Revanth reddy hugged Allu Arjun : రాష్ట్ర రాజధాని హైదరాబాద్లో ఘనంగా జరిగిన గద్దర్ అవార్డ్స్ 2025 వేడుకల్లో ముఖ్యమంత్రి రేవంత్ రెడ్డి, స్టార్ హీరో అల్లు అర్జున్ల సన్నిహిత క్షణాలు అందరినీ ఆకట్టుకున్నాయి. ఈ కార్యక్రమానికి ముఖ్య అతిథిగా హాజరైన సీఎం రేవంత్ రెడ్డి, స్టేజీ వద్దకు చేరుతున్న సమయంలో ఫస్ట్ రోలో కూర్చున్న ‘పుష్ప’ హీరో అల్లు అర్జున్ను ప్రత్యేకంగా పలకరించారు. ఉత్తమ నటుడిగా గద్దర్ అవార్డు అందుకున్న అల్లు అర్జున్ను సీఎం రేవంత్ అభినందిస్తూ వారిద్దరూ హగ్ చేసుకున్నారు. ఆ సన్నివేశం ఇప్పుడు సోషల్ మీడియాలో తెగ వైరల్ అవుతోంది. ఎందుకంటే ఇదే అల్లు అర్జున్ ను పుష్ప 2 ప్రమోషన్ లో ఓ మహిళ చనిపోయినందుకు అరెస్ట్ చేయించారు రేవంత్ రెడ్డి. తన ప్రభుత్వం తరుఫున కఠిన చర్యలకు దిగారు. అసెంబ్లీలోనూ అల్లు అర్జున్ తీరును తప్పుపట్టారు. ఇప్పుడు ఇదే అల్లు అర్జున్ ను రేవంత్ హగ్ చేసుకోవడం ప్రాధాన్యత సంతరించుకుంది.
సాధారణంగా రాజకీయ నేతలు, సినీ ప్రముఖులు పబ్లిక్ ఈవెంట్స్లో కలుసుకోవడం రొజువారీ విషయమే అయినా.. సీఎం రేవంత్ , అల్లు అర్జున్ మధ్య చూపించిన ఆప్యాయత ఇప్పుడు ప్రత్యేక చర్చనీయాంశమైంది. అభిమానులు, నెటిజన్లు ఈ వీడియోను విపరీతంగా షేర్ చేస్తూ “పుష్ప 2 ప్రమోషన్ ఇక్కడ మొదలైందా?” అంటూ కామెంట్స్ చేస్తున్నారు.
గద్దర్ అవార్డ్స్ 2025 వేడుకలో అల్లు అర్జున్ ఉత్తమ నటుడిగా పురస్కారం అందుకోవడం మరో ప్రత్యేకత. ఆయన ప్రస్తుతం ‘పుష్ప 2: ది రూల్’ సినిమా షూటింగ్లో బిజీగా ఉన్న సంగతి తెలిసిందే.
ఈ వేడుకలో పలువురు రాజకీయ, సినీ ప్రముఖులు హాజరయ్యారు. గద్దర్ జ్ఞాపకార్థంగా నిర్వహించిన ఈ అవార్డ్స్ వేడుక తెలుగు సినిమా, రాజకీయ రంగాల్లో మరోసారి ఆసక్తికరంగా మారింది.
అల్లు అర్జున్కు హగ్ ఇచ్చిన రేవంత్ రెడ్డి pic.twitter.com/bs0HDDgR35
— Telugu Scribe (@TeluguScribe) June 14, 2025
