NTR Assets: జూనియర్ ఎన్టీఆర్ టాలీవుడ్ టాప్ స్టార్స్ లో ఒకరు. ఆర్ ఆర్ ఆర్ మూవీతో ఆయన రేంజ్ మరో లెవెల్ కి వెళ్ళింది. ప్రస్తుతం ఎన్టీఆర్ రెమ్యూనరేషన్ రూ. 80 కోట్లకు పైమాటే. చాలా కాలంగా ఆయన రూ. 40 కోట్లు వరకూ తీసుకున్నారు. ఈ క్రమంలో ఎన్టీఆర్ వారసుల కోసం బాగానే కూడబెట్టాడట. తండ్రి హరికృష్ణ ద్వారా కొంత ఆస్తి ఆయనకు దక్కింది. అయితే ఎన్టీఆర్ సొంత ఊరిలో కూడా పెట్టుబడి పెట్టాడన్న విషయం ఇటీవల బయటపడింది. ఏపీ ప్రతిపక్ష నేత చంద్రబాబును విమర్శించే క్రమంలో మాజీ మంత్రి కొడాలి నాని ఎన్టీఆర్ ఆస్తులపై కీలక వ్యాఖ్యలు చేశారు.
జూనియర్ ఎన్టీఆర్ కి తాత ఆస్తిలో భాగంగా సొంతూరు నిమ్మకూరులో ఐదు ఎకరాల పొలం సంక్రమించింది. దానికి తోడు మరో 25 ఎకరాలు ఎన్టీఆర్ కొన్నాడని కొడాలి నాని అన్నారు. టీడీపీకి నిజమైన వారసుడు ఎన్టీఆర్. తాత సీనియర్ ఎన్టీఆర్ మీద అభిమానంతో లక్షలు ఖర్చు చేసి ఊరిలో విగ్రహాలు ఏర్పాటు చేశాడని కొడాలి నాని చెప్పుకొచ్చాడు. ఆయన రాజకీయ ఆరోపణలు పక్కన పెడితే ఎన్టీఆర్ కి తన సొంతూరులో ఒక ముప్పై ఎకరాల వరకూ ఆస్తి ఉందన్న క్లారిటీ వచ్చింది.
నందమూరి తారక రామారావు పుట్టింది ఉమ్మడి కృష్ణాజిల్లా జిల్లా నిమ్మకూరులో. నటనపై మక్కువతో చెన్నై వెళ్లి స్టార్ హీరో అయ్యారు. ఎంత ఎదిగినా ఆయనకు సొంత ఊరంటే ప్రాణమట. తరచుగా నిమ్మకూరు వచ్చి కొన్ని రోజులు ఉండి… బంధు మిత్రులను పలకరించి వెళ్ళేవారట. ఎన్టీఆర్ సైతం అప్పుడప్పుడు నిమ్మకూరు వెళతారని సమాచారం.
ఇక కొడాలి నానికి ఎన్టీఆర్ ఆప్తమిత్రుడు. కోడలి నాని వైసీపీలోకి వెళ్ళాక వీరు కలుసుకోవడం మానేశారు. గతంలో ఎన్టీఆర్ సినిమాలకు కోడలి నాని నిర్మాతగా కూడా వ్యవహరించారు. మరోవైపు టీడీపీలోని ఒక వర్గం ఎన్టీఆర్ పార్టీలోకి రావాలని కోరుకుంటున్నారు. అప్పుడప్పుడు టీడీపీ శ్రేణులు లోకేష్-ఎన్టీఆర్ వర్గాలుగా విడిపోయి కొట్టుకోవడం మనం చూస్తున్నాం. నారా చంద్రబాబు నాయుడు సభల్లో ఎన్టీఆర్ ఫోటోలు, జెండాలు ప్రదర్శిస్తూ నిరసనలు చేయడం పరిపాటిగా మారింది.
