వైరల్ వీడియో: ఈ నిర్లక్ష్యమే ఎస్పీ బాలు ప్రాణాలు తీసిందా..?

ఆ చిన్నపాటి నిర్లక్ష్యమే పాటల స్వర శిఖరమైన ఎస్పీ బాలుని స్వర్గ సీమకు తీసుకెళ్లిందా..? ఆ నిర్లక్ష్యం వల్లే ఆయనకు కరోనా అంటుకుందా..? ఆ ప్రోగ్రాంలోనే ఆయనను కరోనా ఆవహించిందా..? తాజాగా వెలుగులోకి వచ్చిన ఆ వీడియోను చూస్తే అందరికీ అదే అర్థమవుతోంది.

తాజాగా టోక్యో తమిళ సంఘం నిర్వహించిన పాటల ప్రోగ్రామ్‌ కోసం జూలై లో వెళ్లి ఎస్పీ బాలు పాడి వచ్చాడు. అక్కడ బాలు చేసిన 3 తప్పులే ఆయనకు కరోనా సోకడానికి కారణం అనే వీడియో తాజాగా సోషల్ మీడియాలో వైరల్ అయ్యింది. ఈ ప్రోగ్రాం తర్వాత  జూలై 30న బాలు రామోజీ ఫిలిమ్‌ సిటీకి వెళ్లాడు. అదే రోజు అక్కడికి హేమచంద్ర, అనుదీప్‌, ప్రణవి, లిప్సిక వచ్చారు. 31న కారుణ్య, దామిని, సత్య యామిని, మాళవిక, పావని తదితరులు చేరుకున్నారు. అయితే.. అప్పటి వీడియో ఒకటి ఇప్పుడు వైరల్‌ అవుతోంది.

అసలే అది కరోనా విజృంభిస్తున్న టైం. అందులోనూ బాలుకు 74 ఏళ్లు. ఆ ఏజ్‌లో.. ఆ సమయంలో ఆయన పాటల ప్రోగ్రాంలకు వెళ్లకుండా ఉంటే ఇప్పుడు మన నుంచి దూరమయ్యే వారు కరేమో. మాస్క్ ఉన్నా సరే.. పాడేటప్పుడు తీయాల్సిందే. పక్కన ఉన్న గాయకులూ మాస్క్‌లు తొలగించాల్సిందే. అయితే.. అప్పటికే వారిలో ఎవరికి సోకిందే ఈ మాయదారి వైరస్‌.. అక్కడి నుంచి ఎస్పీ బాలుకు అంటుకుంది. అసలే ఏడు పదుల వయస్సు.. ఆపై పలు ఆరోగ్య సమస్యలు.. అన్నీ ఆయనను చుట్టుముట్టాయి.అది కాస్త రోజురోజుకూ సీరియస్‌గా తయారైంది. దేశవ్యాప్తంగా ఈ వయసు ఉన్న వారికి కరోనా వచ్చినా కొందరు కోలుకున్న వారు కూడా ఉన్నారు. ఆ ప్రోగ్రామ్‌కు తనతోపాటు హాజరైన వారిలోనూ చాలా మందికి కరోనా వచ్చినట్లు వార్తలు వినిపిస్తున్నాయి. వారంతా యువత కాబట్టి కొద్ది రోజులు క్వారంటైన్‌లో ఉండి బయటపడ్డారు. దురదృష్టం కొద్దీ బాలు పోరాడి పోరాడి ఓడారు.