Samarasimha Reddy
Samarasimha Reddy: యాక్షన్, సెంటిమెంట్ నేపథ్యంలో వచ్చి బ్లాక్ బస్టర్ కొట్టిన మూవీ సమరసింహారెడ్డి. అప్పటి వరకు వరుస ప్లాపులతో ఉన్న బాలకృష్ణకు ఈ సినిమా మరోసారి కెరీర్ ను మలుపు తిప్పింది. అంతేకాకుండా సమరసింహారెడ్డితోనే రాయలసీమ ఫ్యాక్షన్ సినిమాలు ప్రారంభమయ్యాయి. ఆ తరువాత వచ్చిన ఎన్నో ఫ్యాక్షనిజం సినిమాలు బంపర్ హిట్టు కొట్టాయి. అయితే మిగతా హీరోల కంటే బాలయ్య కే ఇలాంటి సినిమాలు షూట్ అవుతాయని ఇండస్ట్రీలో చర్చించుకుంటారు. అందుకే ఫ్యాక్షన్ డ్రామాగా తెరకెక్కిన నరసింహనాయుడు, చెన్నకేశవరెడ్డి సినిమాలు కెరీర్లోనే బెస్ట్ మూవీగా నిలిచాయి. అయితే తన లైఫ్ లో సమరసింహారెడ్డి మైలురాయిగా నిలిచిందని బాలకృష్ణ పలు సందర్భాల్లో చెప్పేవారు.
ఈ సినిమా ఫస్ట్ పార్ట్ మొత్తం సెంటిమెంట్ తో సాగుతుంది. ముగ్గురు అక్కాచెల్లెళ్లను కాపాడే అన్నగా కనిపిస్తాడు. వారి కోసం తెగ కష్టపడిపోతుంటారు. ముగ్గురు అక్కాచెళ్లెళ్లలో సరస్వతి అనే అమ్మాయి దివ్యాంగురాలు. ఓసారి ఆమె రైల్వే ట్రాక్ లో చిక్కుకోవడంతో ఎమోషనల్ గా రన్నింగ్ చేయడంతో తిరిగి కాళ్లు వస్తాయి. ఈ సీన్ సినిమాలకే హైలెట్ గా నిలిచింది. ఈ పాత్రలో నటించిన అమ్మాయి పేరే సహస్ర. అయితే సహస్ర ఇప్పుడు గుర్తుపట్టకుండా మారిపోయింది.
భానుచందర్ హీరోగా నటించిన ఉద్యమం సినిమాతో ఆమె తెరంగేట్రం చేశారు. ఆ తరువాత రౌడీ అల్లుడు, ముగ్గురు మొనగాళ్లు, హిట్లర్, మేజర్ చంద్రకాంత్ లతో పాటు వందల కొద్ది సినిమాల్లో నటించారు. ఆమె నటించిన చివరి సినిమా సమరసింహారెడ్డి కావడం విశేషం. ఈ సమయంలో ఆమె సినిమాల్లో నటిస్తే చదువు పాడవుతుందన్న ఉద్దేశంతో సినిమాల నుంచి తప్పుకున్నారు. కానీ మళ్లీ సినిమాల్లోకి రాలేదు. అయితే చిన్న వయసులోనే ఎన్నో సినిమాల్లో నటించిన సహస్ర ఇటీవల ఓ చానెల్ కు ఇంటర్వ్యూ ఇచ్చారు. ఈ సందర్భంగా ఆమె మాట్లాడుతూ పలు ఆసక్తికర విషయాలు చెప్పేవారు.
Sahasra
తను సినిమాల్లో నటించేటప్పుడు తరుచూ మెగా ఫ్యామిలీ ఇంటికి వెళ్లేదట. అక్కడ రాం చరణ్ తో కలిసి టెడ్డీ బేర్ తో ఆడుకునేదట. అలాగే అప్పుడప్పుడు మోహన్ బాబు గారి ఇంటికి వెళ్లేదట. మంచు మనోజ్ తో కలిసి సినిమా సెట్స్ కె వెల్లేవారట. అలా చిన్న వయసులోనే సినీ ఇండస్ట్రీ మొత్తం తిరిగిన ఆమె ఇప్పుడు కొంచెం బొద్దుగా తయారయ్యారు. సినిమాల్లో అవకాశం వస్తే నటిస్తాను. కానీ సినిమాల కోసం ఎక్కువగా ప్రయత్నించను.. అని సహస్ర చెబుతున్నారు. మరి ఆ సహస్ర ఇప్పుుడెలా ఉన్నారో మీరూ ఓ లుక్కేయండి..
