Hari Hara Veeramallu First Review : పవన్ కళ్యాణ్(Deputy CM Pawan Kalyan) అభిమానులు ఎప్పుడెప్పుడా అని ఆతృతగా ఎదురు చూస్తున్న ‘హరి హర వీరమల్లు'(Hari Hara Veeramallu) చిత్రం మరో 5 రోజుల్లో ప్రేక్షకుల ముందుకు రాబోతుంది. ఈ సినిమా కోసం ఎన్నడూ లేని విధంగా పవన్ కళ్యాణ్ అత్యధిక డేట్స్ ఇచ్చాడు. ఆయనకు ఉన్న పొలిటికల్ కమిట్మెంట్స్ కి డేట్స్ ఇవ్వడం అంత సులువైన విషయం కాదు. అయినప్పటికీ డేట్స్ ఇచ్చాడు. ఒక పక్క తన ఆర్ధిక ఇబ్బందులను ఎదురుకుంటూ, మరో పక్క తానూ ఇష్టపడే పవన్ కళ్యాణ్ కి, ఆయన అభిమానులకు జీవితాంతం గుర్తుండిపోయే రేంజ్ సినిమా ఇవ్వాలని, ఎన్ని అడ్డంకులు ఎదురైనా తట్టుకొని ఈ చిత్రాన్ని పూర్తి చేసి ఫ్యాన్స్ ముందుకు తీసుకొస్తున్నాడు నిర్మాత AM రత్నం. కాసేపటి క్రితమే ఈ సినిమాకు సంబంధించిన మొదటి కాపీ ని నిర్మాత AM రత్నం కొంతమంది ప్రముఖులతో కూర్చొని ప్రసాద్ ల్యాబ్స్ లో చూశాడట.
ఫైనల్ ఔట్పుట్ చూసిన తర్వాత ఆయనలో ఆనందం మామూలు రేంజ్ లేదని సమాచారం. తానూ ఊహించిన దానికంటే అద్భుతమైన ఔట్పుట్ వచ్చిందని,ఇలాంటి సినిమాని తీసినందుకు గర్వం గా ఉందని ఆయన మీడియా మిత్రులతో తన ఆనందాన్ని పంచుకున్నాడు. అయితే తన సినిమా తనకు బాగుందని రత్నం మాత్రమే కాదు,ఏ నిర్మాత అయినా చెప్పుకుంటాడు. కానీ జనాలకు నచ్చడమే ముఖ్యం. అలా ఆడియన్స్ గా ఈ సినిమాని చూసిన కొంతమంది ప్రముఖుల నుండి, బయ్యర్స్ నుండి వచ్చిన టాక్ ఏంటో ఒకసారి చూద్దాం. ఈ సినిమా నెల్లూరు, గుంటూరు ప్రాంతాల థియేట్రికల్ రైట్స్ ని కొనుగోలు చేసిన డాక్టర్ పవన్, ఈ చిత్రాన్ని చూశాడట. కాసేపటి క్రితమే ఆయన ట్విట్టర్ లో ఈ సినిమాకు సంబంధించిన రివ్యూ ని అప్లోడ్ చేశాడు. ఆయన నుండి ఒకే ఒక్క మాట వచ్చింది. పవన్ కళ్యాణ్ అభిమానులారా మీ టైం మొదలైంది. ఇక రెచ్చిపోండి అంటూ చెప్పుకొచ్చాడు.
సినిమా విజువల్ గా ఒక వండర్ లాగా ఉందని, ఇప్పటి వరకు మీరు చూసిన పవన్ కళ్యాణ్ ఒక ఎత్తు అయితే, ఈ సినిమాలో కనిపించబోయే పవన్ కళ్యాణ్ మరో ఎత్తు. రాసుకోరా సాంబా థియేటర్స్ బ్లాస్ట్ అవ్వకపోతే నన్ను అడుగు అంటూ చెప్పుకొచ్చాడు. సినిమాలోని హైలైట్స్ గురించి ఆయన మాట్లాడుతూ గుడి వద్ద కొన్ని సన్నివేశాలు, పోర్ట్ లో వచ్చే ఫైట్ సన్నివేశం, కుస్తీ ఫైట్ లో వచ్చే ఎమోషన్స్,కొల్లగొట్టినాదిరో సాంగ్, అద్భుతమైన ఇంటర్వెల్ సన్నివేశం,ఫ్లాష్ బ్యాక్ సన్నివేశం, పులి తో వచ్చే సన్నివేశం,మైండ్ ని బ్లాస్ట్ చేసే ప్రీ క్లైమాక్స్ సన్నివేశం, తారా సాంగ్, చిన్న పాపతో వచ్చే ఎమోషనల్ సన్నివేశం, బ్యాక్ గ్రౌండ్ సాంగ్స్ ఇవన్నీ హైలైట్స్ గా నిలుస్తాయని చెప్పుకొచ్చాడు. ఇక క్లైమాక్స్ లో వచ్చే ట్విస్ట్ కి ఫ్యాన్స్ ఏమైపోతారో, ఇప్పటి వరకు పవన్ కళ్యాణ్ ని ఎవ్వరూ కలలో కూడా ఊహించని అవతార్ లో కనిపించబోతున్నాడు. ఇవన్నీ నిజామా కాదా అనేది తెలియాలంటే మరో 5 రోజులు ఆగాల్సిందే.
