Trump Tariffs Foreign Films: అమెరికా ఫస్ట్ నినాదంతో సాగుతున్న డొనాల్డ్ ట్రంప్ 2.0 పాలన ఇటు అమెరికన్లను అటు ప్రంపచ దేశాలను ఇబ్బంది పెడుతోంది. గ్రేట్అమెరికా మేక్ ఎగైన్ అంటూ ప్రపంచ దేశాలపై టారిఫ్లు విధించారు. అక్రమంగా అమెరికాల ఉంటున్నవారిని పంపించివేశారు. ఇక అమెరికా దిగుమతి చేసుకునే మందులపై వంద శాతం టారిఫ్ విధించారు. తాజాగా విదేశీ సినిమాలపై పడ్డాడు. అమెరికాలో విడుదల చేసే విదేశీ చిత్రాలపై 100 శాతం టారిఫ్ విధించాలని నిర్ణయించారు.చర్య దేశీయ ఫిల్మ్ ఉత్పత్తిని ప్రోత్సహించడానికి ఉద్దేశించినప్పటికీ, అంతర్జాతీయ వాణిజ్యం, సాంస్కృతిక మార్పిడిపై తీవ్ర పరిణామాలు చూపవచ్చు. ఇది దేశీయ ఇండస్ట్రీని రక్షించడానికి భాగమని ఆయన వాదిస్తున్నారు. ఇది ముందుగా మే నెలలో ప్రతిపాదించిన ఆలోచనను మళ్లీ బలపరచడమే. దీని ద్వారా, అమెరికా ఫిల్మ్ బిజినెస్ను ‘దొంగిలించబడకుండా‘ కాపాడాలని ఆయన లక్ష్యం. అమెరికాలో నిర్మించే సినిమాలకు 50 శాతం రాయితీలు ఇవ్వడం ద్వారా దేశీయ ఉత్పాదకులను ప్రోత్సహించాలని ఆయన భావిస్తున్నారు.
ఉపాధికి దెబ్బ..
పెరిగిన ఖర్చుల కారణంగా చాలా చిత్రాలు విదేశాల్లో చిత్రీకరణ చేస్తున్నాయని, ఇది స్థానిక ఉద్యోగాలకు హాని కలిగిస్తోందని పలువురు అభిప్రాయపడుతున్నారు. అమెరికా సినీ పరిశ్రమపై ప్రభావం ఈ సుంకాలు హాలీవుడ్కు రక్షణగా కనిపించినప్పటికీ, అంతర్జాతీయ సహకారాలు, స్ట్రీమింగ్ ప్లాట్ఫామ్లపై ప్రతికూల ప్రభావం చూపవచ్చు. చాలా హాలీవుడ్ చిత్రాలు కెనడా, ఇండియా, న్యూజిలాండ్ వంటి దేశాల్లో భాగాలు తయారవుతున్నాయి, ఇది సుంకాల అమలును సంక్లిష్టం చేస్తుంది. నెట్ఫ్లిక్స్, డిస్నీ+ వంటి సర్వీసులు విదేశీ కంటెంట్పై ఆధారపడతాయి, దీని వల్ల సబ్స్క్రిప్షన్ ధరలు పెరగవచ్చు లేదా కంటెంట్ తగ్గవచ్చు. అమెరికా చిత్రాలు ప్రపంచ మార్కెట్లో 70 శాతం ఆదాయం సంపాదిస్తాయి, కాబట్టి ఇతర దేశాల నుంచి ప్రతీకార చర్యలు వస్తే స్థానిక ఉద్యోగాలు ప్రమాదంలో పడవచ్చు.
ఇండియన్ సినిమాపై ప్రభావం..
భారతీయ చిత్ర పరిశ్రమకు సవాళ్లుభారత్ నుంచి అమెరికాలో విడుదలయ్యే చిత్రాలు, ముఖ్యంగా బాలీవుడ్, తెలుగు ఫిల్మ్లు, ఈ సుంకాల వల్ల తీవ్రంగా ప్రభావితమవుతాయి. గతంలో బాహుబలి, పుష్ప వంటి చిత్రాలు అమెరికాలో భారీ ఆదాయం సాధించాయి, కానీ ఇప్పుడు టికెట్ ధరలు రెట్టింపు కావడం వల్ల ప్రేక్షకులు తగ్గవచ్చు. డబ్బింగ్ లేదా సబ్టైటిల్స్తో విడుదలయ్యే చిత్రాలు కూడా ఖరీదైనవిగా మారతాయి. దీని వల్ల నిర్మాతలు ఆదాయాన్ని కోల్పోతారు. భారత్ ప్రతీకారంగా హాలీవుడ్ చిత్రాలపై సుంకాలు విధించవచ్చు,
ప్రపంచవ్యాప్తంగా విమర్శలు..
ట్రంప్ సినిమా టారిఫ్పై ప్రపంచ వ్యాప్తంగా విమర్శలు వ్యక్తమవుతున్నాయి. కొందరు దీనిని సాంస్కృతిక వాణిజ్య యుద్ధంగా చూస్తున్నారు. మరికొందరు డిజిటల్ యుగంలో అమలు కష్టమని అంటున్నారు. సోషల్ మీడియాలో, బాలీవుడ్, ఇతర దేశాల చిత్రాల అభిమానులు అసంతృప్తి వ్యక్తం చేస్తున్నారు, గవిన్ న్యూసమ్ వంటి నాయకులు దీనిని వ్యతిరేకిస్తున్నారు. అయితే, కొందరు దీనిని అమెరికా ఉద్యోగాల రక్షణగా సమర్థిస్తున్నారు. భవిష్యత్ పరిణామాలు, సూచనలుఈ సుంకాలు అమలు అయితే, ప్రపంచ సినీ మార్కెట్ మార్పు చెందవచ్చు, దేశాల మధ్య ప్రతీకారాలు పెరగవచ్చు. డిజిటల్ స్ట్రీమింగ్లో సుంకాలు ఎలా వర్తిస్తాయో స్పష్టత లేదు, ఇది చట్టపరమైన సవాళ్లకు దారితీస్తుంది.
ట్రంప్ మామ సినిమా సుంకాలు భారత్ వంటి దేశాలు తమ చిత్రాలను ఇతర మార్కెట్ల వైపు మళ్లించవచ్చు, కానీ అమెరికా మార్కెట్ కోల్పోవడం నష్టం. మొత్తంగా, ఈ చర్య వాణిజ్యాన్ని మరింత సంక్లిష్టం చేస్తుంది, కానీ దాని దీర్ఘకాలిక ప్రభావం అమలు మీద ఆధారపడి ఉంటుంది.
