Sunrisers Hyderabad: వార్నర్ ని బ్లాక్ చేసిన హైదరాబాద్ టీమ్… అసలు కారణం ఇదే…

Sunrisers Hyderabad: సన్ రైజర్స్ హైదరాబాద్ టీం కి 2016 వ సంవత్సరంలో ఐపీఎల్ టైటిల్ ని అందించిన కెప్టెన్ గా డేవిడ్ వార్నర్ మంచి గుర్తింపును సంపాదించుకున్నాడు. ఇక ఆ తర్వాత నుంచి హైదరాబాద్ టీమ్ కి అసలు ఒక్కసారి కూడా కప్ అనేది రాలేదు. అతను కెప్టెన్ గానే కాకుండా బ్యాటింగ్ లోను తన సత్తా చాటుకున్నాడు.

కెప్టెన్ గా టీం భారం మొత్తాన్ని తనే మోస్తూ సన్ రైజర్స్ హైదరాబాద్ టీం కి అందించాడు. ఇక కొన్ని కారణాల వల్ల అతనితో ఏర్పడిన కొన్ని విభేదాలు వల్ల 2021వ సీజన్ మధ్యలో సన్ రైజర్స్ హైదరాబాద్ టీం అతన్ని కెప్టెన్ గా పక్కన పెట్టేసింది. 2022 వ సంవత్సరంలో టీం నుంచి బయటికి వదిలేసింది. దాంతో ఢిల్లీ క్యాపిటల్స్ 2022 వ సంవత్సరంలో వార్నర్ తీసుకున్నారు…

ఇక ఇది ఇలా ఉంటే ఆస్ట్రేలియా ప్లేయర్ అయిన ట్రావిస్ హెడ్ ని నిన్న జరిగిన మినీ వేలం లో సన్ రైజర్స్ హైదరాబాద్ టీం 6.80 కోట్ల కి కొనుగోలు చేసింది.దాంతో తన సహచర ఆటగాడిని సన్ రైజర్స్ హైదరాబాద్ టీమ్ కొనుగోలు చేయడం పట్ల సంతోషాన్ని వ్యక్తం చేసిన వార్నర్ కంగ్రాచ్యులేషన్స్ చెప్పడానికి సన్ రైజర్స్ హైదరాబాద్ టీమ్ అకౌంట్ ని ఓపెన్ చేయగా అతని ఎంత సేపు ప్రయత్నం చేసిన మెసేజ్ అనేది ఫార్వర్డ్ అవ్వలేదు దాంతో హైదరాబాద్ ట్విట్టర్లో (ఎక్స్) అలాగే ఇన్ స్టా లో తనని బ్లాక్ చేసినట్టుగా డేవిడ్ వార్నర్ స్వయంగా తనే సోషల్ మీడియా వేదికగా ఈ విషయాన్ని పంచుకున్నాడు…

ఇక ఇది చూసిన హైదరాబాద్ టీం అభిమానులు సైతం డేవిడ్ వార్నర్ లాంటి ఒక గొప్ప కెప్టెన్ ని బ్లాక్ చేయడం కరెక్ట్ కాదు ఆయన తన కెప్టెన్సీలో ఒకసారి సన్ రైజర్స్ టీం కి కప్ ను కూడా అందించాడు. అలాంటి వ్యక్తి పట్ల ఇలా వ్యవహరించడం హైదరాబాద్ టీం కి తగ్గిన విషయం కాదు అంటూ పలువురు హైదరాబాద్ టీమ్ అభిమానులు సైతం సోషల్ మీడియా వేదికగా హైదరాబాద్ టీమ్ ను దూషిస్తూ కొన్ని కామెంట్లను కూడా పెడుతున్నారు. నిజానికి డేవిడ్ వార్నర్ కి హైదరాబాద్ టీమ్ అన్న, హైదరాబాద్ ప్లేస్ అన్న కూడా తనకు చాలా ఇష్టం అంటూ చాలాసార్లు ఇంటర్నేషనల్ మీడియా లో కూడా చెప్పాడు. అలాంటి వ్యక్తికి పట్ల హైదరాబాద్ టీమ్ వ్యవహరించడం కరెక్ట్ కాదు అంటూ పలువురు క్రికెట్ మేధావులు సైతం వాళ్ళ అభిప్రాయాలను వ్యక్తం చేస్తున్నారు…