Indipendence Day: అంతరిక్షం నుంచి మన జాతీయ జెండా, హైదరాబాద్ ఎలా ఉంటుందో తెలుసా?

Indipendence Day: భారత స్వాతంత్య్ర సంబరం అంబరాన్నంటింది. ఏకంగా ఆకాశంలోనూ పండుగ చేసుకునే స్థాయికి ఎదిగింది. భారత సంతతికి చెందిన ఆస్ట్రోనాట్ రాజా చారి అంతరిక్ష కేంద్రం భారత త్రివర్ణ పతాకాన్ని ఎగురవేసి ఇండియాకు శుభాకాంక్షలు తెలిపారు. ఈ మేరకు ఆయన అంతరిక్ష కేంద్రం నుంచి షేర్ చేసిన ఫొటోలు వైరల్ గా మారాయి.

ప్రస్తుతం భారత సంతతికి చెందిన అమెరికన్ రాజా చారి అంతర్జాతీయ అంతరిక్ష కేంద్రంలో ఉన్నారు. ఆయన మన భారత్ లోని హైదరాబాద్ ను రాత్రిపూట వెలిగిపోతోందంటూ ఆ ఫొటోను పంచుకున్నారు. ఈ సందర్భంగా ట్వీట్ చేస్తూ.. ‘తన ట్వీట్ లో పూర్వీకుల దేశం గురించి గొప్పగా చెప్పుకొచ్చాడు.

భారత స్వాతంత్ర్య దినోత్సవాన్ని జరుపుకుంటోందని.. స్పేస్ స్టేషన్ నుంచి ఆ దేశ వైభవాన్ని చూస్తున్నట్లు ఆ ఫొటోలను షేర్ చేసి రాజా చారి ఆనందం వ్యక్తం చేశారు.

తన తండ్రి స్వస్థలమైన హైదరాబాద్ నగరం దివ్యంగా వెలిగిపోతున్నట్లు రాజా చారి తన ట్వీట్ లో పేర్కొన్నాడు. భారత్-అమెరికా మంచి స్నేహ సంబంధాలు ఉన్నాయని..అన్ని రంగాల్లోనూ సహకారం అందుతోందన్నారు.ఇస్రో చేపడుతున్న అన్ని మిషన్లు సక్సెస్ కావాలని రాజాచారి ఆకాంక్షించారు.