Viral video from Bihar Darbhanga Airport: ప్రపంచంలో అత్యంత స్వచ్ఛమైన దేశం సింగపూర్. ఇందుకు కారణం అక్కడి కఠిన చట్టాలు, చెత్తశుద్ధికి తీసుకుంటున్న చర్యలు. అక్కడ రోడ్లపై చెత్త వేస్తే భారీగా జరిమానా విధిస్తారు. ఇక బహిరంగ మూత్ర విసర్జన చేసే జైలుకు పంపుతారు. కానీ భారత్లో అలాంటి చట్టాలు లేవు. స్వచ్ఛభారత్ పేరుతో మోదీ స్వచ్ఛత కోసం అనేక చర్యలు తీసుకున్నారు. అయినా భారతీయుల్లో చాలా మంది ఇప్పటికీ బహిరంగ మూత్ర విసర్జనకే ఆసక్తి చూపుతారు. తాజాగా బీహార్లోని దర్భాంగా విమానాశ్రయంలో జరిగిన ఒక అసాధారణ ఘటన సోషల్ మీడియాలో వైరల్గా మారింది. ఒక వృద్ధుడు విమానం రన్వేపై మూత్రవిసర్జన చేస్తున్న దృశ్యాన్ని పైలట్ కాక్పిట్ నుంచి వీడియో తీసిన ఘటన దేశవ్యాప్తంగా చర్చనీయాంశమైంది. ఈ సంఘటన విమానాశ్రయ భద్రత, సామాజిక ప్రవర్తన, అధికారుల బాధ్యతలపై పలు ప్రశ్నలను లేవనెత్తింది.
ఏం జరిగిందంటే..
దర్భాంగా విమానాశ్రయంలో ఒక వృద్ధుడు, తెల్లని కుర్తా–పైజామా ధరించి, విమానం రన్వే పక్కన గడ్డి ప్రాంతంలో మూత్రవిసర్జన చేశాడు. ఈ దృశ్యాన్ని పైలట్ తన కాక్పిట్ నుంచి చిత్రీకరించాడు. 9 సెకన్ల నీడియో క్లిప్లో, పైలట్ నవ్వుతూ వ్యాఖ్యానిస్తున్న శబ్దం వినిపిస్తుంది, అదే సమయంలో ప్రయాణీకులు విమానంలోకి ఎక్కుతున్న దృశ్యం కనిపిస్తుంది. ఈ వీడియో సోషల్ మీడియా ప్లాట్ఫామ్ గీలో 285.9ఓ వీక్షణలను సాధించింది, ఇది ప్రజల ఆసక్తిని, ఆశ్చర్యాన్ని ప్రతిబింబిస్తుంది. ఈ ఘటన భారతదేశంలో సార్వజనిక ప్రదేశాలలో పరిశుభ్రత, సామాజిక ప్రవర్తనపై చర్చను రేకెత్తించింది. గ్రామీణ ప్రాంతాలలో, బహిరంగ మూత్రవిసర్జన ఇప్పటికీ కొన్ని సందర్భాల్లో సాధారణంగా కనిపిస్తుంది, కానీ విమానాశ్రయం వంటి అత్యంత నియంత్రిత ప్రదేశంలో ఇలాంటి ప్రవర్తన ఆశ్చర్యాన్ని కలిగించింది. ఈ ఘటన స్వచ్ఛ భారత్ అభియాన్ వంటి ప్రభుత్వ కార్యక్రమాల ద్వారా ప్రజలలో పరిశుభ్రతపై అవగాహన కల్పించే ప్రయత్నాలను ప్రశ్నార్థకం చేస్తుంది.
విమానాశ్రయ భద్రతపై ప్రశ్నలు..
విమానాశ్రయ రన్వే వంటి అత్యంత సురక్షిత ప్రాంతంలో ఒక వ్యక్తి ఎలా ప్రవేశించగలిగాడు అనే ప్రశ్న ఈ ఘటన లేవనెత్తింది. ఎయిర్పోర్ట్స్ అథారిటీ ఆఫ్ ఇండియా (ఏఏఐ) ఇంకా ఈ విషయంపై అధికారిక ప్రకటన విడుదల చేయలేదు, ఇది భద్రతా విధానాలపై మరింత అనుమానాలను రేకెత్తిస్తోంది. విమానాశ్రయాలలో ఉన్న కఠినమైన భద్రతా ప్రోటోకాల్లను దాటి ఇలాంటి ఘటన జరగడం సంస్థాగత వైఫల్యాన్ని సూచిస్తుంది. మరోవైపు పైలట్ ఈ ఘటనను చిత్రీకరించి, నవ్వుతూ వ్యాఖ్యానించడం వివాదాస్పదమైంది. బాధ్యతాయుతమైన వ్యక్తిగా, పైలట్ ఈ సంఘటనను విమానాశ్రయ అధికారులకు తక్షణం నివేదించి, చర్యలు తీసుకునేలా చేసి ఉండాల్సింది. బదులుగా, వీడియోను సోషల్ మీడియాలో పంచుకోవడం వల్ల ఈ ఘటన సంచలనంగా మారింది.
నెటిజన్ల స్పందన..
ఈ వీడియో సోషల్ మీడియాలో వైరల్ కావడంతో నెటిజన్లు వివిధ రకాల స్పందనలను వ్యక్తం చేశారు. కొందరు ఈ ఘటనను హాస్యాస్పదంగా భావించగా, మరికొందరు విమానాశ్రయ భద్రతా వైఫల్యంపై కోపం వ్యక్తం చేశారు. ఈ ఘటన సామాజిక మాధ్యమాల శక్తిని, అలాగే వ్యక్తిగత గోప్యత మరియు బహిరంగ ఆక్షేపణల మధ్య సమతుల్యతపై చర్చను రేకెత్తించింది.
