Alla Nani: కుక్కలకు దూర దృష్టి ఎక్కువ అంటారు. అవి అతి చిన్న శబ్దాలు కూడా వింటాయి అంటారు. పైగా ఏవైనా ఆతీంద్రియ శక్తులు కనిపిస్తే వెంటనే స్పందిస్తాయి అంటారు. ఇవన్నీ నిజమే.. చివరికి ఒక మనిషి చనిపోయేది కుక్కలకు తెలుస్తుందా.. మనుషులు అనారోగ్యంతో కుప్పకూలిపోతే ముందుగానే కుక్కలు అంచనా వేయగలుగుతాయా.. ఆళ్ల నాని మృతి విషయంలో కూడా ఇప్పుడు ఇదే జరిగింది.. ఇంతకీ ఆళ్ల నాని అనారోగ్యానికి గురైన తీరు పెంపుడు కుక్కకు ఎలా తెలిసింది. ఆ కుక్క ఎలా స్పందించింది.. ఆ తర్వాత ఏం జరిగింది.. ఈ కథనంలో తెలుసుకుందాం.
ఆంధ్రప్రదేశ్ మాజీ ఉప ముఖ్యమంత్రి.. సీనియర్ రాజకీయ నాయకుడు ఆళ్ల కాళీ క్రిష్ణ శ్రీనివాస్ అలియాస్ ఆళ్ల నాని గుండెపోటుతో మంగళవారం విశాఖపట్నంలో కన్నుమూశారు. ఆయన వయసు 56 సంవత్సరాలు. మంగళవారం ఉదయం ఆయన అస్వస్థతకు గురయ్యారు. కుటుంబ సభ్యులు ఆయనను ఆసుపత్రికి తరలిస్తుండగా మార్గమధ్యంలోనే చనిపోయారు. ఆయన పార్థివ దేహాన్ని విశాఖపట్నం నుంచి సొంత నియోజకవర్గమైన ఏలూరు నగరానికి తరలించారు. నాని మృతి పట్ల ముఖ్యమంత్రి చంద్రబాబు నాయుడు.. డిప్యూటీ సీఎం పవన్ కళ్యాణ్. మాజీ ముఖ్యమంత్రి వైయస్ జగన్మోహన్ రెడ్డి.. దిగ్భ్రాంతి వ్యక్తం చేశారు. కుటుంబానికి సానుభూతి తెలిపారు.
రాజకీయ ప్రస్థానం సినిమాకు మించి
ఆళ్ల నాని రాజకీయ ప్రస్థానం సినిమాకు మించి ఉంటుంది. 1994లో కాంగ్రెస్ ద్వారా ఆయన రాజకీయాల్లోకి వచ్చారు. ఆ తర్వాత టిడిపి అభ్యర్థి అంబిక కృష్ణ పై గెలిచారు. 2004లో తొలిసారి ఏలూరు ఎమ్మెల్యేగా విజయం సాధించారు. 2009లో కూడా ఇదే నియోజకవర్గం నుంచి కాంగ్రెస్ తరపున రెండవసారి ఎమ్మెల్యేగా విజయం సాధించారు. 2013లో కాంగ్రెస్ పార్టీకి రాజీనామా చేసి వైసీపీలో చేరారు. 2017లో ఎమ్మెల్సీగా ఎన్నికయ్యారు. 2019 అసెంబ్లీ ఎన్నికల్లో ఏలూరు నియోజకవర్గం నుంచి ఎమ్మెల్యేగా గెలిచి, హ్యాట్రిక్ సాధించారు. వైయస్ మంత్రివర్గంలో డిప్యూటీ సీఎం గా, వైద్య ఆరోగ్య శాఖ మంత్రిగా పనిచేశారు. కోవిడ్ 19 సమయంలో వైద్య శాఖను ఈయన పర్యవేక్షించారు. 2024 అసెంబ్లీ ఎన్నికల తర్వాత ఆయన ఓటమి చెందారు. అనంతరం 2024 ఆగస్టు నెలలో వైసిపికి, రాజకీయాలకు రాజీనామా ప్రకటించారు. ఆ తర్వాత ఆయన తన నిర్ణయాన్ని మార్చుకున్నారు. గత ఏడాది ఫిబ్రవరి 13న టిడిపిలో చేరారు. నానికి భార్య, ఇద్దరు కుమారులు . మూడు దశాబ్దాల పాటు ఏలూరు రాజకీయాలలో ఆయన చెరగని ముద్ర వేశారు. ఆయన మరణాన్ని అనుచరులు తట్టుకోలేకపోతున్నారు.
ముందుగానే పసిగట్టింది
నాని మృతిని పెంపుడు కుక్క ముందుగానే పసిగట్టింది. ఆళ్ల నాని ఉదయం ఉన్నట్టుండి సోఫాలో పడిపోయారు. దీంతో పెంపుడు కుక్క అందరికంటే ముందుగానే గుర్తించింది. కుక్క గట్టిగా అరవడంతో కుటుంబ సభ్యులు అప్రమత్తమయ్యారు. వెంటనే నానిని పరిశీలించారు వాచ్మెన్ కు సమాచారాన్ని ఇచ్చి ఆసుపత్రి తరలించారు. అయితే ఆస్పత్రి తరలిస్తుండగా అప్పటికే ఆయన చనిపోయినట్టు వైద్యులు గుర్తించారు. నాని మృతదేహం పక్కన పెంపుడు కుక్క కూర్చొని ఉండడం అందరిని ఆవేదనకు గురి చేయించింది. నాని మృతదేహం పక్కన కుక్కని చూసి చాలామంది కన్నీరు పెట్టారు.
ఆళ్ల నాని భౌతికకాయం ఏలూరుకు తరలింపు!
–> విశాఖపట్నం మురళీనగర్ నుంచి ఆయన సొంత ఊరు ఏలూరుకు భౌతికకాయాన్ని తీసుకువెళ్లారు.
–> ప్రజలు, కుటుంబ సభ్యులు, బంధువుల సందర్శనార్థం రాత్రంతా భౌతికకాయాన్ని ఏలూరులో ఉంచనున్నారు.
–> బుధవారం ఉదయం ప్రభుత్వ లాంఛనాలతో అంత్యక్రియలు నిర్వహించేందుకు… https://t.co/iomFSWc1Jo pic.twitter.com/LuUtBX9wLQ
— RTV (@RTVnewsnetwork) September 15, 2026
మాజీ మంత్రి ఆళ్ల నాని మృతిని ముందుగానే పసిగట్టిన పెంపుడు కుక్క!
–> ఆళ్ల నాని సోఫాలో పడిపోయి ఉండటాన్ని కుటుంబ సభ్యుల కంటే ముందే పెంపుడు కుక్క గుర్తించినట్లు వెల్లడి.
–> కుక్క గట్టిగా అరవడంతో అప్రమత్తమైన కుటుంబ సభ్యులు నానిని పరిశీలించారు.
–> వెంటనే బంధువులు, వాచ్మెన్కు… https://t.co/9inTyUdmlx pic.twitter.com/896DnfUOSz
— RTV (@RTVnewsnetwork) September 15, 2026
