Modi Targets Turkey: ఉగ్రవాదాన్ని పెంచి పోషిస్తున్న పాకిస్తాన్ను పహల్గాం దాడి తర్వాత భారత్ పూర్తిగా టార్గెట్ చేసింది. ఆపరేషన్ సిందూర్ సమయంలో పాకిస్తాన్కు డ్రోన్లు అందించిన నీతిలేని టక్కీని కూడా ఇప్పుడు మోదీ లక్ష్యంగా చేసుకున్నారు. రాజకీయ, భౌగోళిక వ్యూహాలతో రెండు దేశాలను దెబ్బతీసే పని పెట్టుకున్నారు. ఆపరేషన్ సిందూర్ ద్వారా పాకిస్తాన్పై సైనిక ఒత్తిడి, ఆఫ్ఘనిస్తాన్తో దౌత్య సంబంధాల బలోపేతం, సైప్రస్, గ్రీస్, ఆర్మేనియాలతో సైనిక–ఆర్థిక సహకారం ద్వారా టర్కీ యొక్క ప్రాంతీయ ప్రభావాన్ని తగ్గించే ప్రయత్నాలు ఈ వ్యూహంలో భాగం.
పాకిస్తాన్కు ఎదురుదెబ్బ
ఆపరేషన్ సిందూర్ భారత్ యొక్క సైనిక సామర్థ్యాన్ని ప్రపంచానికి చాటింది. ఈ ఆపరేషన్ ద్వారా పాకిస్తాన్ ఆక్రమిత కాశ్మీర్లోని ఉగ్రవాద శిబిరాలను ధ్వంసం చేయడం ద్వారా భారత్, పాకిస్తాన్ సైనిక స్థావరాలకు తీవ్ర నష్టం కలిగించింది. దీని ఫలితంగా, ఆర్థిక ఇబ్బందుల్లో ఉన్న పాకిస్తాన్ ఇప్పుడు ఉగ్రవాదులను పెంచి పోషించే గ్రే లిస్ట్లోకి వెళ్లే ప్రమాదం ఏర్పడింది. అంతేకాక, చైనా నుండి సైనిక సహకారం తగ్గడం, అమెరికా నుండి రాయితీలు పొందేందుకు పాకిస్తాన్ చేస్తున్న ప్రయత్నాలు విఫలమవుతున్నాయి, ఇది దాని బలహీనతను సూచిస్తుంది.
Also Read: చైనా టర్కీలకు మరో గట్టి షాక్ ఇచ్చిన భారత్
ఆఫ్ఘనిస్తాన్తో దౌత్య సంబంధాలు..
భారత్ ఆఫ్ఘనిస్తాన్తో దౌత్య సంబంధాలను బలోపేతం చేస్తోంది, ఇది పాకిస్తాన్కు పెద్ద సవాలుగా మారింది. 2022లో కాబూల్లో రాయబార కార్యాలయం ఏర్పాటు, 2024లో జైశంకర్ ఆఫ్ఘన్ విదేశాంగ మంత్రితో జరిపిన చర్చలు ఈ సంబంధాల బలోపేతాన్ని సూచిస్తున్నాయి. తాలిబాన్ వ్యతిరేక ఓటింగ్లో భారత్ దూరంగా ఉండటం ద్వారా, సమతుల్య దౌత్య విధానాన్ని కొనసాగిస్తూ, ఆఫ్ఘనిస్తాన్లో స్థిరత్వాన్ని ప్రోత్సహిస్తోంది. ఇది పాకిస్తాన్ ప్రాంతీయ ప్రభావాన్ని మరింత బలహీనపరుస్తుంది.
టర్కీపై ఒత్తిడి..
పాకిస్తాన్కు సహకారం అందించిన టర్కీని కూడా మోదీ టార్గెట్ చేశారు. ఇందులో భాగంగా మోదీ ఇటీవల టర్కీ సమీపంలోని సైప్రస్ను సందర్శించారు. ఇది టర్కీకి ఒక స్పష్టమైన సంకేతం. సైప్రస్కు బ్రహ్మోస్ క్షిపణులు, ఆర్మేనియాకు పినాకి రాకెట్ లాంచర్ల సరఫరా ద్వారా భారత్, టర్కీ వ్యతిరేక దేశాలతో సైనిక సహకారాన్ని పెంచుతోంది. గ్రీస్ అధ్యక్షుడి భారత్ సందర్శన కూడా ఈ దిశలో ఒక ముందడుగు, ఇది టర్కీ యొక్క సముద్ర ఆధిపత్యాన్ని సవాలు చేస్తుంది.
Also Read: యుద్ధం చేయకుండానే చనిపోతున్నారు.. ఆందోళన కలిగిస్తున్న యువ పైలట్ల దుర్మరణం!
ఆర్థిక కారిడార్తో టర్కీ ఒంటరి..
ఇండియా–మిడిల్ ఈస్ట్–యూరప్ ఎకనామిక్ కారిడార్ టర్కీని దాటవేస్తూ, సైప్రస్ ద్వారా భారత్ను యూరప్తో సన్నిహితం చేస్తోంది. ఇది టర్కీ ఆర్థిక, వాణిజ్య ప్రాముఖ్యతను తగ్గిస్తుంది, దీనివల్ల పాకిస్తాన్కు టర్కీ సహకారం కూడా తగ్గే అవకాశం ఉంది.
టర్కీ–పాకిస్తాన్ సంబంధాలపై ప్రభావం
టర్కీ సైనిక మద్దతు (డ్రోన్లు, యుద్ధనౌకలు) పాకిస్తాన్ యుద్ధ సామర్థ్యాన్ని పెంచినప్పటికీ, భారత్ యొక్క దౌత్య, సైనిక చర్యలు ఈ సహకారాన్ని బలహీనపరుస్తున్నాయి. కాశ్మీర్ అంశంపై టర్కీ యొక్క మద్దతు ఉన్నప్పటికీ, భారత్ యొక్క సైప్రస్, గ్రీస్, ఆర్మేనియా సహకారం టర్కీని ఒంటరిగా చేస్తోంది. టర్కీ బలహీనపడితే, పాకిస్తాన్ కూడా సైనికంగా బలహీనమవుతుంది.
