China Technology
China Technology: కొన్ని దశాబ్దాల వ్యవధిలో చైనా తనను తాను సాంకేతికంగా సూపర్ పవర్‌గా మార్చుకుంది. ఒకప్పుడు తక్కువ నాణ్యత, చౌక తయారీకి కేంద్రంగా పేర్గాంచిన చైనీస్ టెక్నాలజీ ఉత్పత్తులు నేడు వాటి ధర కోసం మాత్రమే కాకుండా, వారి ప్రపంచ ప్రముఖ సామర్థ్యాలను నిలదొక్కుకునేలా ఉత్పత్తి అవుతున్నాయి. చైనా దాని స్వంత దేశీయ అభివృద్ధి కోసం నిత్యం తాపత్రయం పడుతుంది. దాని సాంకేతికతను చూసి ప్రపంచమంతా ఔరా అంటుంది. సెల్ ఫోన్ల నుంచి విమానాల వరకు ప్రతి దాంట్లో సరికొత్త టెక్నాలజీతో విప్లవాత్మకమైన మార్పులను తీసుకొస్తుంది. ప్రపంచ కర్మాగారంగా చైనా టెక్నాలజీలోనూ అగ్రగామిగా ఎదుగుతోంది. అగ్ర దేశాల ఊహలకు కూడా అందని ఎన్నో సాంకేతిక వండర్స్‌ను క్రియేట్ చేసింది. ఇంకా చేస్తోంది. తాజాగా ఆ దేశానికి చెందిన ఓ ఏరోస్పేస్ సంస్థ తయారు చేసిన విమానం ప్రస్తుతం ప్రపంచవ్యాప్తంగా హాట్‌ టాపిక్‌ అవుతుంది. ఇది గనుక పూర్తి స్థాయిలో అందుబాటులోకి వస్తే ప్రయాణాల కోసం వెచ్చించే సమయం గణనీయంగా తగ్గుతుందని నిపుణులు అంటున్నారు.
చైనాకు చెందినటువంటి స్పేస్ ట్రాన్స్ పోర్టేషన్ అనే అంతరిక్ష రవాణా సంస్థ ప్రయాణికుల కోసం యున్‌క్సింగ్ ప్యాసింజర్ విమానం నమూనాను రూపొందించింది. దీని తొలి పరీక్షను విజయవంతంగా పూర్తి చేసినట్లు ప్రకటించింది. వచ్చే నవంబర్‌లో ఇంజన్ పరీక్షలు నిర్వహిస్తామని సదరు సంస్థ ప్రకటించింది. ఇది మాక్ 4 వేగంతో ఎగరగలదని.. 1976 నుంచి 2003 వరకు అందుబాటులో ఉన్న సూపర్‌సోనిక్ ప్యాసింజర్ ప్లేన్ కాంకోర్డ్ కంటే ఇది రెట్టింపు వేగంగా పేర్కొంది.. అంటే 5,000 కిలోమీటర్ల వేగంతో ప్రయాణించగల ఈ కొత్త విమానం కేవలం 1.5 గంటల్లో న్యూయార్క్ నుండి లండన్ చేరుకోవచ్చని భావిస్తున్నారు. అట్లాంటిక్ మార్గంలో అధిక వేగంతో ప్రయాణించడానికి కాంకోర్డ్ 2 గంటల 53 నిమిషాలు పట్టింది. సాధారణ విమానాలకు దాదాపు 8 గంటలు పడుతుంది. అంతరిక్ష రవాణా మాత్రమే కాదు, అనేక ఇతర కంపెనీలు కూడా వాణిజ్య సూపర్‌సోనిక్ విమానాలను పునఃప్రారంభించేందుకు ప్రయత్నిస్తున్నాయి.
సౌత్ చైనా మార్నింగ్ పోస్ట్ ప్రకారం.. 2027లో పూర్తి స్థాయి సూపర్‌సోనిక్ జెట్ ప్రయాణీకుల కోసం ప్రారంభించబడుతుందని భావిస్తున్నారు. అన్నీ అనుకున్నట్లు జరిగితే, 2023లో కాంకర్డ్ చివరి ప్రయాణం తర్వాత సుమారు 25ఏళ్ల అనంతరం ప్రయాణీకులను తీసుకువెళ్లే మొదటి సూపర్‌సోనిక్ విమానం ఇదే అవుతుంది. యూఎస్ -ఆధారిత వీనస్ ఏరోస్పేస్ ప్రస్తుతం మ్యాక్ 6 వేగాన్ని సాధించగల సాంకేతికతను అభివృద్ధి చేస్తోంది. ఇది హైపర్‌సోనిక్ ఎకానమీని సాధ్యం చేస్తుంది. SpaceX , Tesla CEO Elon Musk కూడా సూపర్‌సోనిక్ జెట్‌పై ఆసక్తిని కనబరిచారు. అయితే అదనపు పనిభారం కారణంగా ప్రస్తుతం దానిపై పని చేయడం లేదు.
