India – Russia : రష్యా నుంచి 400 ఎన్-40 ఇంటర్ సెప్టర్ క్షిపణుల కొనుగోలు చేసిన భారత్.. వీటి రేంజ్ ఎంతంటే?

India – Russia : భారత డిఫెన్స్ ను మరింత పటిష్టం చేసేందుకు రష్యా ఇంటర్ సెఫ్టర్ క్షిఫణులను ఇవ్వనుంది. దీనికి సంబంధించి ఒప్పందాలు గతంలో పూర్తవగా.. ఇవి భారత్ కు వీచ్చేశాయి. S-400 పేరుతో దిగుమతి చేసుకున్న భారత్ వీటికి ‘సుదర్శన చక్ర’ అనే పేరును పెట్టింది. ప్రస్తుతం ఇవి రష్యా బార్డర్ లో ఉన్నాయి. 120 లాంగ్ రేంజ్ ఇంటర్ సెప్టర్ క్షిపణులను అందించాలని రష్యాను భారత్ కోరింది. ఈ క్షిపణులను ఉపరితలం నుంచి సంధించవచ్చు. ప్రధాని మోడీ మాస్కో పర్యటన అనంతరం రష్యా ఈ నిర్ణయం తీసుకుంది. ఈ క్షిపణులను భారత్ సమీపంలోని రష్యా గగనతల రక్షణ వ్యవస్థ ఎస్ -400 ట్రయంఫ్ లో అమర్చనున్నారు. ఇప్పుడు దానికి సుదర్శన చక్రగా నామకరణం చేశారు. మరో 120 ఇంటర్ సెప్టర్ క్షిపణులు వస్తే పాక్, చైనాలను ఎదుర్కోవడం భారత్ కు మరింత సులువుగా మారుతుంది. సుదర్శన చక్ర గగనతల రక్షణ వ్యవస్థలో 40 ఎన్-6 ఇంటర్ సెప్టర్ క్షిపణులు ఉంటాయి. ఈ క్షిపణులు ఎలాంటి వైమానిక దాడినైనా ఎదుర్కోగలవు. ఇవి తక్కువ ఎత్తులో ఎగిరే లక్ష్యాలను లక్ష్యంగా చేసుకుంటాయి. హెలీ కాప్టర్లు, డ్రోన్లు వంటివి.. లేదా యుద్ధ విమానాలు. ఐఏఎఫ్ కు చెందిన ఏడబ్ల్యూఏసీఎస్ విమానాలు, వ్యవస్థలతో అనుసంధానం చేశారు. వీటి ద్వారా వారి రాడార్ లో శత్రువు కనిపించినప్పుడల్లా సుదర్శన చక్రం ఆటోమేటిక్ గా యాక్టివేట్ అవుతుంది. అవసరమైనప్పుడు దాడి చేయవచ్చు.

పాక్ ఎఫ్-16 యుద్ధవిమానాన్ని ధ్వంసం చేయగలదు.
సుదర్శన్ చక్రలో అమర్చిన 40 ఎన్-6 క్షిపణులు, వైమానిక దళానికి చెందిన రాఫెల్, సుఖోయ్-30 ఎంకేఐ యుద్ధ విమానాలు కలిసి పాక్ మొత్తం ఎఫ్-16 విమానాలను నాశనం చేయగలవని రక్షణ నిపుణులు భావిస్తున్నారు. దీని పరిధి 380 కిలో మీటర్లు. దీనివల్ల భారత గగనతల రక్షణ వ్యవస్థ మరింత బలోపేతం కానుంది.

ఒకేసారి 72 క్షిపణులను..
ఎస్-400 ఒకేసారి 72 క్షిపణులను ప్రయోగించగలదు. ముఖ్యమైన విషయం ఏమిటంటే, ఈ ఎయిర్ డిఫెన్స్ సిస్టమ్ ను తరలించడం సులభం. ఎందుకంటే దీనిని 8X8 ట్రక్కులో అమర్చవచ్చు. ఎస్-400ను నాటో ఎస్ఏ-21 గ్రోలర్ లాంగ్ రేంజ్ డిఫెన్స్ మిస్సైల్ సిస్టమ్ అని కూడా పిలుస్తుంది. మైనస్ 50 డిగ్రీల నుంచి మైనస్ 70 డిగ్రీల ఉష్ణోగ్రతల్లో పనిచేసే ఈ క్షిపణిని నాశనం చేయడం శత్రువుకు చాలా కష్టం. ఎందుకంటే దానికి స్థిరమైన స్థానం లేదు. అందువల్ల, దీనిని సులభంగా గుర్తించలేరు.

ఎస్-400 క్షిపణి వ్యవస్థలో 40, 100, 200, 400 కిలో మీటర్ల పరిధి గల నాలుగు రకాల క్షిపణులు ఉన్నాయి. 100 నుండి 40 వేల అడుగుల ఎత్తు వరకు ఎగిరే ప్రతి లక్ష్యాన్ని గుర్తించి నాశనం చేయగలదు. ఎస్ -400 క్షిపణి వ్యవస్థ (ఎస్ -400 ఎయిర్ డిఫెన్స్ మిస్సైల్ సిస్టమ్ ) రాడార్ చాలా అధునాతనమైనది, శక్తివంతమైనది.

600 కిలో మీటర్ల పరిధిలో 300 లక్ష్యాలను ఛేదించగల సామర్థ్యం
దీని రాడార్ 600 కిలో మీటర్ల పరిధిలో సుమారు 300 లక్ష్యాలను గుర్తించగలదు. క్షిపణులు, విమానాలు, డ్రోన్ల నుంచి ఎలాంటి వైమానిక దాడులనైనా ఎదుర్కొనే సామర్థ్యం దీనికి ఉంది. ప్రచ్ఛన్న యుద్ధంలో రష్యా, అమెరికాలో ఆయుధాల తయారీకి పోటీ ఉండేది. అమెరికాలా రష్యా క్షిపణులను తయారు చేయలేనప్పుడు, ఈ క్షిపణులు లక్ష్యాన్ని చేరుకోకముందే వాటిని చంపే వ్యవస్థపై పనిచేయడం ప్రారంభించింది.

1967లో రష్యా ఎస్ -200 వ్యవస్థను అభివృద్ధి చేసింది, ఇది S సిరీస్ యొక్క మొదటి క్షిపణి. S-300ను 1978లో అభివృద్ధి చేశారు. S-400ను 1990వ దశకంలో డెవలప్ చేశారు. దీని పరీక్ష 1999లో ప్రారంభమైంది. దీని తర్వాత, ఏప్రిల్ 28, 2007 న, రష్యా మొదటి S-400 క్షిపణి వ్యవస్థను మోహరించింది, రష్యా ఈ అధునాతన వ్యవస్థను మార్చి 2014 లో చైనాకు ఇచ్చింది. జూలై 12, 2019 న, ఈ వ్యవస్థ యొక్క మొదటి డెలివరీ టర్కీకి జరిగింది.