Narasimha Movie: సూపర్ స్టార్ రజినీకాంత్ కెరీర్ ని మరో లెవెల్ కి తీసుకెళ్లిన చిత్రం ‘నరసింహా’.అప్పటికే బాషా సినిమాతో పాన్ ఇండియా లెవెల్ లో అన్ని మర్కెట్స్ లోకి అడుగుపెట్టిన రజినీకాంత్ కి ‘నరసింహా’ చిత్రం మరో లెవెల్ కి తీసుకెళ్లింది.తమిళం లో ఇండస్ట్రీ హిట్ గా నిల్చిన ఈ చిత్రం తెలుగులో కూడా భారీ విజయం సాధించి రజినీకాంత్ కి తెలుగు స్టార్ హీరోలతో సమానమైన మార్కెట్ ని ఏర్పరిచింది.ఇక ఈ చిత్రం లో విలన్ గా నటించిన రమ్య కృష్ణ కి ఎలాంటి క్రేజ్ వచ్చిందో ప్రత్యేకించి చెప్పనక్కర్లేదు.
సౌత్ లో లేడీ విలన్స్ ట్రెండ్ కి తెరలేపిన హీరోయిన్ రమ్యకృష్ణ మాత్రమే.ఇప్పటికీ ఏ హీరోయిన్ అయినా విలన్ పాత్ర పోషిస్తే రమ్యకృష్ణ పోషించిన నీలాంబరి పాత్రని కొలమానం గా తీసుకొని పోల్చి చూస్తారు.అంతటి ప్రభావం చూపించింది ఆ పాత్ర.అలా అటు రజినీకాంత్ ని ఇటు రమ్యకృష్ణ ని వేరే లెవెల్ కి తీసుకెళ్లిన ఈ సినిమాని ఒక స్టార్ హీరో మిస్ చేసుకున్నాడట.
అతను మరెవరో కాదు, మన నందమూరి బాలకృష్ణ.ప్రముఖ రచయితా చిన్ని కృష్ణ బాలయ్య కోసం రాసుకున్న స్క్రిప్ట్ అట ఇది.ఆయన ఈ కథని బీ.గోపాల్ కి ఇచ్చి బాలకృష్ణ తో చేస్తే అదిరిపోతోంది చెప్పాడట.కానీ అప్పటికే బాలయ్య తో ‘సమర సింహా రెడ్డి’ సినిమా చేస్తున్న గోపాల్, కథ అద్భుతంగా ఉంది హోల్డ్ లో ఉంచు తర్వాత చేద్దాం అన్నాడట.ఈ విషయం చిన్న కృష్ణ స్నేహితుల ద్వారా తమిళ దర్శకుడు KS రవికుమార్ చెవికి చేరింది.వెంటనే చిన్నికృష్ణ వద్దకి వచ్చి,ఈ స్క్రిప్ట్ ని నాకు ఇస్తే నేను రజినీకాంత్ తో చేసుకుంటాను అనగానే , ఎలాగో బాలయ్య వరుసగా సినిమాలు కమిట్ అయ్యి ఉన్నాడు కాబట్టి ఈ స్క్రిప్ట్ ని రజినీకాంత్ కి ఇచ్చేద్దామనే నిర్ణయం తీసుకొని KS రవికుమార్ కి ఆ స్క్రిప్ట్ ని అమ్మేసాడట.
అలా తీసిన ఈ సినిమా సౌత్ ఇండియన్ ఫిలిం ఇండస్ట్రీ ని ఒక ఊపు ఊపేసింది.తెలుగు లో మళ్ళీ ఈ సినిమాని రీమేక్ చేద్దాం అనుకున్నారు కానీ, ఆ పాత్రకి రజినీకాంత్ తప్ప ఎవ్వరు న్యాయం చెయ్యలేరు అనే రేంజ్ లో నటించేసరికి ఏ హీరో కూడా ఈ రీమేక్ లో నటించడానికి సాహసించలేదు.దాంతో తెలుగులో దబ్ చేసి విడుదల చేసారు.
