American Air Strike on Syria
American Air Strike on Syria : సిరియాలో అమెరికా డజన్ల కొద్దీ వైమానిక దాడులు నిర్వహించింది. ఇస్లామిక్ తిరుగుబాటుదారులు బషర్ అల్-అస్సాద్ పాలనను పడగొట్టి రాజధాని డమాస్కస్‌ను తమ ఆధీనంలోకి తీసుకున్న అదే రోజున అమెరికా సిరియాలో భీకర వైమానిక దాడి చేసింది. ఆదివారం (డిసెంబర్ 8) బషర్ అల్-అస్సాద్ తన కుటుంబంతో కలిసి దేశం వదిలి రష్యా రాజధాని మాస్కోకు పారిపోయాడు. డమాస్కస్‌ను తిరుగుబాటుదారులు స్వాధీనం చేసుకున్న తర్వాత, సిరియాలో ఐదు దశాబ్దాల అసద్ కుటుంబ పాలన ముగిసింది. ఈ సంఘటన తర్వాత, సెంట్రల్ సిరియాలో 75 వైమానిక దాడులు నిర్వహించినట్లు అమెరికన్ ఆర్మీ ఒక ప్రకటన విడుదల చేసింది.
సిరియాలోని ఐసిస్ లక్ష్యాలపై అమెరికా డజన్ల కొద్దీ వైమానిక దాడులు చేసిందని అమెరికా స్టేట్ మినిస్ట్రీ తన ప్రకటనలో తెలిపింది. అమెరికా వైమానిక దళం B-52 స్ట్రాటోఫోర్రెస్ బాంబర్లు, F-15E స్ట్రైక్ ఈగల్స్, A-10 థండర్ బోల్ట్ II ఫైటర్ జెట్‌లు మధ్య సిరియాలోని ఇస్లామిక్ స్టేట్ నాయకులు, ఫైటర్లు, శిబిరాలపై డజన్ల కొద్దీ వైమానిక దాడులు నిర్వహించాయి. అమెరికా సైన్యం తన భీకర వైమానిక దాడిలో ఉగ్రవాద సంస్థ ఐఎస్ఐఎస్ స్థావరాలను లక్ష్యంగా చేసుకుంది. గతంలో సిరియాలో ఐఎస్‌ఐఎస్‌కు బలమైన కేంద్రం ఉండేది. సిరియాలోని ప్రధాన తిరుగుబాటు గ్రూపు హయత్ తహ్రీర్ అల్-షామ్ (HTS) చీఫ్ అబూ మొహమ్మద్ అల్-జోలానీ కూడా ఐఎస్ఐఎస్ తో సంబంధం కలిగి ఉన్నారు. అయితే, హయత్ తహ్రీర్ అల్-షామ్ (HTS) తర్వాత ఐఎస్ఐఎస్ నుండి విడిపోయింది. దానికి వ్యతిరేకంగా ప్రచారాన్ని కూడా ప్రారంభించింది.
డిసెంబర్ 8 (ఆదివారం), సెంట్రల్ సిరియాలోని ఐఎస్ఐఎస్ స్థానాలు, ఉగ్రవాదులను లక్ష్యంగా చేసుకుని డజన్ల కొద్దీ వైమానిక దాడులు నిర్వహించినట్లు అమెరికా సెంట్రల్ కమాండ్ అధికారిక ప్రకటన విడుదల చేసింది. ఉగ్రవాద గ్రూపు బాహ్య కార్యకలాపాలకు పాల్పడకుండా నిరోధించే లక్ష్యంలో భాగంగానే అమెరికా ఈ దాడికి పాల్పడిందని ఆ ప్రకటన పేర్కొంది. యుఎస్ సెంట్రల్ కమాండ్ (సెంట్‌కామ్) సీనియర్ అధికారి ఒకరు మాట్లాడుతూ ఈ విమానం తీవ్రవాద గ్రూపుకు చెందిన 75 కంటే ఎక్కువ లక్ష్యాలను ఛేదించిందని తెలిపారు. అసద్ ప్రభుత్వం పతనం తర్వాత సిరియాలో నెలకొన్న అశాంతిని దృష్టిలో ఉంచుకుని ఐఎస్ఐఎస్ ఈ దాడులకు పాల్పడిందని అమెరికా పేర్కొంది. మరోవైపు సిరియాలో కూడా ఇజ్రాయెల్ దాడులు చేస్తోంది.
JUST IN – U.S. launches strikes in Syria after Trump warned America should not get involved in Middle East conflict.@disclosetv pic.twitter.com/63yfSpvTzo
— jamiemcintyre (@jamiemcintyre21) December 9, 2024
అస్సాద్ పతనం తర్వాత ఇజ్రాయెల్ రక్షణ దళాలు తమ బలగాలను బఫర్ జోన్‌లో మోహరించి, ఆక్రమిత గోలన్ హైట్స్‌లో తమ స్థానాన్ని బలోపేతం చేసుకున్నాయి. సిరియాలోని ఈ ప్రాంతాన్ని తాత్కాలికంగా స్వాధీనం చేసుకున్నట్లు ఇజ్రాయెల్ అధికారులు తెలిపారు. గత కొన్ని గంటల్లో, ఇజ్రాయెల్ వైమానిక దళం సిరియాలోని 100 కంటే ఎక్కువ లక్ష్యాలపై దాడి చేసింది. ఇజ్రాయెల్ అధికారులు ఆ సైనిక స్థావరాలపై దాడి చేస్తున్నారని, వారు తీవ్రవాదుల చేతిలో పడితే, ఇజ్రాయెల్ భద్రతకు ముప్పు వాటిల్లుతుందని చెప్పారు.
