Russia Airport Incident ఒకప్పుడు మనకు కావాల్సిన బస్సు వెళ్లిపోతుంటే వెనుక పరుగెత్తుకుంటూ వెళ్లి ఆపాలని కోరేవారు. దీంతో ఆ బస్సు డ్రైవర్ గుర్తించి బస్సును ఆపేవారు. కానీ ఇప్పుడు ప్లేన్ యుగం.. ఒకసారి విమానం కదిలిందంటే.. అత్యవసరం అయితే తప్ప ఆపడం అనేది అసాధ్యం. కానీ ఓ మహిళ తన బ్యాగుతో సహా రన్ వే పైకి వెళ్లి విమానాన్ని ఆపమని కోరింది. ఆ తరువాత ఏం జరిగిందో తెలుసా? ఇందుకు సంబంధించిన వీడియో సోషల్ మీడియాలో వైరల్ కావడంతో రకరకాల కామెంట్లు చేస్తున్నారు. అసలేం జరిగిందంటే.
రష్యా దేశంలోని ఓ అంతర్జాతీయ విమానాశ్రయంలో ఇద్దరు మహిళలు ఓ సాహసం చేసి వార్తల్లో నిలిచారు. జూలై 25న మాస్కోలోని షెరేమెత్యేవో ఎయిర్పోర్టులోకి ఇద్దరు మహిళలు తమ ఏరోఫ్లోట్ విమానానికి ఆలస్యంగా చేరుకున్నారు. అప్పటికే బోర్డింగ్ పూర్తవడంతో విమానం గేట్ నుంచి బయటకు కదులుతోంది. విమానం తమ కళ్ల ముందే వెళ్లిపోతుండటంతో ఎయిర్పోర్టు సిబ్బందిని సంప్రదించకుండా నేరుగా విమానం వైపు పరుగెత్తారు. అంతేకాకుండా చేతులు ఊపుతూ విమానాన్ని ఆపాలని ప్రయత్నించారు.
విమానం కదులుతున్న సమయంలో దాని దగ్గరకు ప్రయాణికులు వెళ్లడం అసాధ్యం. బోర్డింగ్ పూర్తి కాగానే రన్ వే కు వేళ్లె దారి మూసివేస్తారు. ఒకవేళ ఇలా ఎవరైనా వెళ్లాలని ప్రయత్నించినా.. భద్రతా సిబ్బంది అడ్డుకుంటారు. ఇక్కడ కూడా ఇద్దరు మహిళలు ఎయిర్పోర్టు ఎయిర్సైడ్ ప్రాంతంలోకి వెళ్లడంతో అక్కడి సిబ్బంది వెంటనే అప్రమత్తమయ్యారు. గ్రౌండ్ ఆపరేషన్ కొద్దిసేపు నిలిచిపోయింది. సిబ్బంది, భద్రతా సిబ్బంది అక్కడికి చేరుకుని మహిళలను విమానం దగ్గర నుంచి దూరంగా తీసుకెళ్లారు. అనంతరం వారిని అదుపులోకి తీసుకున్నట్లు నివేదికలు చెబుతున్నాయి.
విమానాన్ని ఆపాలని ప్రయత్నించిన వారికి జరిమానా పడే అవకాశం ఉంది. నిర్లక్ష్యంగా నిబంధనలు ఉల్లంఘించిన సందర్భంలో వీరికి సుమారు 5,000 రూబిళ్ల వరకు జరిమానా ఉండొచ్చని, ఉద్దేశపూర్వక ఉల్లంఘనగా పరిగణిస్తే మరింత ఎక్కువ జరిమానా విధించే అవకాశం ఉందని అంటున్నారు. అయితే విమానం మిస్ అయితే తదుపరి విమానంలో ప్రయాణించే అవకాశం ఉంటుంది. అందుకోసం ఎయిర్లైన్ సిబ్బందిని సంప్రదించాలి. కానీ ఇలా ఎవరైనా చేస్తారా? ఇది ఎయిర్ బస్సు అనుకున్నారా? ఎర్ర బస్సు అనుకున్నారా? అంటే సోషల్ మీడియాలో కామెంట్లు పెడుతున్నారు.
Meanwhile at Moscow's Sheremetyevo International Airport two passengers who had missed their flight ran onto the tarmac on July 25 and walked directly toward an Aeroflot aircraft in an attempt to board, with one woman dragging a suitcase behind her. pic.twitter.com/1vmHOeBrhg
— Breaking Aviation News & Videos (@aviationbrk) August 8, 2026
