65 year old man marries 26 year old woman: అతడిది పింఛన్ తీసుకునే వయసు. ఇంకొకరి సాయం లేకుండా కనీసం ఒక అడుగు కూడా వేయలేడు. అటువంటి అతడు ఈ వయసులో పెళ్లి చేసుకున్నాడు. అది కూడా 26 సంవత్సరాల యువతిని. చదువుతుంటే ఆశ్చర్యంగా ఉంది కదూ.. మీకు ఆశ్చర్యంగా అనిపించినప్పటికీ ఇది ముమ్మాటికి నిజం.
పాకిస్తాన్ లో జరిగింది ఈ సంఘటన. ఇది కాస్త సోషల్ మీడియా ద్వారా వెలుగులోకి వచ్చింది. సోషల్ మీడియాలో కనిపిస్తున్న ఆ వీడియోలో ఓ 65 సంవత్సరాల వృద్ధుడు ఓ ప్రాంతానికి వచ్చాడు. అతడిని కొంతమంది సాదరంగా ఆహ్వానించారు. ఆ తర్వాత ఒక మహిళ పానీయం ఇవ్వగా తాగాడు. ఆ తర్వాత అందంగా ముస్తాబు చేసిన పెళ్లి కుమార్తె చెయ్యి అందుకున్నాడు. ఆమె చేతికి ఒక కానుక ఇచ్చాడు. అనంతరం ఆమె పక్కన కూర్చున్నాడు. ఆమె కూడా ముఖానికి ముసుగు ధరించి గులాబీ రేకులను అతడి మీద చల్లింది. ఇదంతా కూడా ఆ దేశంలో వివాహ తంతులో జరిగే ఒక ప్రక్రియ.
పాకిస్తాన్ దేశంలో బహు భార్యత్వం అనేది నేరం కాదు. నచ్చిన అమ్మాయిని పెళ్లి చేసుకోవచ్చు. ఇష్టం ఉన్నన్ని రోజులు కాపురం చేయవచ్చు. ఆ తర్వాత విడాకులు ప్రకటించవచ్చు. అక్కడ నిఖా చేసుకోవడం.. తలాక్ ప్రకటించడం సర్వసాధారణంగా జరిగే ప్రక్రియలు. అంతేకాదు వృద్ధులు పడుచు యువతులను పెళ్లి చేసుకోవడం కూడా సర్వసాధారణమే. పైగా అక్కడ బాగా డబ్బున్న వృద్ధులు.. పైసలను ఎరవేస్తారు. అందమైన అమ్మాయిలను పెళ్లి చేసుకుంటారు. వారితో పిల్లల్ని కన్న తర్వాత విడాకులు చేస్తుంటారు.
గతంలో దుబాయ్ షేక్ లు.. అరబ్ షేక్ లు మనదేశంలో ఉన్న హైదరాబాద్ నగరంలోని పాతబస్తీలో పేద ముస్లిం అమ్మాయిలను డబ్బు ఆశ చూపించి పెళ్లి చేసుకునేవారు. ఆ తర్వాత వారిని తమదేశానికి తీసుకెళ్లేవారు. కొద్దిరోజులు కాపురం చేసిన తర్వాత విడాకులు ఇచ్చి ఇక్కడికి పంపించేవారు. అయితే మన ప్రభుత్వాలు ఇటువంటి విధానాల మీద ఉక్కు పాదాలు మోపడంతో గతంలో జరిగినట్టుగా ఇప్పుడు వివాహాలు జరగడం లేదు. దుబాయ్ షేక్.. అరబ్ షేక్ లకు మధ్యవర్తులుగా వ్యవహరించిన వారంతా జైలుకు వెళ్లి రావడంతో.. ఆ తరహా వివాహాలు ఇప్పుడు జరగడం లేదు.
