Iran Currency: అమెరికా డాలర్తో పోలిస్తే మన రూపాయి విలువ పడిపోవడం ఆందోళన కలిగిస్తోంది. ఇప్పటికే డాలర్ విలువ రూ.85 దాటింది. దీంతో ప్రభుత్వం రూపాయి పతనాన్ని అడ్డుకునేందుకు బంగారంపై పెట్టుబడులు పెడుతోంది. ఇక మన రూపాయికన్నా తాలిబాన్ కరెన్సీ బలమైనది. అయితే స్థిరమైనది కాదు. అయితే మన రూపాయికన్నా చాలా తక్కువ విలువైన కరెన్సీ కూడా ప్రపంచంలో ఉంది. అదే ఇరాన్ కరెన్సీ. మన రూ.10 వేలు.. ఇరాన్లో కోట్ల విలువ చేస్తుంది. అంత భారీ మార్పిడి వ్యత్యాసం ప్రపంచంలో చాలా కొద్దిమందికి మాత్రమే తెలిసిన నిజం. ప్రస్తుతం మన రూపాయి విలువ 478 ఇరానియన్ రియాల్లకు సమానం. అంటే మన దేశంలో రూ.10 వేలు ఇరాన్లో దాదాపు 47.8 లక్షల రియాల్ అవుతుంది.
Also Read: రవితేజ వల్లే మా తమ్ముడు కార్తీ కెరియర్ నిలబడింది : సూర్య…
బలహీనమైన కరెన్సీ..
ఇరాన్ కరెన్సీని ఇరానియన్ రియాల్గా పిలుస్తారు. ఒకప్పుడు ప్రాధాన్యం కలిగిన ఈ కరెన్సీ, ప్రస్తుతం ప్రపంచంలోని అత్యంత బలహీన కరెన్సీల్లో ఒకటిగా మారిపోయింది. అంతర్జాతీయ ఆర్థిక ఆంక్షలు, ఆర్థిక అస్తవ్యస్తత, పరిపాలనా లోపాలు ఇరాన్ కరెన్సీని తీవ్రంగా దెబ్బతీశాయి. పశ్చిమ దేశాలు, ముఖ్యంగా అమెరికా విధించిన ఆంక్షల కారణంగా ఇరానియన్ బ్యాంకింగ్ వ్యవస్థ తీవ్రంగా దెబ్బతింది. అంతర్జాతీయ లావాదేవీలు కష్టమవడంతో విదేశీ పెట్టుబడులు తగ్గిపోయాయి.
అణు కార్యక్రమంతో ఆర్థిక దెబ్బ
ఇరాన్ పరమాణు కార్యక్రమంపై అసంతృప్తితో అమెరికా, యూరోపియన్ యూనియన్, ఐఎంఎఫ్ సంస్థలు అనేక ఆంక్షలు విధించాయి. ఆంక్షలతో చమురు ఎగుమతులు తగ్గడం, విదేశీ పెట్టుబడులు నిలిచిపోవడం, డాలర్ కొరత ఏర్పడటంతో కరెన్సీ విలువ కుప్పకూలింది. ఒకానొక సమయంలో విలువైన ఇరానియన్ రియాల్, ఇప్పుడు అంతర్జాతీయ మార్కెట్లో దాదాపు విలువ కోల్పోయిన కరెన్సీగా మారిపోయింది.
మారిన నగదు చలామణి
ఆర్థిక సంక్షోభం మధ్య ఇరాన్ ప్రజలు రోజువారీ జీవనంలో రియాల్ బదులుగా ‘టోమన్‘ అనే స్థానిక మౌలిక యూనిట్ ఉపయోగిస్తున్నారు. ఒక టోమన్ = 10 రియాల్లకు సమానం. దీనివల్ల లావాదేవీలు కొంత సులభతరం అయినా, కరెన్సీ విలువ పతనం కొనసాగుతూనే ఉంది. వీసా, మాస్టర్కార్డ్ వంటి అంతర్జాతీయ చెల్లింపు వ్యవస్థలు ఇరాన్లో నిలిపివేయబడ్డాయి. అందువల్ల విదేశీయులు నగదు మార్పిడి కోసం యూఎస్ డాలర్లు, యూరోలు లేదా భారతీయ రూపాయిపై ఆధారపడాల్సి వస్తుంది.
ఆర్థిక ఒత్తిడిలోనూ నిలబడ్డ ఇరాన్
అమెరికా ఆంక్షలు ఉన్నా, ఇరాన్ తన చమురు ఎగుమతులు, అంతర్గత వ్యాపారాన్ని కొనసాగిస్తోంది. ఆంక్షలతో కరెన్సీ బలహీనపడినా, స్థానిక ప్రజలు తమ రోజువారీ జీవనాన్ని కొనసాగించే మార్గాలు కనుగొంటున్నారు. అయితే నియంత్రణల మధ్య ఇరాన్ అంతర్జాతీయ మార్కెట్లో పూర్తిస్థాయిలో తిరిగి నిలబడాలంటే ఆర్థిక సంస్కరణలు, పరిపాలనా పారదర్శకత తప్పనిసరిగా కావాలి.
10 వేల భారతీయ రూపాయి ఇరాన్లో మిలియన్ల విలువను చేరుకోవడం ఆశ్చర్యకరం అయినప్పటికీ, ఇది దేశ ఆర్థిక బలహీనతను సూచించే చిత్రణ. కరెన్సీ విలువ కేవలం మారకపు నాణ్యతకే కాదు, దేశ ఆర్థిక నిర్మాణం, పాలన, అంతర్జాతీయ నమ్మకంపైనే ఆధారపడి ఉంటుంది.
