Elizabeth 2 Coin: ప్రపంచంలోనే అత్యంత ఖరీదైన బంగారు నాణెం క్వీన్ ఎలిజబెత్–2 గౌరవార్ధం యూకేలో ఆవిష్కరించారు. ఈ కాయిన్ ఖరీదు అక్షరాల రూ.192 కోట్లు.. మరి దీనికి అంత ఖరీదు ఎందుకు.. ప్రత్యేకత ఏమిటీ అనే సందేహాలు రావడం ఖాయం.. ఇటీవన మన నందమూరి తారక రామారావు వందో జయంతి సందర్భంగా ఆయన పేరిట కాయిన్ ఆవిష్కరించింది కేంద్రం. దాని ఖరీదు రూ.6,500 వరకు నిర్ణయించింది. కానీ యూకే మాత్రం ఆ దేశ రాణిగా సుదీర్ఘకాలం కొనసాగిన ఎలిజిబెత్ – 2 పేరిట ఖరీదైన కాయిన్ విడుదల చేసింది. ఇది ప్రపంచంలోనే అత్యంత ఖరీదైన నాణెంగా నిలిచింది.
ఎలిజిబెత్ వర్ధంతి సందర్భంగా..
క్వీన్ ఎలిజిబెత్ మొదటి వర్ధంతి సందర్భంగా ఈ బంగారు నాణెం ఆవిష్కరించారు. దాదాపు 4 కిలోల బంగారం, 6,400 కంటే ఎక్కువ వజ్రాలతో దీనిని తయారు చేసారు. ఈ నాణెం విలువ సుమారు 23 మిలియన్ డాలర్లు(భారతీయ కరెన్సీలో రూ.192 కోట్లు) గా అంచనా వేశారు.
ఎవరు తయారు చేశారంటే..
లగ్జరీ లైఫ్ స్టైల్ బ్రాండ్ ఈస్ట్ ఇండియా కంపెనీ తయారు చేసిన ఈ నాణేన్ని క్వీన్స్ మరణించిన ఒక సంవత్సరం తరువాత ఆమె వర్ధంతి సందర్భంగా విడుదల చేశారు. నాణెం 9.6 అంగుళాల కంటే ఎక్కువ వ్యాసంతో ఉంది. మధ్య నాణెం 2 పౌండ్ల కంటే ఎక్కువ బరువు ఉంది. దాని చుట్టూ ఉన్న చిన్నవి ఒక్కొక్కటి 1 ఔన్స్ బరువుతో ఉన్నాయి. కిరీటాన్ని చాలా జాగ్రత్తగా తయారు చేశారు. వజ్రాలను చాలా శ్రమతో కత్తిరించారట. ఇక నాణెం అంచుల చుట్టూ ‘వయసుతో అనుభవం వస్తుంది.. దానిని సరిగ్గా ఉపయోగిస్తే పుణ్యం అవుతుంది’ అంటూ క్వీన్ కోట్లను కూడా రాశారు. ఈ విషయాల్ని ఈస్ట్ ఇండియా కంపెనీ పేర్కొంది. అంతే కాదు ఈ నాణేల ఫొటోలను తమ ట్విట్టర్ ఖాతాలో షేర్ చేసింది.
Introducing The Crown – a once in a lifetime tribute to The Queen
An extraordinary tribute coin created to commemorate the enduring legacy of Her Majesty Queen Elizabeth II.
We invite you to view the piece and the making of in more detail on our website. pic.twitter.com/SiZXjfvjPB
— The East India Company (@TheEastIndia) September 7, 2023
