Donald Trump: అమెరికా అధ్యక్షుడు.. ప్రపంచం మీద పెత్తనం సాగించవచ్చు.. ఏదైనా చేయవచ్చు. ఎలాగైనా చేయవచ్చు. ఇరాన్ నుంచి మొదలు పెడితే ఇరాక్ వరకు.. ఆఫ్ఘనిస్తాన్ నుంచి మొదలుపెడితే అంటార్కిటికా వరకు ఏమైనా చేయవచ్చని నిరూపిస్తున్నాడు ట్రంప్..
ప్రపంచ రాజకీయాలలో వేలు పెడుతూ.. ప్రపంచ దేశాలతో గిల్లికజ్జాలు పెట్టుకుంటూ ట్రంప్ నిత్యం వార్తలోనే ఉంటాడు. యుద్ధాలు.. ఒప్పందాలు.. ఆంక్షలు.. పదాలు మాత్రమే మారుతాయి.. అమెరికా అధ్యక్షుడి వ్యవహార శైలి మారదు. మారితే అతడు అమెరికా అధ్యక్షుడు ఎందుకు అవుతాడు..
ప్రపంచ దేశాల మీదనే కాదు.. చివరికి ప్రపంచం మొత్తం ఆసక్తిగా చూసే ఫుట్ బాల్ మీద కూడా ట్రంప్ తన పెత్తనం సాగిస్తున్నాడు. ఏకంగా ఫుట్ బాల్ విధివిధాలను అతడు మార్చేశాడు. వాస్తవానికి ఫుట్ బాల్ మ్యాచ్ జరుగుతున్నప్పుడు రిఫర్ తీసుకున్న నిర్ణయమే అంతిమమవుతుంది. ఒక్కసారి గనుక రిఫరీ రెడ్ కార్డ్ జారీ చేస్తే ఆటగాడు ఏం చేసినా సరే అవకాశం ఉండదు. కానీ ఈ నిబంధన మొత్తాన్ని ట్రంప్ మార్చేశాడు.
ఇటీవల బోస్నియో జట్టుతో జరిగిన మ్యాచ్లో అమెరికా స్టార్ ఫార్వర్డ్ ఆటగాడు బలోగన్ పిచ్చిపిచ్చిగా ప్రవర్తించాడు. ప్రత్యర్థి జట్టు ఆటగాడి యాంకిల్ తొక్కేశాడు. దీంతో రిఫరీ రెడ్ కార్డు ఇచ్చాడు. ఈ నేపథ్యంలో బలోగన్ బెల్జియం జట్టుతో జరిగే కీలక మ్యాచ్ కు దూరం కావలసి వచ్చింది. ఇది ట్రంప్ కు కోపం తెప్పించింది. వెంటనే ఫిఫా ప్రెసిడెంట్ జియాని కి ఫోన్ చేశాడు. అంతేకాదు అమెరికాకు జరిగిన అన్యాయం గురించి చెప్పుకొచ్చాడు. ట్రంప్ ఫోన్ చేయడంతో ఫిఫాల్ లీగల్ కమిటీ భయపడిపోయింది.
వెంటనే ఫిఫా డిసిప్లినరీ కోడ్ ఆర్టికల్ 27 ను తెరమీదకి తీసుకొచ్చింది. దీంతో బలోగన్ పై నిషేధం తొలగిపోయింది. అతడు ఆడేందుకు అవకాశం ఏర్పడింది. 1962 అనంతరం ఒక ఆటగాడి మీద రెడ్ కార్డు సస్పెన్షన్ వేటు ఎత్తేయడం ఇది మొదటిసారి. దీనిపై అంతర్జాతీయ ఫుట్బాల్ ప్రపంచం ఆశ్చర్య వ్యక్తం చేసింది. జూలై ఐదున ఫిఫా ఆఫీసులకు ఏప్రిల్ ఫూల్ డే వచ్చిందా అంటూ సెటైర్లు వేసింది. ఫిఫా నిర్ణయాన్ని యూరోపియన్ ఫుట్ బాల్ సమాఖ్య తీవ్రంగా తప్పు పట్టింది. ఇదేం క్రీడా స్ఫూర్తి అంటూ మండిపడింది.
