సాధారణంగా హ్యాండ్ బ్యాగ్ ఎంత ఉంటుందనే ప్రశ్నకు ఎవరైనా 300 రూపాయల నుంచి 1000 రూపాయల మధ్య ఉంటుందని చెబుతారు. సినిమా, టీవీ లేడీ సెలబ్రిటీలు మాత్రం లక్షలు విలువజేసే హ్యాండ్ బ్యాగ్ లను వాడుతూ ఉంటారు. అయితే ఈ హ్యాండ్ బ్యాగ్ ఖరీదు మాత్రం ఏకంగా 52 కోట్ల రూపాయలు. ప్రపంచంలోనే అత్యంత ఖరీదైన హ్యాండ్ బ్యాగ్ గా గుర్తింపు తెచ్చుకున్న ఈ హ్యాండ్ బ్యాగ్ ఇంత ఎక్కువ రేటు పలకడానికి ముఖ్యమైన కారణాలే ఉన్నాయి.
Also Read: మంటపెట్టిన బీజేపీ ఎంపీ.. భగ్గుమన్న జనసేన..పొత్తు క్యాన్సిల్?
ప్రస్తుతం సోషల్ మీడియాలో ఈ హ్యాండ్ బ్యాగ్ కు సంబంధించిన ఫోటోలు తెగ వైరల్ అవుతున్నాయి. ఈ హ్యాండ్ బ్యాగ్ ను మొసలి చర్మంతో తయారు చేశారు. ఈ బ్యాగ్ పై ఉన్న సీతాకోక చిలుకలను బంగారంతో తయారు చేశారు. వజ్రాలు, నీలమణీలు, పారాబా టూర్మలైన్లను ఈ హ్యాండ్ బ్యాగ్ లో పొందుపరిచారు. అందువల్లే హ్యాండ్ బ్యాగ్ ఏకంగా 52 కోట్ల రూపాయలు పలుకుతోంది. బోరిని మిలానేసి అనే ఇటలీ సంస్థ ఈ హ్యాండ్ బ్యాగ్ ను తయారు చేసింది.
Also Read: స్టార్ హీరోల సినిమాలు పండుగకేనట.. కానీ చిన్న ట్వీస్ట్..!
పర్వా మియా బ్యాగ్ పేరుతో పిలిచే ఈ బ్యాగ్ బొలాంగా బ్రాండ్‌ కు చెందినది. ఈ బ్యాగ్ ను తయారు చేయడం సులభం కాదని.. 41 రోజులు ఈ హ్యాండ్ బ్యాగ్ కోసం శ్రమించాల్సి ఉంటుందని బోరిని మిలానేసి సంస్థ నిర్వాహకులు చెబుతున్నారు. ప్రపంచవ్యాప్తంగా ఇప్పటివరకు ఇలాంటి బ్యాగులు కేవలం మూడు మాత్రమే ఉన్నాయని సమాచారం. ఇన్‌స్టాగ్రామ్‌ ద్వారా సంస్థ విడుదల చేసిన ఈ బ్యాగ్ చూడటానికి ఎంతో బాగుందని నెటిజన్లు కామెంట్లు చేస్తున్నారు.
మరిన్ని ప్రత్యేకం వార్తల కోసం: వైరల్
అయితే ఈ హ్యాండ్ బ్యాగ్ ధర వింటే మాత్రం గుండె గుభేలుమంటోందని నెటిజన్లు అభిప్రాయపడుతున్నారు. సంస్థ నిర్వాహకులు మాట్లాడుతూ ఇంత ఖరీదైన బ్యాగ్ ను తయారు చేసినందుకు తమకు ఎంతో గర్వంగా ఉందని చెబుతున్నారు. ఈ బ్యాగ్ అమ్మగా వచ్చిన డబ్బుల్లో సగం డబ్బులు సముద్రాలను శుభ్రం చేసేందుకు ఖర్చు చేస్తామని వెల్లడించారు.
