Ram Gopal Varma- Pathan Collections: బర్నింగ్ టాపిక్ ఏదైనా రామ్ గోపాల్ వర్మ కచ్చితంగా స్పందిస్తారు. పఠాన్ సక్సెస్ ఇండియా వైడ్ హాట్ టాపిక్ గా ఉంది. బాహుబలి 2, కెజిఫ్ 2 ఓపెనింగ్ డే రికార్డ్స్ బ్రేక్ చేసిన పఠాన్ హిందీ ఫస్ట్ డే హైయెస్ట్ కలెక్షన్స్ రికార్డు సొంతం చేసుకుంది. బ్లాక్ బస్టర్ టాక్ నేపథ్యంలో భారీ వసూళ్లు సాధించడం ఖాయంగా కనిపిస్తుంది. ఫస్ట్ డే కి మించి సెకండ్ డే వసూళ్లు ఉన్నాయి. వీకెండ్ డేస్ అలానే ఉండగా… పఠాన్ సంచలన ఫిగర్ నమోదు చేయబోతుంది. ఈ క్రమంలో రామ్ గోపాల్ వర్మ ఇప్పటి దాకా ప్రచారంలో ఉన్న కొన్ని అపోహలను ఉద్దేశిస్తూ సెటైర్లు వేశారు.
వర్మ తన ట్వీట్ లో ”ఓటీటీ హవాలో థియేటర్స్ కలెక్షన్స్ అంత గొప్పగా ఉండవు, షారుక్ ఖాన్ పనైపోయింది. సౌత్ ఇండియా డైరెక్టర్స్ మాదిరి బ్లాక్ బస్టర్స్ తెరకెక్కించడం బాలీవుడ్ మేకర్స్ కి తెలియదు.కెజిఫ్ 2 రికార్డ్స్ బ్రేక్ చేయడానికి బాలీవుడ్ కి ఏళ్ల సమయం పడుతుంది… వంటి అపోహలను పఠాన్ పటాపంచలు చేసింది” అని ట్వీట్ చేశారు. బాలీవుడ్ ని , షారుక్ ఖాన్ ని తక్కువ చేసి మాట్లాడిన వాళ్లకు పఠాన్ సక్సెస్ చెంప పెట్టు అని వర్మ పరోక్షంగా చెప్పారు. అలాగే సినిమాలో కంటెంట్ ఉంటే ఓటీటీ రోజుల్లో కూడా థియేటర్స్ లో వసూళ్ల వర్షం కురుస్తుందన్న అభిప్రాయం వెల్లడించారు.
పఠాన్ ఫస్ట్ డే వరల్డ్ వైడ్ రూ. 106 కోట్లు కలెక్షన్స్ సాధించింది. సెకండ్ డే రూ. 113.6 కోట్లు సాధించింది. రెండు రోజుల్లో రెండు వందల కోట్ల రూపాయల వసూళ్లు పఠాన్ రాబట్టింది. ఇక ఇండియా వరకు హిందీ వర్షన్ రూ. 123 కోట్లు కలెక్షన్స్ అందుకుంది. శుక్ర, శని, ఆదివారాల్లో పఠాన్ మరింత మెరుగైన వసూళ్లు రాబట్టడం ఖాయంగా కనిపిస్తుంది. పఠాన్ గత బాలీవుడ్ చిత్రాలు రికార్డ్స్ బ్రేక్ చేస్తుంది అనడంలో సందేహం లేదు.
వార్ ఫేమ్ సిద్ధార్థ్ ఆనంద్ పఠాన్ చిత్రాన్ని తెరకెక్కించారు. ఈ మూవీని అనేక వివాదాలు చుట్టుముట్టాయి. బేషరమ్ సాంగ్ లో దీపికా కాషాయ రంగు బికినీ ధరించడాన్ని బీజేపీ వర్గాలు వ్యతిరేకించాయి. పఠాన్ మూవీని బాయ్ కాట్ చేయాలంటూ సోషల్ మీడియాలో నెగిటివ్ ట్యాగ్స్ ట్రెండ్ చేశారు. అనేక అవరోధాల మధ్య పఠాన్ విడుదలై సంచలన విజయం నమోదు చేసింది. ఇక షారుక్ కి పఠాన్ కెరీర్ లో స్పెషల్ మూవీగా నిలిచిపోయింది. షారుక్ హిట్ కొట్టి పదేళ్లు అవుతుంది. వరుస పరాజయాల నేపథ్యంలో షారుక్ ఖాన్ నాలుగేళ్ల పాటు బ్రేక్ తీసుకున్నారు. ఆయన హీరోగా నటించిన జీరో మూవీ 2018లో విడుదలైంది. కసితో షారుక్ ఖాన్ పఠాన్ మూవీ చేశారు. షారుక్ కే కాదు ఇది బాలీవుడ్ కే కమ్ బ్యాక్ మూవీ అని చెప్పాలి.
1.
Theatre collections will never be great again in times of OTT
2.
SRK is a fading star
3.
Bollywood can never make a COMMERCIAL BLOCKBUSTER like the south masala directors
4.
It will take years to break the day 1 collections of KGF 2ALL above MYTHS broken by PATHAN
— Ram Gopal Varma (@RGVzoomin) January 27, 2023
