ్ము లేనప్పుడు ప్రతిపక్ష హోదా ఎందుకని చంద్రబాబు ప్రశ్నించారు. అసెంబ్లీకి రాని వాళ్లకు ప్రతిపక్ష హోదా ఇచ్చి.. రాజ్యాంగ విలువలను ఎందుకు తుంగలో తొక్కాలని చంద్రబాబు ప్రశ్నించారు. ప్రజల నమ్మకం కోల్పోయినప్పుడు.. ప్రజల విశ్వాసం కోల్పోయినప్పుడు ప్రతిపక్ష హోదా ఎలా వస్తుందని వైసిపి నేతలను ఉద్దేశించి విమర్శించారు.. కాకపోతే ఆయన విలువలతోనే మాట్లాడారు. తన లైన్లోనే ప్రసంగించారు. పరిధి దాటలేదు. మైక్ ఉంది కదా అని అడ్డగోలుగా మాట్లాడలేదు.. మొత్తానికి లెక్కల ద్వారా.. వైసీపీ నేతలకు జ్ఞానోదయం కలిగించారు. ఒక ముక్కలో చెప్పాలంటే ప్రొద్దుటూరు జలధార శంకుస్థాపన సభలో వైసిపికి ర్యాగింగ్ అంటే ఎలా ఉంటుందో చూపించారు.
‘జల్ జీవన్ మిషన్ 2.0 – అమరజీవి జలధార’ పనులు ప్రారంభించిన ముఖ్యమంత్రి శ్రీ నారా చంద్రబాబు నాయుడు గారు, ఉపముఖ్యమంత్రి శ్రీ పవన్ కళ్యాణ్ గారు @ప్రొద్దుటూరు https://t.co/J1vPEBO1rh
— Telugu Desam Party (@JaiTDP) October 5, 2026
